Pɩnaɣ taa kigbeɣliŋ haɣ-ɖʋ waɖɛ se ɖɩwɩlɩɣ ɖama sɔɔlɩm

Ɛbɛ yɔɔ ɖɩsɔɔlɩ kigbeɣliŋ weyi ɖɩlakɩ pɩnaɣ taa yɔ ɩ-tɔm pɩdɩɩfɛyɩ? Ɛzɩ caanaʋ taa Izrayɛɛlɩ mba alɩwaatʋ taa yɔ, kigbeɣliŋ haɣ-ɖʋ waɖɛ se ɖa nɛ ɖo-koobiya mɩnɩŋ sakɩyɛ yaa halɩ kudokiŋ sakɩyɛ ɖikpeɣli nɛ ɖɩsɛɛ Yehowa. Ðɩsɔɔlɩ fezuu taa tɔɔnaɣ kɩbaŋa ŋga ɖɩtɔkɩ kigbeɣliŋ taa yɔ. Nɛ pɩkɛdɩɣnɩ-ɖʋ ɖɔɖɔ se ɖa nɛ ɖɔ-hɔʋ taa mba nɛ ɖa-taabalaa ɖɩkatɩ. Pʋyɔɔ ɖɩñakɩ pana nɛ ɖiwoki kɩyakɩŋ naadozo kigbeɣliŋ taa.

Ðihikiɣ waɖɛ se ɖikpeɣli lɛ, ɖɩɩmaɣzɩɣ ɖa-maɣmaɣ ɖɛ-kɛzɛɣa ɖeke yɔɔ ɛlɛ ɖɩmaɣzɩɣ ɛzɩma ɖɩwɩlɩ lalaa sɔɔlɩm yɔ pɩ-yɔɔ (Gal 6:10; Ebr 10:24, 25). Ye ɖɩtʋlʋʋ ɖo-koobiya pɔɔyʋʋ se pasʋʋ yaa ye ɖɩñɩnɩɣ ɖɩjaɣyɛ ɖa-maɣmaɣ, ɖɔ-hɔʋ taa mba yaa ɖa-taabalaa ɖeke yɔ, ɖɩwɩlɩɣ se ɖɩmaɣzɩɣ lalaa yɔɔ. (Fil 2:3, 4) Kigbeɣliŋ haɣ-ɖʋ waɖɛ se ɖihiɣ taabalaa kɩfama. Ðɩpɩzɩɣ nɛ ɖɩɖʋ ɖa-tɩ kaɖʋwa se ɖɩyɔɔdʋʋnɩ weyi ɖɩɩsɩŋ yɔ, pʋcɔ nɛ kigbeɣluu ɖʋtʋ paɣzɩ yaa tɩtɛŋ lɛ yaa hɛzʋʋ alɩwaatʋ taa. (2Kɔ 6:13) Ðɩpɩzɩɣ nɛ ɖihiɣ taabalaa mba ɖa nɛ wɛ ɖa-taabalɩyɛ wɛɣ tam yɔ. Kɔzɩ kɔzɩ lɛ, ɛyaa naɣ sɔɔlɩm siŋŋ mbʋ pɩwɛ ɖɛ-hɛkʋ taa yɔ lɛ, pɩpɩzɩɣ piseɣti-wɛ nɛ pɔkɔɔ nɛ ɖa nɛ wɛ ɖɩsɛɛ Yehowa.—Yoh 13:35.

CƆNƖ VIDEO “SƆƆLƖM ƐƐTƐŊ KPA”! AJƐƐ KIGBEƔLIŊ, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• 

  Ɛzɩma palɩzɩ sɔɔlɩm nɛ pawɩlɩ agɔma mba powobi ajɛɛ kigbeɣliŋ pɩnaɣ 2019 taa yɔ?

• 

  Ɛbɛ yɔɔ nɔɔ kʋɖʋmaɣ nɛ sɔɔlɩm mbʋ pɩwɛ Yehowa samaɣ taa yɔ pɩwɛ ŋgee?

• 

  Ɛzɩma Nɔɔɖɛyaa Ɛgbɛyɛ taa koobiya lɩzɩ koobiɖe sɔɔlɩm wɛtʋ ndɩ ndɩ nɛ pawɩlɩ?

• 

  Ɛzɩma koobiɖe sɔɔlɩm yeba nɛ koobiya mba pɛwɛ Caama nɛ Hadɛ Kiŋ tɛ Kooree ajɛɛ taa yɔ pala nɔɔ kʋɖʋmaɣ?

• Kaɖʋwa ŋga pɩwɛɛ se ɖɩwɛɛna?