Keɣa
95 Ɩkɔɔ nɛ ɖɩma taa leleŋ kubusi Yehowa!
Ðɩma wabɩtʋ kubusi ɖa-ñʋʋ yabʋ Kaaʋ.+
2 Ðiwolo ɛ-ɛsɩndaa nɛ ɖɩsɛɛ-ɩ se ɛlabaɣ lɛ;+
ɖitee-i hendu nɛ ɖɩma wabɩtʋ kubusi.
3 Mbʋ pʋyɔɔ yɔ Yehowa kɛ Ɛsɔ sɔsɔ,
ɛkɛ Wiyaʋ sɔsɔ, ɛtɔkɩ kewiyitu ɛsɔnaa lalaa tɩŋa yɔɔ.+
4 E-nesi tɛɛ tɛtʋ cukaŋ wɛɛ;
ɛnʋ tɩnɩ pʋŋ ñʋŋ.+
6 Ɩkɔɔ nɛ ɖɩsɛɛ Ɛsɔ nɛ ɖiluŋ ɛ-tɛɛ;
ɖiluŋ ɖa-nʋmbɔla yɔɔ ɖa-Mayʋ Yehowa ɛsɩndaa.+
Sɔnɔ, ye iwelisiɣ ɛ-nɔɔ yɔ,+
8 ɩtaala nɛ mɩ-laŋa sʋʋ kpɩzɩŋ ɛzɩ pɩɩlabʋ Meriba* yɔ,+
ɛzɩ pɩɩlabʋ kɩyakʋ kʋlɛ Masaa,* kañɩmbusuu taa yɔ,+
9 alɩwaatʋ ndʋ mɩ-cɔzɔnaa kaatakɩ-m yɔ;+
paakaɖɩnɩ-m, ŋgʋ paana man-tʋma.+
10 Kpaɖʋʋ ŋgʋ kɩlɩ-m sɔŋ pɩnzɩ 40, nɛ mɔyɔɔdɩ se:
«Pɛkɛ samaɣ ŋga ka-laŋɩyɛ posuuni nʋmɔʋ kɩbaŋʋ tam yɔ;
patɩkpɛlɩkɩ nɛ patɩlɩ ma-nʋmɔŋ.»
11 Pʋyɔɔ monɖuu man-pana taa se:
«Paakaɣ sʋʋ mɛ-hɛzɩyɛ taa.»+