Taatɩŋ ɛyaa sakɩyɛ

23:1-3

Yehowa kaaheyi mba palɩzɩɣ aseɣɖe tɔm ɖɩhʋyɛ yɔ nɛ tɔm hʋyaa se pataayele nɛ samaɣ wɛɛnɩ ɖoŋ pɔ-yɔɔ, nɛ piyele nɛ pɔyɔɔdɩ cɛtɩm tɔm yaa pahʋʋ tɔm ndʋ tɩtɩmʋna. Ɛlɛ papɩzɩɣ nɛ palabɩnɩ tʋmɩyɛ paɣtʋ kiɖe nɖɩ wezuu caɣʋ hɔɔlɩŋ lɛɛŋ taa ɖɔɖɔ. Ɛjaɖɛ pɩzɩɣ nɛ ɖɩwɛɛnɩ ɖoŋ Krɩstʋ ñɩma yɔɔ nɛ pɛwɛɛnɩ ɛyaa mba paañaŋ Ɛsɔ yɔ pa-lɩmaɣza nɛ pa-lakasɩ.—Rom 12:2.

Ɛbɛ yɔɔ pɩɩkɛɣnɩ lɔŋsɩnɖɛ se ɖɩtɩŋɩɣ samaɣ alɩwaatʋ ndʋ

• ɖɩnɩɣ cɛtɩm tɔm yaa tɔm ndʋ nabʋyʋ ɛɛwɩlɩɣ se tɩkɛ toovenim yɔ?

• ɖɩlɩzɩɣ wondu ndʋ ɖisuu yɔ, ñɔsɩ nzɩ ɖɩla yɔ yaa aleɣya wena ɖɩla yɔ?

• ɖɩwɛɣ ɛyaa mba po-tomnaɣ tɔlɩm nɛ pɔ-sɔnzɩ wɛ ndɩ nɛ ɖa-ñɩnzɩ yɔ, yaa mba pɛfɛyɩ ñɩm nɛ pɩtalɩ-ɖʋ yɔ pɛ-hɛkʋ taa yɔ?