Pɩ-tɛɛ tɔm

a Ða mba ɖɩsɛɣ Yehowa yɔ, ɖa-tɩŋa ɖɩñakɩ pana nɛ ɖɩkalɩɣ ɛ-Tɔm paa ɖooye. Ɛyaa lalaa sakɩyɛ ɖɔɖɔ kalɩɣ Bibl; paa mbʋ yɔ, toovenim taa lɛ paanɩɣ tɔm ndʋ pakalɩɣ yɔ tɩ-taa. Yesu alɩwaatʋ taa, ɛyaa nabɛyɛ ɖɔɖɔ taanɩɣ tɔm ndʋ pakalaɣ Ɛsɔtɔm taa yɔ tɩ-taa. Ye ɖɩtazɩ tɔm ndʋ Yesu heyi ɛyaa mba pakalaɣ Ɛsɔtɔm yɔ tɩ-taa yɔ, pɩkaɣ-ɖʋ sɩnʋʋ nɛ ɖɩkpɛlɩkɩ lɔŋ; nɛ lɔŋ ɛnɩ ɩpɩzɩɣ ɩsɩnɩ-ɖʋ nɛ ɖe-Bibl kalʋʋ wazɩ-ɖʋ nɛ pɩkɩlɩ.