CAƔ WEZUU ƐZƖ KRƖSTƲ TƲ YƆ
Ɛbɛ JW Tɔm Ðɩyɔɔdɩyɛ yɔɔ hendu kɩfatʋ kpɛlɩkɩɣ-ŋ?
JW Tɔm Ðɩyɔɔdɩyɛ yɔɔ hendu kɩfatʋ ndʋ ŋkɩlɩ sɔɔlʋʋ? Ɛbɛ yɔɔ ŋsɔɔlɩ-tʋ? Ŋpɩzaa nɛ ŋyʋsɩ se mbʋ mbʋ pɩlakɩ ɛyʋ wezuu caɣʋ taa yɔ, mbʋ pawɩlɩɣ videowaa mba pa-taa? Hendu ndʋ, titukuuni paa anɩ mbʋ pʋyɔɔ yɔ, tɩkɛ hendu ndɩ ndɩ ndʋ tɩyɔɔdʋʋ tɔm ñʋŋ ndɩ ndɩ tɔm yɔ. Ɛlɛ paalɩzɩɣ hendu ndʋ nɛ tɩ-tɛ minziiki tɛ videowaa se ɖɩcalɩsɩɣnɩ ɖɛ-ɛsa yem.
Paa JW Tɔm Ðɩyɔɔdɩyɛ yɔɔ hendu kɩfatʋ ndʋ lɛ, tɩkpɛlɩkɩɣ-ɖʋ lɔŋ kɩbaŋ pɩlɩɩnɩ Krɩstʋ ñɩma wezuu caɣʋ nɛ pɛ-Ɛsɔ sɛtʋ yɔɔ. Hendu natʋyʋ yɔɔdʋʋ ɛgɔndʋ mʋʋ, nɔɔ kʋɖʋmaɣ, taabalɩyɛ ɖʋʋ, abalɩtʋ, sɔɔlɩm yaa tisuu tɔm. Lɛɛtʋ ñeseɣtiɣ-ɖʋ se ɖɩpɩsɩ Yehowa cɔlɔ, ɖikpeɣ lalaa, ɖɩɖɔkɩ ɖa-cɩŋgɩlɩm wɛtʋ paa evemiye nɖɩ, nɛ ɖɩwɛɛnɩ fezuu taa kaɖʋsɩ. Halɩ hendu natʋyʋ yɔɔdʋʋ ɛzɩma ɖɩlabɩnɩ tʋmɩyɛ pɔrtaabɩlɩwaa yɔ pɩ-tɔm. Lɔŋ kɩbaŋ weyi ŋkpɛlɩkɩ JW Tɔm Ðɩyɔɔdɩyɛ yɔɔ hendu kɩfatʋ taa?
CƆNƖ JW TƆM ÐƖYƆƆDƖYƐ YƆƆ HENDU KƖFATƲ PƖÑƆTƖ KPAM TƐ VIDEO NƐ PƲWAYƖ LƐ, ŊCOSI TƆM PƆZƲƲ MBƲ PƖKƆŊ YƆ PƖ-YƆƆ: