Pɩ-tɛɛ tɔm

b TƆM TƆBƲƲ: Feziŋ kɩdɛkɛdɩŋ yaʋ kɛnɩ tisuu nɛ lakasɩ nzɩ sɩ-taa nɛ aleewaa tɔm yɔ. Pɩ-taa nabʋyʋ lɛ tisuu mbʋ nabɛyɛ wɛna se ɛyʋ sɩkɩ lɛ, e-tomnaɣ ɖazɩɣ nɛ ɛpɩsɩ fezuu ŋgʋ kɩ nɛ ɛyaa papɩzɩɣ nɛ pɔyɔɔdɩ yɔ, nɛ ɖoŋ ɖoŋ lɛ, ɛyaa tɩŋɩɣnɩ nɔɔyʋ yɔɔ (ɛzɩ tɩʋ mbʋ yɔ) nɛ pɔyɔɔdʋʋnɩ feziŋ ɛnɩ. Efeletu nɛ tɩyɩtʋ kɛ ɖɔɖɔ feziŋ kɩdɛkɛdɩŋ yaʋ lakasɩ. Tɔm ñʋʋ kʋnɛ kɩ-taa, tɔm piye maajiki wɩlɩɣ lakasɩ yaa wɛtʋ ndʋ tɩlɩnɩ mbʋ pɩkpaɖɩ ɛyʋ ɖoŋ yɔ pɩ-cɔlɔ yɔ. Pɩpɩzɩɣ nɛ pɩkɛnɩ nɔɔ kɩdɛkɛdaɣ lɔʋ nɛ kʋdɔmɩŋ ɖʋʋ yaa ɩ-kpɛzʋʋ. Ɛlɛ, alɩwaatʋ ndʋ nɔɔyʋ lakɩnɩ e-nesi tʋmɩyɛ lɛɛ lɛɛ se pipiti ɛyaa aleɣya nʋmɔʋ taa yɔ, pɩtɩkɛ tɩyɩtʋ.