Labɩnɩ tʋmɩyɛ Nɩɩ wezuu leleŋ tam! tɔm susuu taa

Ða-taa wɛ leleŋ siŋŋ se ɖɩmʋ takayaɣ kɩfalaɣ nɛ kɛ-tɛ hatʋ cabɩ takayaɣ se ɖɩkpaɣ-sɩ nɛ ɖɩkpɛlɩkɩɣnɩ ɛyaa Bibl. Ðɩtɩmɩɣnɩ Yehowa se ɛwazɩ pana wena ɖɩñakɩ se ɖɩwɛɛnɩ Bibl kpɛlɩkɩyaa yɔ a-yɔɔ. (Mt 28:18-20; 1Kɔ 3:6-9) Ɛzɩma pɩwɛɛ se ŋlabɩnɩ wondu kɩfatʋ ndʋ tʋmɩyɛ?

Nɩɩ wezuu leleŋ tam! wɩlɩɣ-ɖʋ nʋmɔʋ kɩfalʋʋ ŋgʋ kɩ-yɔɔ ɖa nɛ ɛyaa ɖɩpɩzɩɣ nɛ ɖɩtɩŋna nɛ ɖɩkpɛlɩkɩ Bibl yɔ. Ye mbʋ labɩnɩ tʋmɩyɛ lɔŋ tasʋʋ mbʋ pɩkɔŋ yɔ alɩwaatʋ ndʋ ŋñɔɔzʋʋ ña-tɩ se ŋkpɛlɩkɩnɩ nɔɔyʋ Bibl yaa alɩwaatʋ ndʋ ña nɛ ɩ iɖiɣni kpɛlɩkʋʋ yɔ.a

• Ɩkalɩ tayʋʋ nɛ ɩtɩŋnɩ tɔm pɔzʋʋ yɔɔ nɛ ɩtazɩ pɩ-taa

• Ɩkalɩ masɩ nzɩ sɩ-cɔlɔ pamawa se “ɩkalɩ” yɔ nɛ ŋsɩnɩ kpɛlɩkɩyʋ nɛ ɛna ɛzɩma sɩwazɩɣ-ɩ yɔ

• Wɩlɩ kpɛlɩkɩyʋ videowaa nɛ ŋtɩŋnɩ tɔm pɔzʋʋ mbʋ pahawa yɔ pɩ-yɔɔ nɛ ɩtazɩ pa-taa

• Ɩñaɣ pana nɛ ɩtazɩ paa tɔm kɩkpɛlɩkɩtʋ ndʋ lɛ tɩ-taa nɛ tɩtɛ alɩwaatʋ ndʋ ɩkatɩɣ yɔ

Ŋŋsusuu tɔm lɛ, calɩnɩ haʋ ɖɩɣdʋ hatʋ cabɩ takayaɣ nɛ ŋtɩŋnɩ kɔ-yɔɔ nɛ ŋna se kpɛlɩkʋʋ kɛdɩnɩ-ɩ yaa we. (Kalɩ aɖakaɣ “Ɛzɩma ɖɩha nɔɔyʋ Nɩɩ wezuu leleŋ tam! hatʋ cabɩ takayaɣ alɩwaatʋ ndʋ ɖɩcalɩɣ-ɩ katʋʋ yɔ.”) Ye ɩtɛm kpɛlɩkʋʋ hatʋ cabɩ takayaɣ ŋga nɛ kpɛlɩkɩyʋ sɔɔlɩ se ewolo pɩ-yɔɔ yɔ, ŋpɩzɩɣ nɛ ŋha-ɩ takayaɣ nɛ ɩpaɣzɩnɩ tɔm kɩkpɛlɩkɩtʋ 04. Ye ña nɛ nɔɔyʋ ɩɩtɛm paɣzʋʋ kpɛlɩkʋʋ Ndʋ Bibl wɩlɩɣ, yaa Ɛbɛ ɖɩla nɛ ɖɩwɛɛ Ɛsɔ sɔɔlɩm taa? takayaɣ yɔ, iyele nɛ ɩpaɣzɩ Nɩɩ wezuu leleŋ tam! nɛ ña-maɣmaɣ ŋtazɩ nɛ ŋna se hɔɔlʋʋ ŋgʋ pɩwɛɛ se ɩpaɣzɩna ka-taa.

CƆNƖ VIDEO PƖKƐDƖNƖ-ÐƲ SE ŊSƆƆLAA SE ŊKPƐLƖKƖ BIBL, NƐ PƲWAYƖ LƐ, ŊCOSI TƆM TƲNƐ TƖ-YƆƆ:

• Ɛbɛ Bibl kpɛlɩkɩyaa kaɣ kpɛlɩkʋʋ takayaɣ kɩfalaɣ kanɛ ka-taa?

• Ɛbɛ yɔɔ pɩwɛɛ se ŋwɩlɩ video kʋnɛ kpɛlɩkɩyaa kɩfama?

• Kaɖʋsɩ nzɩ ŋpɩzɩɣ nɛ ŋseɣti kpɛlɩkɩyʋ se ɛɖʋ ɛ-tɩ pazɩ pazɩ nɛ ɛñaɣ pana nɛ ɛkɔɔ nɛ ɛtalɩ-sɩ?—Paa Hɔɔlʋʋ sɔsɔʋ ŋgʋ kɩ-yɔɔ lɛ, kalɩ ɖenɖe pamawa se “Mbʋ pɩ-yɔɔ pɩwɛɛ se ŋka ña-lɩmaɣza yɔ nɛ Kaɖʋsɩ” yɔ.