Cɩŋgɩlɩm wɛtʋ nɛ ɖa-maɣzɩm

Ðɩtɩŋɩɣnɩ tɔm ndʋ ɖɩyɔɔdʋʋ nɛ mbʋ ɖɩlakɩ yɔ pɩ-yɔɔ nɛ ɖɩwɩlɩɣ ɖa-cɩŋgɩlɩm wɛtʋ, ɛlɛ ɖɩtɩŋɩɣnɩ ɖɔɖɔ mbʋ pɩ-yɔɔ ɖɩmaɣzɩɣ yɔ pɩ-yɔɔ nɛ ɖɩwɩlɩɣ ɖa-cɩŋgɩlɩm wɛtʋ. (Ke 19:14) Pʋyɔɔ Bibl seɣtiɣ-ɖʋ se ɖɩmaɣzɩɣ mbʋ payɩ pɩkɛ toovenim, pɩmʋnɩ ñamtʋ, pɩwɛ siɣsiɣ, pɩwɛ kele kele, pɩmʋnaa se pɔsɔɔlɩ-pʋ, pɩ-yɔɔ pɔyɔɔdʋʋ tɔm kɩbandʋ, pɩkɛ kɩbam, nɛ pɩmʋnɩ samtʋ yɔ pɩ-yɔɔ. (Flp 4:8) Pɩkɛ toovenim se ɖɩɩpɩzɩɣ nɛ ɖɩɖɩɣ lɩmaɣza kɩdɛkɛda nʋmɔʋ paa ɛzɩmtaa se ataasʋʋ ɖa-maɣzɩm taa. Ɛlɛ, tɩ ɖɔkʋʋ pɩzɩɣ pɩsɩnɩ-ɖʋ nɛ ɖɩlɔ lɩmaɣza kɩdɛkɛda wena asʋʋ ɖa-maɣzɩm taa yɔ nɛ ɖɩlɛɣzɩ a-lone taa lɩmaɣza kɩbana. Ye ɖiwobi pɩ-yɔɔ nɛ ɖɩwɛɛ cɩŋgɩlɩm ɖa-maɣzɩm taa yɔ, pɩkaɣ-ɖʋ sɩnʋʋ nɛ ɖiwolo pɩ-yɔɔ nɛ ɖɩwɛɛ cɩŋgɩlɩm ɖa-lakasɩ taa.—Mak 7:​21-23.

Ma masɩ nzɩ sɩkɔŋ yɔ sɩ-taa paa ŋga lɛ kɛ-tɛɛ lɩmaɣza wena pɩpɔzʋʋ se ɖɩlɔ yɔ:

Rom 12:3

Luk 12:15

Mat 5:28

Flp 3:13