Ye ŋkpɛlɩkɩɣ Ɛsɔtɔm nɛ pilimiɣ yɔ, pɩkaɣ-ŋ sɩnʋʋ nɛ ŋcaɣnɩ ñɛ-ɛsa

Kalɩ Danɩyɛɛlɩ 9:​1-19 nɛ ŋna mbʋ pʋyɔɔ pɩcɛyaa se ɖɩkpɛlɩkɩ Ɛsɔtɔm nɛ pilimi yɔ.

Ñɩnɩ nɛ ŋna tɔm ndʋ tɩcɔ masɩ nzɩ nɛ tɩta yɔ. Ɛbɛ kaalaba nɛ pitileɖita? Nɛ ɖoŋ weyi pɩɩwɛnɩ Danɩyɛɛlɩ yɔɔ? (Dan. 5:29–6:5) Ye ñaawɛnɩ Danɩyɛɛlɩ lone taa, ɛzɩma ŋŋlaba?

Tazɩ nɛ pilimi. Pɩtɩla, takayɩsɩ kiɖeɖesi nzɩ Danɩyɛɛlɩ kaalabɩnɩ tʋmɩyɛ? (Dan. 9:​2, pɩ-tɛɛ tɔm; w11-F 1/1 22 §2) Ɛbɛ yɔɔ Danɩyɛɛlɩ kuli ɛ-kɩwɛɛkɩm nɛ Izrayɛɛlɩ ɛjaɖɛ kɩwɛɛkɩm yɔɔ? (Lev. 26:​39-42; 1 Awi. 8:​46-50; dp-F 182-184) Ɛzɩma Danɩyɛɛlɩ adɩma wɩlaa se ɛɛkɛ weyi ɛkpɛlɩkɩɣ Ɛsɔtɔm nɛ pilimiɣ yɔ?—Dan. 9:​11-13.

Maɣzɩ tɔm ndʋ ŋkpɛlɩkaa yɔ tɩ-yɔɔ. Pɔzɩ ña-tɩ se:

• ‘Ɛbɛ pɩzɩɣ nɛ pɩsɩnɩ-m nɛ mbʋ piɖiɣni labʋ ɛjaɖɛ yɔɔ yɔ pɩtaakɛzɩ ma-lɩmaɣza?’ (Mik. 7:7)

• ‘Ye mɛnkpɛlɩkɩɣ Ɛsɔtɔm nɛ pilimiɣ ɛzɩ Danɩyɛɛlɩ yɔ, ɛzɩma pɩpɩzɩɣ nɛ pɩwazɩ-m?’ (w04-F 1/8 12 §17)

• ‘Tɔm ndʋ taa manpɩzɩɣ nɛ mantazɩ man-tɩ yɔɔ kpɛlɩkʋʋ alɩwaatʋ taa nɛ pɩsɩnɩ-m nɛ mɛwɛɛ feŋuu yɔɔ?’ (Mat. 24:​42, 44; w12-F 15/8 5 §7-8)