Kaɖʋsɩ nzɩ ŋñɩnɩɣ se ŋtalɩ teokrasɩ pɩnaɣ ŋga kɔkɔŋ yɔ ka-taa?

Pana wena ɖɩñakɩ se ɖɩsɛɛ Yehowa camɩyɛ nɛ pɩkɩlɩ nɛ mbʋ ɖɩlakɩ se ɛ-taa ɛla leleŋ yɔ, pɩkɛ fezuu taa kaɖʋsɩ nzɩ ɖɩpɩzɩɣ nɛ ɖɩɖʋ ɖa-tɩ yɔ. Kaɖʋsɩ nzɩ siyeki nɛ ɖɩpɩɩ fezuu taa nɛ pɩcɛyaa se ɖɩkpaɣ ɖa-alɩwaatʋ, ɖo-ɖoŋ nɛ ɖɩtalɩ-sɩ. (1Ti 4:15) Ɛbɛ yɔɔ pɩcɛyaa se ɖɩtazɩɣ ɖa-kaɖʋsɩ nzɩ sɩ-taa ɖoŋ ɖoŋ? Mbʋ pʋyɔɔ yɔ wɛtʋ ndʋ tɩ-taa ɖɩwɛɛ yɔ, tɩpɩzɩɣ nɛ tɩlɛɣzɩ. Pɩpɩzɩɣ nɛ pɩwɛɛ-ɖʋ kaɖɛ se ɖɩtalɩ kaɖʋsɩ nasɩyɩ yaa ɖɩtɛm-sɩ talʋʋ nɛ ɖɩpɩzɩɣ nɛ ɖɩtasɩ ɖa-tɩ kaɖʋsɩ lɛɛsɩ ɖʋʋ.

Pɩwɛɣ ɖeu se ɖɩtazɩ ɖa-kaɖʋsɩ taa pʋcɔ nɛ teokrasɩ pɩnaɣ kɩfalaɣ paɣzɩ. Pɩɩwɛɣ ɖeu se ɖɩyɔɔdɩ kaɖʋsɩ nzɩ sɩ-tɔm hɔʋ taa Ɛsɔ sɛtʋ alɩwaatʋ taa? Paa weyi ɛɖʋʋ ɛ-tɩ kaɖʋsɩ nɛ pɩtɛ lɛ, hɔʋ kpeekpe ɖɔɖɔ ɖʋ kɩ-tɩ kaɖʋsɩ.

Kaɖʋsɩ nzɩ ŋwɛnɩ hɔɔlɩŋ weyi ɩkɔŋ yɔ ɩ-taa, nɛ ɛbɛ nɛ ɛbɛ ŋpɩzɩɣ nɛ ŋla nɛ ŋtalɩ-sɩ?