CAƔ WEZUU ƐZƖ KRƖSTƲ TƲ YƆ

Sɩnɩ mba pɛfɛyɩ Ɛsɔ sɛtʋ ɛgbɛyɛ naɖɩyɛ taa yɔ nɛ patɩlɩ pa-Lɩzɩyʋ

Wiɖiyi pɩtɛmɩ-ŋ labʋ kaɖɛ se ŋsusi tɔm ɛyaa mba pɛfɛyɩ Ɛsɔ sɛtʋ ɛgbɛyɛ naɖɩyɛ taa yɔ mbʋ pʋyɔɔ yɔ ŋmaɣzɩɣ se pɩɩkɛdɩɣnɩ-wɛ? Ye mbʋ yɔ tɔzɩ se ɛyaa sakɩyɛ mba pataawɛɛ Ɛsɔ sɛtʋ ɛgbɛyɛ naɖɩyɛ taa yɔ, pɩkpɛndɩnɩ mba pamaɣzaɣ se Ɛsɔ fɛyɩ yɔ, pɔkɔma nɛ papɩsɩ Yehowa Aseɣɖe Tɩnaa. Ðoŋ ɖoŋ lɛ mbʋ pɩpɔzʋʋ-wɛ yɔ lɛ se, pasɩnɩ-wɛ pazɩ nɛ pana mbʋ pɩwɩlɩɣ kpayɩ kpayɩ se Ɛsɔ wɛɛ yɔ.—Tʋm 1:20; 10:14.

CƆNƖ VIDEO TƆZƖ—ƐYAA MBA PAASƐƔ YEHOWA YƆ, PAPƖZƖƔ NƐ PƐWƐƐNƖ TISUU!—ƐYAA MBA PƐFƐYƖ ƐSƆ SƐTƲ ƐGBƐYƐ NAÐƖYƐ TAA YƆ, NƐ PƲWAYƖ LƐ ŊCOSI TƆM TƲNƐ TƖ-YƆƆ:

Ɛzɩma Tommaso kɩɖaʋ sɩnɩ-ŋ se ŋwɛɛnɩ lɩmaɣza kɩbana mba pɛfɛyɩ Ɛsɔ sɛtʋ ɛgbɛyɛ naɖɩyɛ taa yɔ pɔ-yɔɔ nɛ ŋsusi-wɛ tɔm?

Tɔm ndʋ ŋcosuu yɔ

Ɛzɩma ŋpɩzɩɣ nɛ ŋla?

Ye nɔɔyʋ ɛwɩlaa se eetisiɣ Ɛsɔ yɔɔ yɔ, yɔɔdɩnɩ-ɩ nɛ sɔɔlɩm nɛ nɔɔ kɩbaŋa nɛ ŋwɩlɩ se ŋwɛnɩ lɩmaɣza kɩbana ɛ-yɔɔ. (2Ti 2:24). Ña nɛ ɩ ɩyɔɔdɩ tɔm ndʋ tɩpɩzɩɣ nɛ tɩkɛdɩnɩ-ɩ yɔ. Etisiɣ se ña nɛ ɩ ɩyɔɔdɩ mbʋ pɩwɩlɩɣ se Ɛsɔ wɛɛ yɔ pɩ-tɔm na? Ye mbʋ yɔ labɩnɩ tʋmɩyɛ videowaa nɛ takayɩsɩ nzɩ sɩyɔɔdʋʋ pɩ-tɔm yɔ. Paɖʋ hatʋ cabɩ takayɩsɩ La vie a-t-elle été créée? nɛ Cinq questions à se poser sur l’origine de la vie Tɔm wɩlʋʋ wondu taa se pɩsa nɛ pɩwɛɛ-ɖʋ kɛlɛʋ nɛ ɖɩlabɩnɩ-sɩ tʋmɩyɛ.

Sɔɔndʋ pɩzɩɣ nɛ pɩkpa-ŋ se ŋheyi toovenim tɔm ɛyʋ weyi ɛfɛyɩnɩ tisuu Ɛsɔ yɔɔ yɔ. Ɛbɛ yɔɔ ŋŋpɔzʋʋ tɔm susuyu weyi ɛwɛ niye yɔ se ɛsɩnɩ-ŋ? Tɔzɩ ɖɔɖɔ se Yehowa pɩzɩɣ nɛ ɛsɩnɩ-ɖʋ nɛ ɖitukuni ɛyaa mba pɛwɛnɩ laŋa kɩbana yɔ—paa paamaɣzaɣ se Ɛsɔ fɛyɩ yɔ.—Tʋm 13:48.