Pɩ-tɛɛ tɔm

a Halɩ alɩwaatʋ ndʋ ɛyʋ siɣsiɣ tʋ Yɔɔb taabalaa 3 heyi-i se pɩkɛɣnɩ ɛ-kɩwɛɛkɩm yɔɔ ɛwɛɛ nɛ ɛtɔkɩ kʋñɔŋ yɔ, ɛpaɣzɩ nɩɣzʋʋ ndʋ ɛyaa lalaa maɣzɩɣ ɛ-yɔɔ yɔ tɩ-yɔɔ nɛ pɩkɩlɩɣ. Alɩwaatʋ ndʋ Yɔɔb lesi e-piya nɛ ɛ-ñɩm kpeekpe yɔ, ɛtɩla «kɩdɛkɛdɩm nɛ ɛtɩkʋ Ɛsɔ tɔm ɖɔɖɔ se ɛlabɩ mbʋ pɩfɛyɩ ɖeu yɔ.» (Yɔɔb 1:22; 2:10) Ɛlɛ alɩwaatʋ ndʋ pakʋ Yɔɔb tɔm se ɛlabɩ kɩdɛkɛdɩm yɔ, ɛlʋbɩ ɛ-tɩ yɔɔ nɛ ɛyɔɔdɩ «kpaanzɩyʋ tɔm.» Ɛ-maɣmaɣ ɛ-hɩɖɛ yɔɔ lʋbʋ tɔm kaacɛyɩ ɛ-ɛsɩndaa nɛ pɩkɩlɩ Yehowa hɩɖɛ yɔɔ lʋbʋ.—Yɔɔb 6:3; 13:​4, 5; 32:2; 34:5.