Ñɔɔzɩ ña-tɩ nɛ ŋɖaŋ alɩwaatʋ ndʋ pɩpɔzʋʋ se ŋwolo ɖɔkɔtɔ tɛ kpɛdɛyɛ yɔ

Ɛbɛ yɔɔ pɩpɔzʋʋ se ŋñɔɔzɩ ña-tɩ? Ŋpɩzɩɣ nɛ ŋhɩnɩ kʋdɔŋ tuda nɛ pɩpɔzɩ se pasɩŋ ɖɔkɔtɔ tɛ. Ye mbʋ pɩwɛɛ se ŋlabɩnɩ tʋmɩyɛ camɩyɛ sɩnʋʋ ɖʋtʋ ndʋ payɩ tɩwɛɛ yɔ nɛ ŋñɔɔzɩnɩ ña-tɩ nɛ pɩsa nɛ ɖɔkɔtɔnaa pɩzɩ nɛ pɔcɔnɩ ñe-ɖeɖe camɩyɛ alɩwaatʋ ndʋ ŋkatɩɣ kaɖɛ kʋdɔŋ nʋmɔʋ taa yɔ. Ye ŋlabɩ mbʋ yɔ pɩwɩlɩɣ se ŋñaŋ paɣtʋ ndʋ Yehowa ɖʋ wezuu nɛ calɩm pɔ-yɔɔ yɔ.—Tʋm 15:28, 29.

Ɛzɩma ŋpɩzɩɣ nɛ ŋñɔɔzɩ ña-tɩ?

• Tɩmɩ, ŋmaɣzɩ camɩyɛ nɛ ŋñɩɣ niye takayaɣ ŋga payaɣ se DPA yɔ ka-taa.a Tɔm susuyaa mba pamɩyɩsɩ-wɛ lɩm yɔ, papɩzɩɣ nɛ pamʋ DPA takayaɣ ŋga ɛgbɛyɛ taa takayɩsɩ yɔɔ cɔnɩyʋ cɔlɔ. Papɩzɩɣ nɛ pamʋ takayaɣ ŋga payaɣ se Document d’identité médical yɔ pe-piya nzɩ sɩtɩpaɣlɩta yɔ

• Ye ŋhaɣ hoɣa yɔ pɔzɩ ñɛ-ɛgbɛyɛ taa ɛzʋtʋyaa nɛ paha-ŋ takayaɣ ŋga payaɣ se Tɔm ndʋ titukuuni halaa hosi tɩnaa yɔ (S-401) yɔ. Takayaɣ ŋga kasɩɣnɩ-ŋ nɛ ŋkpaɣ lɩmaɣza kɩbana ño-hoɣa alɩwaatʋ taa nɛ alɩwaatʋ ndʋ ŋkɛɣ asɔnʋʋ yɔ

• Ye ŋhɩnɩ kʋdɔŋ ŋgʋ kɩpɩzɩɣ nɛ kiyele nɛ pasɩŋ ɖɔkɔtɔnaa tɛ yɔ, yele nɛ ñɛ-ɛgbɛyɛ taa ɛzʋtʋyaa tɩlɩ lɔŋ nɛ ŋheyi ñɔ-ɖɔkɔtɔ se ño-koobiya Yehowa Aseɣɖe Tɩnaa kaɣ kɔm ñɔ-cɔlɔ

Ɛzɩma ɛgbɛyɛ taa ɛzʋtʋyaa pɩzɩɣ nɛ pasɩnɩ-ŋ? Papɩzɩɣ nɛ pasɩnɩ-ŋ nɛ ŋma tɔm ndʋ pɩpɔzʋʋ yɔ DPA takayaɣ taa. Ɛlɛ paakaɣ kpaɣʋ lɩmaɣza ño-lone taa yaa peheyi-ŋ nʋmɔʋ ŋgʋ kɩ-yɔɔ pɩwɛɛ se ŋtɩŋna nɛ ŋwaa ña-kʋdɔŋ yɔ. (Rom 14:12; Gal 6:5) Ye ŋheyi ñɛ-ɛgbɛyɛ taa ɛzʋtʋyaa se ŋwɛnɩ kʋdɔŋ ŋgʋ kɩpɩzɩɣ nɛ kiyele nɛ paɖʋ-ŋ calɩm yɔ paba yɔɔdʋʋnɩ Ðama nɩnʋʋ nɛ ɖɔkɔtɔnaa kɔɔmiite (CLH) taa mba kpaagbaa.

Ɛzɩma CLH pɩzɩɣ nɛ kɩsɩnɩ-ŋ? Pafalɩsɩ koobiya mba palakɩ tʋmɩyɛ CLH taa yɔ se papɩzɩ nɛ pasɩnɩ ɖɔkɔtɔnaa nɛ tɔm hʋyaa nɛ panɩɩ lɩmaɣza wena ɖɩwɛnɩ calɩm yɔɔ ɖɛ-Ɛsɔ sɛtʋ taa yɔ a-taa. Papɩzɩɣ nɛ pakatɩ ñɔ-ɖɔkɔtɔ nɛ peheyi-i ɛzɩma ɛpɩzɩɣ nɛ ɛwaa ña-kʋdɔŋ nɛ ɛtaalabɩnɩ calɩm tʋmɩyɛ yɔ. Ye pɩpɔzʋʋ yɔ, papɩzɩɣ nɛ pasɩnɩ-ŋ nɛ ŋwolo ɖɔkɔtɔ weyi ɛpɩzɩɣ nɛ ɛnɩɩ ɖɔ-tɔm taa yɔ ɛ-cɔlɔ.

CƆNƖ VIDEO ƐZƖMA ÐƖPƖZƖƔ ÐƖKPAƔ LƖMAƔZA KƲDƆMƖŊ WAƲ NƲMƆŊ WEYI ITUKUUNI CALƖM YƆ Ɩ-HƆƆLƲƲ TAA?, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• Ɛbɛ ŋkpɛlɩkɩ video kʋnɛ kɩ-taa nɛ pɩpɩzɩɣ nɛ pɩsɩnɩ-ŋ nɛ ŋñɔɔzɩ ña-tɩ nɛ ŋɖaŋ kʋdɔŋ ŋgʋ kɩpɩzɩɣ nɛ kiyele nɛ paɖʋ-ŋ calɩm yɔ?

  Your answer