Kpa ña-tɩ nɛ cɛtɩm tɔm susuu

Sɔnɔ tɔm susuu takayɩsɩ, raadiyoowaa, teeleewaa nɛ intɛrnɛɛtɩ peyeki nɛ tɔm yɛlɩɣ lɛɛ lɛɛ. Mba pɛsɛɣ “tʋtʋyɛ Ɛsɔ” yaa Ɛsɔ toovenim tʋ yɔ, paayeki se tɔm ndʋ tɩtɩkɛ toovenim yɔ, tɩtɩŋnɩ pɔ-yɔɔ nɛ tɩyɛlɩ. (Keɣa 30:6; Ejl 23:1) Ye ɖɩnɩ cɛtɩm tɔm natʋyʋ nɛ ɖiheyiɣ-tʋ lalaa yɔ, pɩpɩzɩɣ nɛ pɩkɔnɩ kaɖɛ siŋŋ. Pɩsa nɛ ŋtɩlɩ se tɔm natʋyʋ kɛ toovenim lɛ, pɔzɩ ña-tɩ se:

• ‘Weyi ɛ-cɔlɔ tɩlɩnaa yɔ, papɩzɩɣ nɛ pataa-ɩ liu na?’ Pɩtɩla weyi ɛkɛdɩɣ tɔm ndʋ yɔ, ɛtɩtɩlɩ mbʋ pɩlabɩ ɖeyi ɖeyi yɔ. Ɛyaa kɛdɩɣ ɖama tɔm ndʋ nɛ tɩyɛlɩɣ lɛɛ lɛɛ yɔ, tɩpɩzɩɣ nɛ tɩlɛɣzɩ. Pʋyɔɔ lɛ, ye ŋŋsɩŋ ɖenɖe tɔm natʋyʋ lɩnaa yɔ, pɩwɛɛ se ŋkpa ña-tɩ. Mba pɛɖɛɣ nɔɔ ɛgbɛyɛ taa yɔ, lalaa taɣ-wɛ liu; pʋyɔɔ pɩwɛɛ se pakpa pa-tɩ nɛ pataakɛdɩɣ tɔm ndʋ paasɩŋ se tɩkɛ toovenim yaa tɩtɩkɛ yɔ.

• ‘Pɩkɛ kɔlɔmɔtʋ tɔm na?’ Ye tɔm natʋyʋ episiɣ ɛyʋ nɔɔyʋ yaa ɛyaa nabɛyɛ hɩɖɛ yɔ, pɩwɛɣ ɖeu se ɖɩtaakɛdɩɣ-tʋ lalaa.—Adu 18:8; Fil 4:8.

• ‘Pɩkɛ tɔm ndʋ pataɣ-tʋ liu yɔ?’ Ye pɛkɛdɩɣ tɔm natʋyʋ nɛ pɛɖɛlɛsɩɣ niye nɛ pɩnaɣ kaɣlaa se tɩɩpɩzɩɣ nɛ tɩkɛ toovenim yɔ, kpa ña-tɩ nɛ tɔm ndʋ.

CƆNƖ VIDEO ƐZƖMA MANPƖZƖƔ MALA NƐ MENSE ƐYAA TƆM YƆƆDƲƲ? NƐ PƲWAYƖ LƐ ŊCOSI TƆM TƲNƐ TƖ-YƆƆ:

• 

  Ɛzɩ Aduwa 12:18 yɔɔdʋʋ yɔ, kaɖɛ nɖɩ tɔm pee pɩzɩɣ nɛ akɔna?

• 

  Ɛzɩma Filiipu 2:4 sɩɣnɩ-ɖʋ se ɖɩtɩlɩ tɔm ndʋ pɩwɛɛ se ɖɩyɔɔdɩ lalaa yɔɔ yɔ?

• 

  Ye ɖa nɛ nabɛyɛ ɖɩwɛɛ nɛ ɖɩlakɩ kɛdaɣ nɛ papaɣzɩ yɔɔdʋʋ tɔm kɩdɛkɛdɩtʋ lalaa yɔɔ yɔ, ɛbɛ pɩwɛɛ se ɖɩla?

• 

  Pʋcɔ nɛ ɖɩpaɣzɩ yɔɔdʋʋ lalaa tɔm lɛ, tɔm ndʋ pɩwɛɛ se ɖɩpɔzɩ ɖa-tɩ?