Ɛzɩ kpɩna kpaɣ ɛsɔdaa?

Bibl tɔm cosuu

Bibl wɩlɩɣ se wondu kɩlɩzɩtʋ ndʋ payɩ tɩwɛ tɛtʋ yɔɔ yɔ tɩ-taa lɛ, ɛyaa nabɛyɛ pazɩ ɖeke kaɣnɩ kpaʋ ɛsɔdaa. (Natʋ 14:1, 3) Pakpaɣ peeɖe se pa nɛ Yesu pɛkɛ awiya nɛ cɔjɔnaa. (Luka 22:28-30; Natʋ 5:9, 10) Ɛyaa mba pakaɣ fezuu yɔ, pa-taa hɔɔlʋʋ sɔsɔʋ kaɣ caɣʋ wezuu paradisuu taa tɛtʋ yɔɔ.—Keɣa 37:11, 29.

Bibl tɩyɔɔdɩ ɖoli se hasɩ yaa ɖɩɣa kpɩna wena ɛyaa kpakɩɣ-yɛ se akɛ pa-taabalaa yɔ akpaɣ ɛsɔdaa, nɛ pɩmʋnɩ mbʋ. Kpɩna ɩɩpɩzɩɣ nɛ akpɛzɩ nɩŋgbanzɩ nzɩ pɩpɔzʋʋ se ɛyʋ ɛkpɛzɩ nɛ ‘paha-ɩ waɖɛ nɛ ɛkpa ɛsɔdaa yɔ.’ (Ebree mba 3:1) Nɩŋgbanzɩ nzɩ sɩ-taa nasɩyɩ lɛ se pɛkpɛlɩkɩ nɛ pɛwɛɛnɩ tisuu, pɛwɛɛnɩ Ɛsɔ sɩmtʋ, nɛ paña ɛ-paɣtʋ. (Maatiyee 19:17; Yohanɛɛsɩ 3:16; 17:3) Wondu kɩlɩzɩtʋ taa lɛ, ɛyaa ɖeke paha waɖɛ se pacaɣ wezuu tam tam.—Kiɖe Tɛɛ Tɔm 2:16, 17; 3:22, 23.

Pʋcɔ nɛ wondu kɩlɩzɩtʋ ndʋ tɩwɛ tɛtʋ yɔɔ yɔ tɩkpa ɛsɔdaa lɛ, pɩwɛɛ se pefezi-tʋ. (1 Kɔrɛntɩ mba 15:42) Bibl yɔɔdʋʋ ɛyaa sakɩyɛ mba pefezaa yɔ pɔ-tɔm. (1 Awiya 17:17-24; 2 Awiya 4:32-37; 13:20, 21; Luka 7:11-15; 8:41, 42, 49-56; Yohanɛɛsɩ 11:38-44; Tʋma Labʋ 9:36-42; 20:7-12) Masɩ sɩnɛ sɩwɩlɩɣ se ɛyaa pefezaa ɛlɛ pɩtɩkɛ kpɩna.

• Ɛzɩ kpɩna wɛnɩ kalɩzasɩ na?

• Ɛzɩ kalɩzasɩ sɩkɩ?

• Ɛzɩ kpɩna lakɩ kɩwɛɛkɩm na?

• Pɩwɛ ɖeu se pala kañatʋ kpɩna na?

Ɛzɩ kpɩna wɛnɩ kalɩzasɩ na?

Aayɩ. Bibl yɔɔdʋʋ se kpɩna nɛ ɛyaa pɛkɛ kalɩzasɩ. (Kɩgalʋʋ 31:28) Alɩwaatʋ ndʋ Ɛsɔ lɩzɩ kajalaɣ abalʋ Aɖam yɔ, ɛtɩha-ɩ kalɩzaɣ ɛlɛ ɛpɩsɩ «kalɩzaɣ.» (Kiɖe Tɛɛ Tɔm 2:7, pɩ-tɛɛ tɔm) Wondu 2 kpɛndɩna nɛ pɩkɛ kalɩzaɣ: tataa «mʋzʋʋ» nɛ «wezuu fezuu.»

Ɛzɩ kalɩzasɩ sɩkɩ?

Ɛɛɛ, Bibl wɩlɩɣ se kalɩzasɩ sɩkɩ. (Levitiki 21:11, pɩ-tɛɛ tɔm; Ezekɩyɛɛlɩ 18:20) Kpɩna nɛ ɛyaa pasɩkɩ lɛ, paɖaɣnɩɣ pɩsʋʋ tataa mʋzʋʋ. (Eklezɩyasɩtɩ 3:19, 20) Pʋ-tɔbʋʋ se paatasɩɣ wɛʋ.a

Ɛzɩ kpɩna lakɩ kɩwɛɛkɩm na?

Aayɩ. Kɩwɛɛkɩm wɩlɩɣ lakasɩ, maɣzɩm, yaa mbʋ pɩkaɖɩɣnɩ Ɛsɔ paɣtʋ nɛ ɛ-paɣtʋ kila yɔ. Pʋcɔ nɛ wonuu kɩlɩzʋʋ nakʋyʋ pɩzɩ nɛ kɩla kɩwɛɛkɩm lɛ, pɩwɛɛ se kɩpɩzɩ nɛ kɩmaɣzɩ nɛ kɩkpaɣ lɩmaɣza; ɛlɛ kpɩna fɛyɩnɩ waɖɛ nɖɩ. Afɛyɩnɩ lɔŋ se ɩpɩzɩ nɛ iɖiyi a-wezuu caɣʋ nɛ pɩtɛŋna se asɩkɩ. (2 Pɩyɛɛrɩ 2:12) Paa atɩla kɩwɛɛkɩm yɔ, a-wezuu caɣʋ kɩyakɩŋ tɛŋ lɛ asɩkɩ.

Pɩwɛ ɖeu se pala kañatʋ kpɩna na?

Aayɩ. Ɛsɔ ha ɛyaa ɖoŋ kpɩna yɔɔ ɛlɛ ɛtɩha-wɛ waɖɛ se pala kañatʋ kpɩna. (Kiɖe Tɛɛ Tɔm 1:28; Keɣa 8:6-8) Ɛsɔ maɣzɩɣ paa kpɩnɛ nɖɩ lɛ ɖɩ-yɔɔ, pɩkpɛndɩnɩ sumasɩ cikpesi. (Yoonaa 4:11; Maatiyee 10:29) Ɛɖʋ ɛ-sɛyaa paɣtʋ se pɔcɔnɩ kpɩna yɔɔ camɩyɛ.—Ejipiti Lɩʋ 23:12; Wayɩ Wayɩ Paɣtʋ 25:4; Aduwa 12:10.