Kpɛlɩkʋʋ Yɔɔ Lɔŋ Tasʋʋ

Tɩlɩ Yehowa wɛtʋ kɩbandʋ nɛ pɩkɩlɩ

Alɩwaatʋ ndʋ ɖɩkalɩɣ Bibl yɔ, ɖɩpɩzɩɣ nɛ ɖɩtɩŋnɩ tɔm ñɩnʋʋ wondu ndɩ ndɩ yɔɔ nɛ ɖɩnɩɩ tɔm ndʋ ɖɩkalɩɣ yɔ tɩ-taa camɩyɛ nɛ pɩkɩlɩ. Ɛlɛ, ɖɩɩkpɛlɩkɩɣ se ɖɩwɛɛnɩ Bibl taa sɩmtʋ yem na nɛ pɩkɩlɩ. Ðɩsɔɔlaa se ɖɩtɩlɩ Yehowa wɛtʋ kɩbandʋ nɛ pɩsɩnɩ-ɖʋ nɛ ɖɩsɔɔlɩ-ɩ nɛ pɩkɩlɩ. Pɩsa nɛ ɖɩla mbʋ lɛ, ɖɩpɩzɩɣ nɛ ɖɩpɔzɩ ɖa-tɩ tɔm tʋnɛ: ‘Bibl hɔɔlʋʋ ŋgʋ mankalaa yɔ, ɛbɛ kɩkpɛlɩkɩɣ-m Yehowa yɔɔ?’

Ðɩpɩzɩɣ nɛ ɖɩñɩnɩ nɛ ɖɩna ɛzɩma Yehowa lɩzɩ sɔɔlɩm, lɔŋsɩnɖɛ, siɣsiɣ wɛtʋ nɛ ɖoŋ nɛ ɛwɩlɩ yɔ pɩ-yɔɔ tɔm nɛ pɩkɩlɩ. Ɛlɛ pɩtɩkɛ wɛtʋ kɩbandʋ ndʋ ti-ɖeke Yehowa wɛna. Ɛwɛnɩ wɛtʋ kɩbandʋ lɛɛtʋ ɖɔɖɔ. Le ŋpɩzɩɣ nɛ ŋna ɛ-wɛtʋ kɩbandʋ yɔɔ tɔm nɛ pɩkɩlɩ?

Ŋpɩzɩɣ nɛ ŋna ɛ-wɛtʋ kɩbandʋ lɛɛtʋ ndʋ tɩcɛzɩ 50 yɔ tɩ-yɔɔ tɔm Index des publications des Témoins de Jéhovah taa; ñɩnɩ tɔm ñʋʋ «Jéhovah» nɛ pʋwayɩ lɛ tɔm ñʋʋ cikpeluu «Qualités par nom.» Ñɩnɩ wɛtʋ kɩbandʋ ndʋ tɩ-taa ndʋ tɩlakɩ nɔɔ kʋɖʋmaɣ nɛ Bibl kɛdaɣ ŋga ŋwɛɛ nɛ ŋkalɩɣ yɔ. (Ye Guide de recherche pour les Témoins de Jéhovah ɖeke ŋpɩzɩɣ nɛ ŋlabɩnɩ tʋmɩyɛ yɔ, ñɩnɩ tɔm ñʋʋ «Jéhovah Dieu» nɛ pʋwayɩ lɛ tɔm ñʋʋ cikpeluu «Qualités de Jéhovah.»