Keɣa
Hendu teyaa ñʋʋdʋ; petee-tʋ nɛ pɩla nɔɔ kʋɖʋmaɣ nɛ Maalatɩ.* Masɩkili.* Daviid hendu.
53 Ɛyaa kɩmɛlɛmɩŋ* yɔɔdʋʋ pa-laŋa taa se:
«Yehowa fɛyɩ.»+
Pa-lakasɩ fɛyɩ siɣsiɣ, sɩkɛ kɩdɛkɛdɩsɩ nɛ sɩwɛ kʋzɔɔtʋ;
nɔɔyʋ ɛɛlakɩ mbʋ pɩwɛ ɖeu yɔ.+
2 Ɛlɛ Ɛsɔ wɛ ɛsɔdaa nɛ ɛcɔŋnɩ ɛyaa pɩyalaa+
se ɛna se pa-taa nɔɔyʋ wɛnɩ lɛɣtʋ yaa we, se ɛna se pa-taa nɔɔyʋ ñɩnɩɣ Yehowa yaa we.+
3 Pa-tɩŋa peyebi nʋmɔʋ kɩbaŋʋ;
pe-kpeekpe pɛkɛ ɛyaa kɩdɛkɛdaa.
Nɔɔyʋ ɛɛlakɩ mbʋ pɩwɛ ɖeu yɔ,
paa ɛyʋ kʋɖʋm maɣmaɣ.+
4 Ɛzɩ kɩwɛɛkɩm laɖaa taa nɔɔyʋ ɛɛnɩɣ tɔm taa?
Pɔtɔkɩ man-samaɣ ɛzɩ kpɔnɔ pɔtɔkɩ yɔ.
Paayaɣ Yehowa.+
5 Ɛlɛ sɔɔndʋ sɔsɔtʋ natʋyʋ kaɣ-wɛ kpaʋ,
sɔɔndʋ ndʋ tɩtɩkpa-wɛ wiɖiyi nɛ pana yɔ,*
mbʋ pʋyɔɔ yɔ Ɛsɔ kaɣ mɩzʋʋ mba poyouni-ŋ yɔ pɔ-mɔɔ.
Ŋkaɣ-wɛ ɖʋʋ fɛyɛ, mbʋ pʋyɔɔ yɔ Yehowa lɔ-wɛ.
6 Tɛtɛ nɛ Izrayɛɛlɩ ñʋʋ yabɩtʋ lɩɩnɩ Siyɔŋ!+
Alɩwaatʋ ndʋ Yehowa pɩsɩɣnɩ ɛ-samaɣ nɛ yomiye taa yɔ,
Yakɔɔb ɛwɛɛ laŋhʋlʋmɩyɛ taa, Izrayɛɛlɩ taa ɛla leleŋ.