Pɩ-tɛɛ tɔm

a Ɛjaɖɛ kɩdɛkɛdɩyɛ ɖɩnɛ ɖɩ-taa, pɩwɛ kaɖɛ se pana ɛyaa mba pɛwɛ siɣsiɣ yɔ. Paa mbʋ yɔ sɔnɔ, ɛyaa miiliyɔɔwaa sakɩyɛ wɛɛ nɛ palakɩ mbʋ pɩwɛ siɣsiɣ yɔ. Pɩtʋʋ fɛyɩ se ŋwɛ ɛyaa mba pa-taa. Ŋñakɩ pana nɛ ŋlakɩ mbʋ pɩwɛ siɣsiɣ yɔ mbʋ pʋyɔɔ yɔ ŋsɔɔlɩ Yehowa, nɛ Yehowa sɔɔlɩ siɣsiɣ wɛtʋ. Ɛzɩma ɖɩpɩzɩɣ ɖɩla nɛ ɖɩsɔɔlɩ siɣsiɣ wɛtʋ nɛ pɩkɩlɩ? Tɔm ñʋʋ kʋnɛ kɩkaɣ yɔɔdʋʋ mbʋ siɣsiɣ wɛtʋ kɛnaa yɔ pɩ-tɔm, nɛ kɩkaɣ yɔɔdʋʋ ɖɔɖɔ wazasɩ nzɩ ɖihikiɣ ye ɖɩsɔɔlɩ siɣsiɣ wɛtʋ yɔ sɩ-tɔm. Ðɩkaɣ naʋ ɖɔɖɔ nɩŋgbanzɩ nzɩ ɖɩpɩzɩɣ nɛ ɖɩkpɛzɩ nɛ pɩsa nɛ ɖɩsɔɔlɩ siɣsiɣ wɛtʋ nɛ pɩkɩlɩ yɔ.