Keɣa

Mɩ Yehowa lɩmɖʋyaa, ɩsamɩ-ɩ,

ɩsa Yehowa hɩɖɛ.

 2 Pasa Yehowa hɩɖɛ

kpaɣnɩ lɛɛlɛɛyɔ nɛ pɩɖɛɛ tam tam.+

 3 Pasa Yehowa hɩɖɛ

kpaɣnɩ wɩsɩ ɖɩlɩyɛ nɛ piwolo wɩsɩ ɖɩɖʋyɛ.+

 4 Yehowa wɛ ajɛɛ kpeekpe ñʋʋ yɔɔ;+

ɛ-samtʋ kʋyaa nɛ pɩkɩlɩ ɛsɔdaa.+

 5 Awɛ ɛzɩ ɖɛ-Ɛsɔ Yehowa yɔ,+

ɛnʋ weyi ɛwɛ* hayo yɔ?

 6 Eluzuu ɛ-tɩ nɛ ɛcɔŋnɩ ɛsɔdaa nɛ tɛtʋ,+

 7 nɛ ɛkʋsʋʋ ɛjam mʋzʋʋ taa.

Ɛkʋsʋʋ kʋñɔndʋ tɔlɩma huuye taa*+

 8 se ɛla nɛ ɛcaɣ mba pɔ-yɔɔ wɛ ñamtʋ yɔ pɛ-hɛkʋ taa,

mba pɔ-yɔɔ wɛ ñamtʋ ɛ-samaɣ taa yɔ.

 9 Ɛhaɣ kaalʋlaɣ ɖɩɣa

nɛ ɛlakɩ nɛ kɛkɛɣ ɖoyo koboyaɣ tʋ weyi ɛ nɛ e-piya* yɔ.+