Where are you on the road to baptism?
CAƔ WEZUU ƐZƖ KRƖSTƲ TƲ YƆ
Lɩzɩ se ŋsɛɣ Yehowa
Ye ŋkɛ pɩɣa evelaɣ yaa Bibl kpɛlɩkɩyʋ yɔ, ŋɖʋ ña-tɩ lɩm mɩyɩsʋʋ kaɖʋwa na? Ɛbɛ yɔɔ pɩwɛɛ se pamɩyɩsɩ-ŋ lɩm? Ye ŋha ña-tɩ Yehowa nɛ pamɩyɩsɩ-ŋ lɩm yɔ piyeki nɛ taabalɩyɛ kɩbanɖɛ naɖɩyɛ wɛɛ ña nɛ ɩ mɩ-hɛkʋ taa. (Keɣa 90:1) Pɩhaɣ-ŋ waɖɛ ɖɔɖɔ nɛ ŋhiɣ ñʋʋ yabʋ. (1Pɩ 3:21) Ɛbɛ pɩzɩɣ pɩsɩnɩ-ŋ nɛ ŋkpɛzɩ nɩŋgbanzɩ nzɩ?
Yele nɛ ña-taa tɛ se toovenim taa ŋwɛɛ. Ye tɔm pɔzʋʋ nabʋyʋ ɛkɔm ña-ñʋʋ taa nɛ pitukuuni toovenim yɔ, ña-maɣmaɣ ñɩnɩ tɩ-yɔɔ cosuu. (Rom 12:2) Ñaɣ pana nɛ ŋtɩlɩ lɛɣzɩtʋ ndʋ pɩpɔzʋʋ se ŋla yɔ, nɛ ŋyele nɛ ɛzɩma ŋsɔɔlaa se ñɔ-tɔm ɛkɛdɩnɩ Yehowa yɔ, pituyi-ŋ nɛ ŋla lɛɣzɩtʋ ndʋ. (Adu 27:11; Efɛ 4:23, 24) Tɩmɩɣnɩ-ɩ paa ɛzɩmtaa se ɛsɩnɩ-ŋ. Ña-taa pɩzɩɣ nɛ pɩtɛ se Yehowa kaɣ tɩŋnʋʋ e-fezuu kiɖeɖeu yɔɔ nɛ ɛkpazɩ-ŋ ɖoŋ nɛ ɛsɩnɩ-ŋ. (1Pɩ 5:10, 11) Pana wena ŋñakɩ se ŋla mbʋ yɔ, aakaɣ ɖʋʋ lɩm yem falaa. Yehowa sɛʋ pɩzɩɣna nɛ pɩwazɩ-ŋ ñe-wezuu caɣʋ taa nɛ pɩkpaɖɩ.—Keɣa 15:11.
CƆNƖ VIDEO MBƲ PƖPƆZƲƲ SE MALA NƐ PAMƖYƖSƖ-M LƖM YƆ, NƐ PƲWAYƖ LƐ ŊCOSI TƆM TƲNƐ TƖ-YƆƆ:
Mba pɔsɔɔlaa se pamɩyɩsɩ-wɛ lɩm yɔ, kala wena pakatɩɣ?
Ɛbɛ ŋpɩzɩɣ ŋla nɛ ŋcɛyɩsɩɣ ñe-tisuu nɛ ŋha ña-tɩ Yehowa?
Ɛbɛ tuyi nabɛyɛ nɛ pɛkpɛzɩ nɩŋgbanzɩ nzɩ pɩpɔzʋʋ yɔ nɛ pamɩyɩsɩ-wɛ lɩm?
Mba pɛsɛɣ Yehowa yɔ, wazasɩ nzɩ pehikiɣ?
Tɩ haʋ nɛ lɩm mɩyɩsʋʋ tɔbʋʋ lɛ suwe?