Nesi ɖɔkʋʋ kɛ wezuu kpeekpe tɛ taabalɩyɛ ɖʋʋ

Ye Krɩstʋ mba ɩɖɔkɩ nesi nɛ pɩɖɔŋnɩ-wɛ camɩyɛ yɔ, pɩɖʋʋ Yehowa hɩɖɛ nɛ pɩhaɣ ɖɔɖɔ abalʋ nɛ ɛ-halʋ taa leleŋ. (Mk 10:9) Pɩsa nɛ Krɩstʋ mba pɩzɩ nɛ peyele nɛ pe-nesi ɖɔkʋʋ wɛɛ tam nɛ pɩhaɣ-wɛ taa leleŋ lɛ, pɩpɔzʋʋ se palabɩnɩ tʋmɩyɛ Bibl paɣtʋ kila alɩwaatʋ ndʋ palɩzɩɣ weyi ɛkaɣ kɛʋ pɛ-tɛŋga yɔ.

Sɩŋ nɛ evebitu yaa pɛlɩtʋ alɩwaatʋ ɖɛɛ pʋcɔ nɛ ŋmaɣzɩ ɖanɩyɛ yɔɔ. Mbʋ pʋyɔɔ yɔ alɩwaatʋ ndʋ tɩ-taa kʋzʋʋ kɔɖɛyɩ pɩzɩɣ piyele nɛ pɩwɛ-ŋ kaɖɛ se ŋkpaɣ lɩmaɣza wena amʋnaa yɔ. (1Kɔ 7:36) Labɩnɩ ñɛ-ɛɖandʋ alɩwaatʋ tʋmɩyɛ camɩyɛ nɛ ŋcɛyɩsɩ ña nɛ Ɛsɔ mɩ-taabalɩyɛ nɛ ŋwɛɛnɩ ɖɔɖɔ wɛtʋ kɩbandʋ ndʋ pɩpɔzʋʋ Krɩstʋ mba yɔ. Piyeki nɛ alɩwaatʋ ndʋ ŋɖɔkʋʋ nesi yɔ pɩɖɔmnɩ-ŋ camɩyɛ.

Pʋcɔ nɛ ŋtisi se ña nɛ nɔɔyʋ ɩɖɔkɩ nesi lɛ, pɩwɛɛ se ŋkpaɣ alɩwaatʋ ndʋ pɩpɔzʋʋ yɔ nɛ ŋtɩlɩ ‘mbʋ pɩmɛlɩ ɛ-laŋɩyɛ taa yɔ.’ (1Pɩ 3:4) Ye ŋpɩtɩɣ nabʋyʋ yɔɔ yɔ, pɩwɛɣ ɖeu se ña nɛ ɛyʋ ɛnʋ ɩyɔɔdɩ pɩ-tɔm. Nesi ɖɔkʋʋ taa, pɩwɛɣ ɖeu se ŋtaaka ña-lɩmaɣza mbʋ ñɛ-tɛŋga pɩzɩɣ nɛ kalabɩ-ŋ yɔ pɩ-yɔɔ, ɛlɛ pɩwɛɛ se ŋkam-yɛ mbʋ ŋpɩzɩɣ nɛ ŋlabɩ-kɛ yɔ pɩ-yɔɔ. (Fil 2:3, 4) Ye ŋpaɣzɩ labɩnʋʋ tʋmɩyɛ Bibl paɣtʋ kila pʋcɔ nɛ ŋɖɔkɩ nesi yɔ, pɩkaɣ-ŋ wɛʋ kɛlɛʋ se ŋwolo pɩ-yɔɔ nɛ ŋlakɩnɩ-yɛ tʋmɩyɛ nɛ ŋhiɣ koboyaɣ ñe-nesi ɖɔkʋʋ taa.

CƆNƖ VIDEO ÑƆƆZƖ ÑA-TƖ PƲCƆ NƐ ŊÐƆKƖ NESI—HƆƆLƲƲ 3 ‘TƲƲZƖ LIIDIYE NƐ ŊNA;’ NƐ PƲWAYƖ LƐ ŊCOSI TƆM TƲNƐ TƖ-YƆƆ:

• Ɛzɩma pɩɖɔm koobu halɩñɩnʋ ɛnʋ nɛ Shane pɛ-hɛkʋ taa?

• Ɛbɛ ɛkɔma nɛ ɛna alɩwaatʋ ndʋ ɛsɩmɩ-ɩ camɩyɛ yɔ?

• Ɛzɩma ɛ-lʋlɩyaa sɩnɩ-ɩ nɛ lɩmaɣza kɩbana wena ɛkpaɣaa?