Yɔɔb
33 «Ɛlɛ lɛɛlɛɛyɔ Yɔɔb, mentendi-ŋ, nɩɩ mɔn-tɔm;
welisi tɔm ndʋ payɩ mɔyɔɔdʋʋ yɔ.
2 Mentendi-ŋ welisi! Pɩwɛɛ se monkuli mɔ-nɔɔ;
pɩwɛɛ se ma-nzʋlʋmɩyɛ ɛyɔɔdɩ.
3 Mɔn-tɔm pee susuu ma-laŋɩyɛ tɛ siɣsiɣ wɛtʋ,+
nɛ mo-ndomee yɔɔdʋʋ ndʋ mansɩma yɔ, nɛ aacɛtɩɣ.
5 Ye ŋpɩzɩɣ yɔ, cosi-m;
kɔnɩ tɔm ndʋ ŋyɔɔdʋʋ se ŋlʋbɩnɩ ña-tɩ yɔɔ yɔ mɛ-ɛsɩndaa; ñɔɔzɩ ña-tɩ.
6 Na! Mɛwɛ ɖɔɖɔ ɛzɩ ña yɔ Ɛsɔ toovenim tʋ ɛsɩndaa;
cʋʋ pamanɩ-m ɖɔɖɔ.+
7 Pʋyɔɔ lɛ, pɩfɛyɩ se ŋse-m sɔɔndʋ,
nɛ tɔm ndʋ mankaɣ yɔɔdʋʋ yɔ tɩɩkaɣ-ŋ kɩlʋʋ yuŋ.
8 Ɛlɛ ñɔ-tɔm sʋ ma-nɩŋgbaaŋ taa,
ɛɛɛ, mɛwɛɛ nɛ manɩɣ tɔm tʋnɛ:
10 Ɛlɛ Ɛsɔ ñanaɣ nabʋyʋ mɔ-yɔɔ nɛ ɛkaɖɩɣnɩ-m;
ɛkpakɩɣ-m ɛzɩ e-koyindu yɔ.+
12 Ɛlɛ ŋfɛyɩnɩ toovenim se ŋyɔɔdɩ mbʋ, pʋyɔɔ moncosuu-ŋ se:
Ɛsɔ kɩlɩ ɛyʋ kamaɣ fɛyɩ.+
13 Ɛbɛ yɔɔ ŋhɔŋ tɔm nɛ Ɛsɔ?+
Eticosi ñɔ-tɔm kpeekpe yɔɔ, pʋyɔɔ ŋlakɩ mbʋ?+
14 Toovenim taa lɛ Ɛsɔ yɔɔdʋʋ nɛ ɛlɛlɩɣ,
ɛlɛ nɔɔyʋ eekeŋni-i,
15 ɖoziye taa, ɖoo taa natʋ taa,+
alɩwaatʋ ndʋ ɛyaa ɖou ɖom cukaŋ ñɩmbʋ yɔ
alɩwaatʋ ndʋ poɖou pa-ñalɩŋ* yɔɔ yɔ.
16 Ðɩnɛ ɛlɛ ekuluu pa-nɩŋgbaaŋ+
nɛ ɛkaŋ* ɛ-tɔm pa-lɩmaɣza taa,
17 Se eposi ɛyʋ nɛ lakasɩ kɩdɛkɛdɩsɩ+
nɛ ɛkandɩyɩ ɛyʋ yɔɔ se ɛtaakpazɩ ɛ-tɩ.+
19 Wɩzasɩ nzɩ ɛyʋ nɩɣ ɛ-ñalʋʋ* yɔɔ yɔ, sɩhɔŋ ɛ-nɩŋgbaaŋ ɖɔɖɔ
nɛ pɩkpɛndɩnɩ siziŋ weyi ɛnɩɣ ɛ-mɔɔ taa tam yɔ,
20 piyeki nɛ kpɔnɔ lɩɣ ɛ-maɣmaɣ* sɔŋ,
21 Ɛtɛm ɖanzɩ kpem nɛ paatasɩɣ e-tomnaɣ nandʋ naʋ,
nɛ ɛ-mɔɔ wena aamɛlaa yɔ, lɛɛlɛɛyɔ alɩ yem.*
23 Ye petiyi nɔɔyʋ* ɛ-cɔlɔ,
weyi ɛlʋkɩ lalaa yɔɔ yɔ, kʋɖʋm kudoku taa,
se eheyi ɛyʋ mbʋ pɩtʋʋzaa yɔ,
24 ɖɩnɛ ɛlɛ Ɛsɔ naɣ ɛ-pʋtɔdɩyɛ nɛ ɛyɔɔdɩ se:
26 Ɛkaɣ Ɛsɔ tenduu+ nɛ ɛlɛ kaɣ-ɩ mʋʋ,
nɛ ɛkaɣ naʋ Ɛsɔ ɛsɩndaa nɛ taa leleŋ kogoye,
nɛ Ɛsɔ kaɣ ɛyʋ pɩsɩnʋʋ E-siɣsiɣ wɛtʋ.
27 Ɛyʋ ɛnʋ ɛkaɣ susuu* ɛyaa lalaa se:
31 Yɔɔb, kʋ nɩŋgbaaŋ! Welisini-m!
su ɖiɣ ɖiɣ nɛ mowolo mɔn-tɔm yɔɔdʋʋ yɔɔ.
32 Ye ŋwɛnɩ natʋyʋ se ŋyɔɔdʋʋ yɔ, cosi-m.
Yɔɔdɩ, mbʋ pʋyɔɔ yɔ mɔnsɔɔlaa se mawɩlɩ se ñɔ-tɔm ɖewa.
33 Ye ŋfɛyɩnɩ natʋyʋ se ŋyɔɔdʋʋ yɔ, ɖɩnɛ ɛlɛ welisini-m;
Su ɖiɣ ɖiɣ nɛ mawɩlɩ-ŋ lɔŋsɩnɖɛ.»