Tɔm Hʋyaa
21 Izrayɛɛlɩ abalaa kaaɖuu ɖuutu Mizpaa+ se: «Ða-taa nɔɔyʋ ɛɛkaɣ cɛlʋʋ ɛ-pɛlɛ Bɛnjamɛɛ abalʋ nɔɔyʋ se ɛkɛ ɛ-halʋ.»+ 2 Pʋyɔɔ samaɣ kaakɔm Betɛɛlɩ+ nɛ kacaɣ peeɖe Ɛsɔ toovenim tʋ ɛsɩndaa nɛ ɖanaɣ kɔɔ kaɖanɩ, nɛ kɛwɛɛ kamakɩ kubusi nɛ kewiɣ kpem. 3 Kɔpɔzaɣ se: «Oo Izrayɛɛlɩ tɛ Ɛsɔ Yehowa, ɛbɛ yɔɔ pɩlabɩ ɛzʋnɔ Izrayɛɛlɩ ɛjaɖɛ taa? Ɛbɛ yɔɔ pɩwɛɛ se cejewiye kʋɖʋmɖɩyɛ ɛmʋʋ yem mbʋ Izrayɛɛlɩ ɛjaɖɛ taa sɔnɔ?» 4 Nɛ samaɣ kʋyɩ lɔŋ tɛʋ kifemuu nɛ kama altaaru nakʋyʋ peeɖe se kalaa kɩ-yɔɔ kɩlaŋ kɩñaɣzɩŋ nɛ laŋhɛzɩyɛ kɩlaŋ.+
5 Ðɩnɛ ɛlɛ, Izrayɛɛlɩ samaɣ pɔzɩ se: «Izrayɛɛlɩ cejewe kpeekpe taa lɛ, atɩkpa kigbeɣluu taa Yehowa ɛsɩndaa?» Mbʋ pʋyɔɔ yɔ paaɖuu ɖuutu sɔsɔtʋ se ye nɔɔyʋ ɛtɩkpa Yehowa ɛsɩndaa Mizpaa yɔ, paa pɩɩla ɛzɩma yɔ pakaɣ-ɩ kʋʋ. 6 Nɛ Izrayɛɛlɩ samaɣ nɩɩ wɩzasɩ mbʋ pɩtalɩ po-koobu Bɛnjamɛɛ yɔ pɩ-yɔɔ. Pɔyɔɔdaa se: «Sɔnɔ, cejewiye kʋɖʋmɖɩyɛ ɖɩm Izrayɛɛlɩ ɛjaɖɛ taa. 7 Lɛɛlɛɛyɔ, ɖiɖuuu Yehowa ɛsɩndaa+ se mba pakazaa yɔ, ɖɩɩcɛlɩɣ-wɛ ɖɛ-pɛlaa nɛ papɩsɩ pa-halaa yɔ,+ ɛzɩma ɖɩkaɣ labʋ nɛ ɖihiɣ-wɛ halaa yɔ?»
8 Pɔpɔzɩ se: «Izrayɛɛlɩ cejewe taa lɛ, atɩkpa Yehowa ɛsɩndaa Mizpaa?»+ Nɛ pana se nɔɔyʋ taalɩɩnɩ Yabɛɛsɩ-Galaadɩ nɛ ewolo ɖigbeɣliye taa ɖenɖe samaɣ kaawɛɛ yɔ. 9 Pakalɩ ɛyaa samaɣ lɛ, pana se Yabɛɛsɩ-Galaadɩ mba taa nɔɔyʋ taawɛɛ peeɖe. 10 Ðɩnɛ ɛlɛ samaɣ tiyi abalaa 12 000, mba pakpaɖɩ ɖoŋ yɔ peeɖe. Paaɖʋ-wɛ paɣtʋ se: «Iwolo nɛ ɩkʋ Yabɛɛsɩ-Galaadɩ mba nɛ laɣɖɛ, ɩkʋ nɛ ɩkpɛndɩnɩ halaa nɛ piya.+ 11 Mbʋ pɩwɛɛ se ɩla yɔ, mbʋ yɔ: Pɩwɛɛ se ɩɖɩzɩ abalaa tɩŋa, nɛ halʋ weyi ɛ nɛ abalʋ pasʋnɩ ɖama nɛ pana yɔ, pɩwɛɛ se ɩɖɩzɩ-ɩ.» 12 Nɛ pana Yabɛɛsɩ-Galaadɩ mba hɛkʋ taa pɛlaa 400, mba pa-taa nɔɔyʋ tɩtɩlɩ abalʋ yɔ, wiɖiyi pa-taa nɔɔyʋ nɛ abalʋ patɩsʋʋ. Nɛ pɔkɔnɩ-wɛ ɖigbeɣliye taa Siiloo,+ Kanaŋ ɛjaɖɛ taa.
13 Ðɩnɛ ɛlɛ samaɣ kpeekpe tiyi ɛyaa Bɛnjamɛɛ ñɩma mba pɛwɛ Rimɔɔnɩ kaaʋ yɔɔ yɔ pɔ-cɔlɔ,+ nɛ paha-wɛ laŋhɛzɩyɛ. 14 Pɩlabɩ mbʋ lɛ, Bɛnjamɛɛ mba pɩsɩ alɩwaatʋ ndʋ. Nɛ pɛcɛlɩ-wɛ Yabɛɛsɩ-Galaadɩ halaa mba pataakʋ-wɛ yɔ,+ ɛlɛ halaa tɩtalɩnɩ pa-tɩŋa. 15 Nɛ samaɣ nɩɩ wɩzasɩ mbʋ pɩtalɩ Bɛnjamɛɛ yɔ pɩ-yɔɔ,+ mbʋ pʋyɔɔ yɔ Yehowa kɔnɩ tayʋʋ Izrayɛɛlɩ cejewe hɛkʋ taa. 16 Samaɣ taa ɛzʋtʋyaa pɔzɩ se: «Lɛɛlɛɛyɔ, pakʋ Bɛnjamɛɛ halaa tɩŋa, ɛzɩma ɖɩkaɣ labʋ nɛ ɖihiɣ abalaa mba pakazaa yɔ halaa?» 17 Nɛ pocosi se: «Pɩwɛɛ se Bɛnjamɛɛ ñɩma mba patʋlaa yɔ, pɛwɛɛnɩ tɛtʋ natʋyʋ nɛ tɩkɛ pa-ñɩm nɛ pɩsa nɛ cejewiye naɖɩyɛ ɛtaaɖɩ Izrayɛɛlɩ taa. 18 Ɛlɛ pɩtɩha-ɖʋ nʋmɔʋ se ɖɩcɛlɩ-wɛ ɖɛ-pɛlaa nɛ papɩsɩ pa-halaa, mbʋ pʋyɔɔ yɔ Izrayɛɛlɩ samaɣ ɖuwaa se: “Weyi ɛcɛlɩɣ halʋ nɔɔyʋ Bɛnjamɛɛ yɔ, piyoo-i.”»+
19 Ðɩnɛ ɛlɛ pɔyɔɔdɩ se: «Ɩna! Paa pɩnaɣ ŋga lɛ, pɔtɔkɩ Yehowa kazandʋ Siiloo,+ kɩwɛ Betɛɛlɩ hayo kiŋ nɛ habɩyɛ sɔsɔɖɛ nɖɩ ɖɩlɩnɩ Betɛɛlɩ nɛ ɖɩkpaɣ Sekɛɛm yɔ ɖɩ-wɩsɩ ɖɩlɩyɛ taa nɛ Lebona hadɛ kiŋ.» 20 Nɛ paɖʋ Bɛnjamɛɛ abalaa paɣtʋ se: «Iwolo nɛ ɩpabɩ viiñi hayɩm taa. 21 Nɛ ɩnaɣ se Siiloo pɛlaa lɩwa nɛ pɔcɔɔ kɩɖɩɖɩɖɩ nɛ pata nɛ papaɣ lɛ, pɩwɛɛ se mɩ-taa paa weyi ɛlɩɩnɩ viiñi hayɩm taa nɛ ɛkpa Siiloo pɛlaa taa nɔɔyʋ nɛ ɛpɩsɩ ɛ-halʋ, nɛ pʋwayɩ lɛ ɩpɩsɩ Bɛnjamɛɛ egeetiye taa. 22 Nɛ ye pa-caanaa yaa po-koobiya ɩkɔm ɖa-wayɩ lɛ, ɖiiheyi-wɛ se: “Pɔ-yɔɔ lɛ, ɩna ɖa-pʋtɔdɩyɛ, mbʋ pʋyɔɔ yɔ ɖɩtɩpɩzɩ nɛ ɖɩkpa pɛlaa you taa nɛ pɩtalɩnɩ pa-taa paa weyi,+ pɩtasɩ lɛ ɩɩpɩzɩɣ nɛ ɩcɛlɩ-wɛ halʋ nɔɔyʋ nɛ ɩtɩɖɔɔ wɛɛ.”»+
23 Ðɩnɛ ɛlɛ, Bɛnjamɛɛ abalaa la mbʋ ɖeyi ɖeyi, nɛ pa-taa paa weyi kpi halʋ, halaa mba papaɣaɣ yɔ pa-taa nɛ ɛɖɛna. Pʋwayɩ lɛ, papɩsɩ pe-egeetiye nɖɩ ɖɩkɛ pa-ñɩm yɔ ɖɩ-taa nɛ paɖaɣnɩ maʋ pɛ-tɛtʋ ndɩ ndɩ+ nɛ pacaɣ tɩ-taa.
24 Nɛ Izrayɛɛlɩ mba mɩzɩ ɖama alɩwaatʋ ndʋ, nɛ paa weyi lɛ ɛpɩsɩ e-cejewiye taa nɛ ɛ-hɔʋ taa, nɛ pakʋyɩ peeɖe, paa weyi lɛ ɛpɩsɩ e-egeetiye nɖɩ ɖɩkɛ ɛ-ñɩm yɔ ɖɩ-taa.
25 Alɩwaatʋ ndʋ tɩ-taa lɛ, wiyaʋ nɔɔyʋ taawɛɛ Izrayɛɛlɩ.+ Paa weyi lɛ, ɛlakaɣ mbʋ pɩwɛ ɖeu ɛ-maɣmaɣ ɛ-ɛsɩndaa yɔ.*