ƐBƐ ÐƖPƖZƖƔ ÐƖLA NƐ PAÐƖYƐ SƖƖ TƖNAƔ

1 | Taaɖʋ tʋkaɣ Ɛyaa taa

Tɔm ndʋ Bibl wɩlɩɣ yɔ:

“Ɛsɔ ɛɛtʋkʋʋ ɛyaa taa, ɛlɛ paa ɛjaɖɛ nɖɩ ɖɩ-taa, weyi ɛñaŋɩ-ɩ nɛ ɛlakɩ mbʋ pɩwɛ ɖeu yɔ ɛ-tɔm kɛdɩɣnɩ-ɩ.”—TƲMA LABƲ 10:34, 35.

Pʋ-tɔbʋʋ lɛ se:

Yehowaa Ɛsɔ ɛɛcɔŋnɩ ɛjaɖɛ nɖɩ ɖɩ-taa ɖɩlɩnaa yɔ, ɖo-tomnaɣ tɔlɩm yaa ɖɔ-sɔnzɩ na nɛ ɛhʋʋnɩ-ɖʋ tɔm. Ɛlɛ ɛkaŋ ɛ-lɩmaɣza ɛyʋ weyi ɖɩkɛnɩ ɖooo ɖa-taa kiŋ yɔ ɛ-yɔɔ na. Bibl yɔɔdʋʋ ɖɔɖɔ se “ɛyʋ cɔŋnɩ mbʋ pɩnaɣ ɛsɩndaa yem yɔ, ɛlɛ [Yehowa] cɔŋnɩ laŋɩyɛ taa na.”—1 Samɩyɛɛlɩ 16:7.

Mbʋ ŋpɩzɩɣ ŋla yɔ:

Paa ɖɩɩpɩzɩɣ se ɖɩna mbʋ pɩwɛ ɛyaa laŋa taa yɔ, ɖɩpɩzɩɣ nɛ ɖɩmaɣzɩnɩ Ɛsɔ nɛ pɩsɩnɩ-ɖʋ nɛ ɖɩtaatʋʋ ɛyaa taa. Ñaɣ pana nɛ ŋwɛɛnɩ lɩmaɣza kɩbana paa weyi lɛ ɛ-yɔɔ, ɛlɛ taawɛɛnɩ lɩmaɣza kʋɖʋma ɛyaa sakɩyɛ yɔ. Ye ŋnawa se pɩtɩla ɛyaa nabɛyɛ tomnaɣ tɔlɩm yaa pɛ-ɛjaɖɛ yeba nɛ ŋwɛɛnɩ lɩmaɣza kɩdɛkɛda pɔ-yɔɔ yɔ, tɩmnɩ Ɛsɔ se ɛsɩnɩ-ŋ nɛ ŋkpɛzɩ lɩmaɣza ana ña-laŋɩyɛ taa. (Keɣa 138:23, 24) Ye ŋpɔzɩ Yehowa nɛ ña-laŋɩyɛ pilim se ɛsɩnɩ-ŋ nɛ ŋtaaɖʋ tʋkaɣ ɛyaa taa yɔ, ña-taa pɩzɩɣ nɛ pɩtɛ se ɛkaɣ welisuu ña-adɩma nɛ ɛkaɣ-ŋ sɩnʋʋ.—1 Pɩyɛɛrɩ 3:12.

a Ɛsɔ hɩɖɛ maɣmaɣ lɛ Yahve yaa Yehowa.—Ejipiti Lɩʋ 3:15.

“Wiɖiyi ma nɛ anasa- ayɩ nɔɔyʋ ɖɩtɩcaɣ kpa nɛ you tɩkɔɔ ɖɛ-hɛkʋ taa, . . . Lɛɛlɛɛyɔ mɛwɛ ɛjaɖɛ kpeekpe yɔɔ koobiya hɔʋ ŋgʋ sɔɔlɩm siŋŋ wɛ kɩ-taa yɔ.”—TITUS

Mbʋ pɩlabɩ e-wezuu caɣʋ taa toovenim taa yɔ—TITUS

Ɛwabɩ paɖɩyɛ lakasɩ

Tomnaɣ tɔlɩm yɔɔ lɛ, paaɖʋ mulum paɣtʋ natʋyʋ nɛ Titus taa wɩɣaɣnɩ-tʋ siŋŋ; pʋyɔɔ ɛsʋ puuyaɣ laɖaa ɛgbɛyɛ nɖɩ ɖɩ-taa ñɩma kaawɛnɩ ɛ-lɩmaɣza ɖɔɖɔ yɔɖɩ-taa. Ɛyɔɔdaa se: “Ðiwokaɣ tɛtʋ lona wena a-taa pataamʋʋ ɛyaa kɩkpɛdaa camɩyɛ yɔ ɛzɩ agɔma ɖɩsɩ nɛ sʋlʋm faɣlɛɛ taa mbʋ yɔ se ɖɩcaa tɔm nɛ you tuli.” Titus ɖiɣzinaa se paɖɩyɛ seɣtaɣni-i kpem nɛ ɛlakɩ puuyaɣ lakasɩ nzɩ. Ɛtasɩ yɔɔdʋʋ se: “Ye ma nɛ abalʋ yaa halʋ nɔɔyʋ ɖɩwɛɛ nɛ ɖɩhɔŋnɩ ɖama tɔm natʋyʋ yɔ, paa ɛzɩmtaa lɛ mɛlɛyɩɣnɩ lɔʋ ŋgulumiye.”

Titus paɣzɩ lɛɣzʋʋ alɩwaatʋ ndʋ ɛ nɛ Yehowa Aseɣɖe Tɩnaa papaɣzɩ Bibl kpɛlɩkʋʋ yɔ. Ɛkalɩ Bibl lɛ, kɩ-taa tɔm wɛɛnɩ ɖoŋ siŋŋ ɛ-yɔɔ. Mbʋ pitukuni-i nɛ pɩkɩlɩ yɔ lɛ tamaɣ ŋga Ɛsɔ laba se ɛjaɖɛ kɩfaɖɛ naɖɩyɛ kaɣ kɔm nɛ ɖɩ-taa lɛ, “sɩm ɛɛkaɣ tasʋʋ wɛʋ, kʋñɔwiye nɛ kubusi mabʋ nɛ wɩzasɩ paakaɣ tasʋʋ wɛʋ ɖɔɖɔ” yɔ.—Natʋ 21:3, 4.

Kajalaɣ taa lɛ, pɩɩwɛ Titus kaɖɛ kpem se eyele lalaa paɖʋʋ. Ɛyɔɔdaa se: “Pɩɩwɛ kaɖɛ kpem se meyele wɛnʋʋ lɩmaɣza kɩdɛkɛda nɛ lakasɩ nzɩ malakaɣ yɔ.” Ɛlɛ tɔm ndʋ tɩwɛ Tʋma Labʋ 10:34, 35 taa nɛ tɩyɔɔdʋʋ se Ɛsɔ ɛɛtʋkʋʋ ɛyaa taa yɔ tɩsɩnɩ-ɩ kpem.

Ɛbɛ lɩ pɩ-taa? Titus lɩzɩ pɩ-taa se: “Man-taa kɔm nɛ pɩtɛ se Yehowa Aseɣɖe Tɩnaa kɛnɩ toovenim Ɛsɔ sɛtʋ ɛgbɛyɛ, alɩwaatʋ ndʋ mana kaɣlaa se pawɩlɩɣ ɖama sɔɔlɩm paa po-tomnaɣ tɔlɩm ɛwɛ ndɩ ndɩ yɔ.” Halɩ pʋcɔ nɛ pamɩyɩsɩɣ-m lɩm nɛ manpɩsɩɣ Aseɣɖe Tʋ lɛ, ɛgbɛyɛ taa koobu anasaayɩ nɔɔyʋ ya-m ɛ-tɛ nɛ mowolo nɛ ɖɩtɔɔ tɔɔnaɣ. Pɩɩwɛ-m ɛzɩ ɖoziye yɔ. Wiɖiyi ma nɛ anasaayɩ nɔɔyʋ ɖɩtɩcaɣ kpa nɛ you tɩkɔɔ ɖɛ-hɛkʋ taa, ɛlɛ lɛɛlɛɛyɔ ma nɛ ɩ ɖɩwɛ ɛ-tɛ nɛ ɖɩtɔkɩ tɔɔnaɣ. Lɛɛlɛɛyɔ mɛwɛ ɛjaɖɛ kpeekpe yɔɔ koobiya hɔʋ ŋgʋ sɔɔlɩm siŋŋ wɛ kɩ-taa yɔ.”