Ɛzɩma pɩwɛɛ se ɖɩlabɩnɩ kɛdɛsɩ labʋ hɔɔlʋʋ tʋmɩyɛ yɔ

Janvier 2018, papaɣzɩ ɖʋʋ kɛdɛsɩ labʋ Ðe-wezuu caɣʋ nɛ ɖɛ-Ɛsɔ sɛtʋ tʋmɩyɛ—Kpɛlɩkʋʋ takayaɣ kajalaɣ hɔɔlʋʋ yɔɔ. Ɛzɩma ɖɩpɩzɩɣ nɛ ɖɩlabɩnɩ kɛdɛsɩ nzɩ tʋmɩyɛ?

Alɩwaatʋ ndʋ ŋŋlakɩ sukulibiya tʋma yɔ: Pɩpɔzʋʋ se ŋlabɩnɩ tʋmɩyɛ tɔm pɔzʋʋ, mayaɣ nɛ pɩsɩ nɛ ŋna-ɩ tɔm pɔzʋʋ. Ɛlɛ pɩɩwɩlɩɣ se pɩpɔzʋʋ se ŋlabɩnɩ tʋmɩyɛ tɔm pee wena palabɩnɩ tʋmɩyɛ kɛdɛsɩ labʋ videowaa taa yɔ. Ŋpɩzɩɣ ŋlɛɣzɩ tɔm pee, kɔɔnɔɔ tɔm nɛ ɛzɩma ŋcɔlʋʋ ñɔ-tɔm yɔ. Ŋpɩzɩɣ ɖɔɖɔ nɛ ŋha Tɔm wɩlʋʋ wondu taa takayaɣ nakɛyɛ paa patɩyɔɔdɩ se paha-kɛ yɔ.

Alɩwaatʋ ndʋ ŋsusuu tɔm yɔ: Kɛdɛsɩ labʋ hɔɔlʋʋ sɩɣnɩ-ŋ se ŋhiɣ lɩmaɣza wena ŋlabɩnɩ tʋmɩyɛ yɔ. Ye ɖɩɣdʋ ɛsɔɔlaa se ɛtɩlɩ nɛ pɩkpaɖɩ yɔ, ŋpɩzɩɣ nɛ ŋtɩŋnɩ kɛdɛsɩ labʋ hɔɔlʋʋ taa pɩsɩ nɛ ŋna-ɩ lɔŋ tasʋʋ yɔɔ nɛ ŋwolo kɛdaɣ yɔɔ. Ŋpɩzɩɣ nɛ ŋlɛɣzɩ kɛdɛsɩ labʋ hɔɔlʋʋ taa tɔm pazɩ yaa ŋlabɩnɩ tʋmɩyɛ tɔm lɛɛtʋ ndʋ tɩfɛyɩ hɔɔlʋʋ ŋgʋ kɩ-taa yɔ. Ɛzɩ fenaɣ ŋga kɛɖɛwa yɔ kɛ-tɛ kɛdɛsɩ labʋ hɔɔlʋʋ taa tɔm yaa mayaɣ lɛɛka nakɛyɛ tukuuni ño-kooka taa ñɩma nɛ pɩkɩlɩ? Ɛzɩ nabʋyʋ labɩ ño-kooka taa nɛ pɩ-tɔm yɔɔdʋʋ kaɣnɩ tukunuu ɛyaa nɛ pɩkɩlɩ? Paa ɛzɩma ŋsɔɔlaa se ŋlabɩnɩ tʋmɩyɛ kɛdɛsɩ labʋ hɔɔlʋʋ taa tɔm yɔ, taasɔɔ se ña-kaɖʋwa lɛ se ‘ŋla pɩtɩŋa payɩ tɔm kɩbandʋ yɔɔ, se pɩsa nɛ ŋsusi-tʋ lalaa.’—1Kɔ 9:22, 23.