Pɩ-tɛɛ tɔm

b KƖLƐMƲƲ YƆƆ TƆM: Yehowa lɩzɩ ɛyaa se papɩzɩ nɛ pamaɣzɩnɩ ɛ-wɛtʋ kɩbandʋ. Abalʋ nɔɔyʋ nɛ ɛ-halʋ pɛwɛɛ nɛ pamaɣzɩɣnɩ Yehowa wɛtʋ kɩbandʋ nɛ pawɩlɩɣ ɖama sɔɔlɩm nɛ panaɣ ɖama pʋtɔdɩyɛ. Nɛ pɛwɛɛ nɛ palɩzɩɣ wɛtʋ ndʋ nɛ pawɩlɩɣ pa-pɩyalaa ɖɔɖɔ. Abalʋ ɛnʋ nɛ ɛ-halʋ pɔsɔɔlɩ Yehowa. Kʋjɔʋ ŋgʋ Yehowa labɩ-wɛ se pɛwɛɛnɩ piya yɔ, kɩha-wɛ waɖɛ se pasɩnɩ pa-pɩyalaa nɛ pɔsɔɔlɩ-ɩ nɛ pɛsɛɛ-ɩ. Lʋlɩyaa mba, pɛwɛɛ nɛ palakɩnɩ tʋmɩyɛ video nakʋyʋ se pasɩnɩ pe-piya nɛ sɩtɩlɩ mbʋ pʋyɔɔ Yehowa kpaɣ Yesu nɛ ɛcɛlɩ se pɩkɛ kɩhɛyʋʋ pʋ-ñʋʋ taa yɔ. Pɛwɛɛ nɛ pawɩlɩɣ-sɩ ɖɔɖɔ se paradisuu ŋgʋ kɩkaɣ kɔm yɔ kɩ-taa, ɖɩkaɣ cɔnʋʋ tɛtʋ nɛ kpɩna yɔɔ tam.