Pɩ-tɛɛ tɔm

b TƆM TƆBƲƲ: «Fezuu taa paradisuu» kɛ pɛɛyɛ nɖɩ ɖɩ-taa ɖɩwɛɛ nɛ ɖɩsɛɣ Yehowa nɔɔ kʋɖʋmaɣ taa yɔ. Fezuu taa paradisuu ŋgʋ kɩ-taa, Yehowa wɩlɩɣ-ɖʋ tɔm ndʋ payɩ pɩpɔzʋʋ-ɖʋ se pɩsa nɛ ɖɩtɩlɩ-ɩ nɛ ɖɩsɛɛ-ɩ yɔ; cɛtɩm Ɛsɔ sɛtʋ agbaa cɛtɩm wɩlɩtʋ tisidi wɩlɩtʋ ndʋ tɩ-taa. Nɛ ɖɩwɛnɩ tʋmɩyɛ nɖɩ ɖɩhaɣ-ɖʋ taa leleŋ siŋŋ yɔ nɛ ɖɩlakɩ, nɖɩ lɛ Kewiyaɣ tɔm kɩbandʋ susuu. Taabalɩyɛ kɩbanɖɛ wɛ ɖa nɛ Yehowa ɖɛ-hɛkʋ taa, nɛ laŋhɛzɩyɛ wɛ ɖa nɛ ɖo-koobiya kʋsɔɔlaa ɖɛ-hɛkʋ taa; nɛ ɖo-koobiya mba, pasɩɣnɩ-ɖʋ se ɖɩɖɔkɩ ɖa-laŋɩyɛ kala taa nɛ taa leleŋ. Ðɩsʋʋ fezuu taa paradisuu taa alɩwaatʋ ndʋ ɖɩpaɣzɩɣ Yehowa sɛʋ ɛzɩ pɩpɔzʋʋ yɔ nɛ ɖɩlakɩ ɖo-ɖoŋ ɖeɖe se ɖɩmaɣzɩnɩ-ɩ yɔ.