Pɩ-tɛɛ tɔm

a Alɩwaatʋ ndʋ ɖɩmaɣzɩɣ ɛyʋ weyi ɛkatɩ kala sɔsɔna yɔ ɛ-yɔɔ yɔ, ɖoŋ ɖoŋ lɛ, ɖɩmaɣzɩɣ Yɔɔb yɔɔ. Mbʋ pɩtalɩ abalʋ siɣsiɣ tʋ ɛnʋ e-wezuu caɣʋ taa yɔ, ɛbɛ pɩkpɛlɩkɩɣ-ɖʋ? Ðɩkpɛlɩkɩɣ se Sataŋ ɛɛpɩzɩɣ nɛ ɛñɩɣ ɖɔ-yɔɔ se ɖiyele Yehowa sɛʋ. Ðɩkpɛlɩkɩɣ ɖɔɖɔ se Yehowa sɩm mbʋ payɩ pɩtalɩɣ-ɖʋ yɔ. Nɛ ɛzɩ Yehowa yebu nɛ Yɔɔb kʋñɔmɩŋ sɩɩ tɩnaɣ yɔ, mbʋ ɖɔɖɔ wiɖiyi ɛkaɣ yebu nɛ ɖa-kʋñɔmɩŋ tɩŋa sɩɩ tɩnaɣ. Ye ɖɩtɩŋnɩ ɖa-lakasɩ yɔɔ nɛ ɖɩwɩlɩ se ɖa-taa tɛmnɩ toovenim tɔm ndʋ yɔ, pʋbʋ ɖɩwɛ ɛyaa mba “pataɣ Yehowa liu” toovenim taa yɔ pa-taa.