Le ɛyʋ pɩzɩɣ nɛ ehiɣ lidaʋ pɩnaɣ 2024 taa?—Suwe Bibl yɔɔdʋʋ?

Ɛyaa sakɩyɛ maɣzɩɣ se kala wena ɛyaa katɩɣ pɩnaɣ 2024 taa yɔ paakaɣ pɩzʋʋ pɔcɔnɩ a-ɖeɖe. Paa mbʋ yɔ, ɖɩpɩzɩɣ nɛ ɖɩwɛɛnɩ lidaʋ cee wayɩ yɔɔ. Le ɖɩpɩzɩɣ nɛ ɖihiɣ lidaʋ?

Bibl haɣ-ɖʋ lidaʋ

Kala wena ɖɩkatɩɣ sɔnɔ nɛ pɩlakɩ-ɖʋ ɛzɩ ɖɩfɛyɩnɩ lidaʋ nakʋyʋ yɔ, Bibl lakɩ-ɖʋ tamaɣ se Ɛsɔ kaɣ yebu nɛ kala ana asɩɩ tɩnaɣ. Piileɖiɣ lɛ, Ɛsɔ kaɣ «hɩzʋʋ ɛsɩtɛɣlɩm kpeekpe [ɖɛ-ɛsɩndaa], nɛ sɩm ɛɛkaɣ tasʋʋ wɛʋ, kʋñɔwiye nɛ kubusi mabʋ nɛ wɩzasɩ paakaɣ tasʋʋ wɛʋ ɖɔɖɔ.»—Natʋ 21:4.

Ye ŋsɔɔlaa se ŋtɩlɩ cee wayɩ tamasɩ nzɩ sɩwɛ Bibl taa yɔ sɩ-yɔɔ tɔm nɛ pɩkɩlɩ yɔ, kalɩ tɔm ñʋʋ «Une espérance réelle pour des jours meilleurs.»

Ɛzɩma Bibl pɩzɩɣ kɩsɩnɩ-ŋ sɔnɔ?

Bibl taa tɔm haɣ-ɖʋ lidaʋ pɩlɩɩnɩ cee wayɩ yɔɔ; Bibl taa lidaʋ tɔm ndʋ tɩpɩzɩɣ nɛ tɩsɩnɩ-ŋ nɛ ŋlʋbɩnɩ lɩmaɣza kɩdɛkɛda nɛ ŋlɛɣzɩ-yɛ nɛ lɩmaɣza kɩbana. (Roma mba 15:13) Pɩtɩla ŋwɛɛ nɛ ŋkatɩɣ kala sɔnɔ, ɛzɩ kʋñɔndʋtʋ, mulum, nɛ kʋdɔŋ mbʋ yɔ, ɛlɛ Bibl taa lɔŋ tasʋʋ kɩbam pɩzɩɣ nɛ pɩsɩnɩ-ŋ nɛ ŋlʋbɩnɩ kala ana.

Na ɛzɩma lidaʋ tɔm ndʋ tɩwɛ Bibl taa yɔ tɩsɩnɩ abalʋ nɔɔyʋ nɛ ehiɣ pɛɛyɛ nɛ taa leleŋ paa ɛɛwɛ kʋñɔndʋtʋ taa yɔ. Cɔnɩ video Juan Pablo Zermeño: Yehowa sɩnɩ-m nɛ me-wezuu caɣʋ wɛɛnɩ tɔbʋʋ nɩʋ.
Ye ŋkʋʋ ña-tɩ tɔm, ye ŋwɛ laŋwɛɛkɩyɛ taa, ye ŋnɩɣzɩɣ, yaa ye ŋlesi ñɛ-ɛyʋ kʋsɔɔlʋ nɔɔyʋ yɔ, na ɛzɩma Bibl pɩzɩɣ kɩsɩnɩ-ŋ nɛ ŋlʋbɩnɩ wɛtʋ ndʋ yɔ. Kalɩ tɔm ñʋʋ «La Bible peut-elle m’apporter du réconfort?»
Sɔɔja halɩñɩnʋ nɔɔyʋ yɔɔdaa se «ɛɛwɛ e-ɖeke nɛ ɛ-paa taawɛɛnɩ nɔɔyʋ.» Na ɛzɩma ehiɣ lidaʋ nɛ ɛwɩlɩ ɛsɩmɩyɛ Bibl yɔɔ yɔ. Cɔnɩ video J’ai déposé les armes.

Yele nɛ 2024 pɩnaɣ kɛ pɩnaɣ kɩbaŋa ña nɛ ñɔ-hɔʋ. Ñɩnɩ nɛ ŋtɩlɩ ɛzɩma Bibl pɩzɩɣ nɛ kɩsɩnɩ-ŋ yɔ nɛ pɩkɩlɩ. Ñɩɣ Yele nɛ nɔɔyʋ sɩnɩ-ŋ nɛ ŋkpɛlɩkɩ Bibl yɔɔ. Kpɛlɩkɩ nɛ ŋna ɛzɩma Ɛsɔ pɩzɩɣ nɛ ɛha-ŋ «laŋhɛzɩyɛ lɩmaɣza» sɔnɔ sɔnɔ nɛ ɛtɛ ɛha-ŋ ɖɔɖɔ «cee wayɩ kɩbaŋʋ nɛ lidaʋ» yɔ.—Yereemii 29:11.