Keɣa

132 Hayɩ Yehowa, tɔzɩ Daviid yɔɔ,

tɔzɩ ɖɔɖɔ ɛ-kʋñɔmɩŋ kpeekpe yɔɔ;+

 2 ɛzɩma eɖuuni Yehowa yɔ,

ɛzɩma eɖuuni Yakɔɔb tɛ Ðoŋ Tʋ yɔ, ɛyɔɔdaa se:+

Maakaɣ hɩnʋʋ ma-ñalʋʋ yɔɔ, man-kaɖʋ yɔɔ;

 4 maakaɣ ɖou,

Nɛ maakaɣ kpɩtʋʋ ɛsɩyɛ

 5 nɛ pɩkɔɔ pɩtalɩ alɩwaatʋ ndʋ mehikiɣ lone naɖɩyɛ Yehowa yɔ,

alɩwaatʋ ndʋ mehikiɣ ɖɩjaɣyɛ kɩbanɖɛ* Yakɔɔb tɛ Ðoŋ Tʋ yɔ.»+

 6 Ɩna! Ðɩnɩ ka-taŋ* Efrata;+

ɖɩna-kɛ laʋ tɛɛ.+

 7 Ðiwolo nɛ ɖɩsʋʋ ɛ-ɖɩjaɣyɛ taa;*+

ɖiluŋ ɛ-nɩŋgbanzɩ ɖɩzɩyɛ ɛsɩndaa.+

 8 Hayɩ Yehowa, kʋyɩ nɛ ŋkɔɔ ña-ɖɩhɛzɩyɛ taa,+

ña nɛ ño-ɖoŋ Aɖakaɣ.+

 9 Ñɔ-cɔjɔnaa isuu siɣsiɣ wɛtʋ,

ñɛ-ɛyaa siɣsiɣ tɩnaa ɩma taa leleŋ kubusi.

10 Ña-lɩmɖʋyʋ Daviid yɔɔ lɛ,

taalɔ weyi ŋta-ɩ num yɔ.*+

11 Yehowa ɖuuni Daviid;

nɛ paa pɩɩlabɩ ɛzɩma yɔ, ɛɛkaɣ lɛɣzʋʋ ɛ-tɔm:

«Ña-lʋlʋʋ taa tʋ nɔɔyʋ

mankaɣ caɣzʋʋ ñe-kewiyaɣ kpelaɣ taa.+

12 Ye ña-pɩyalaa ɩɖɔkɩ mɛ-ɛgbɛyɛ

nɛ tɔm kɩtɔzɩtʋ ndʋ mawɩlɩɣ-wɛ yɔ,+

pa-pɩyalaa ɖɔɖɔ

Kaɣ caɣʋ ñe-kewiyaɣ kpelaɣ taa tam.»+

13 Mbʋ pʋyɔɔ yɔ Yehowa lɩzɩ Siyɔŋ;+

e-liu kaawɛɛ se ɛpɩsɩ-kʋ ɛ-ɖɩjaɣyɛ, ɛyɔɔdaa se:+

14 «Man-ɖɩhɛzɩyɛ yɔ tam;

cɩnɛ mankaɣ caɣʋ,+ mbʋ pʋyɔɔ yɔ mbʋ mɔnsɔɔlaa.

15 Mankaɣ tɛtʋ tʋnɛ haʋ tɔɔnasɩ sakɩyɛ nɛ mawazɩnɩ-tʋ;

mankaɣ haʋ tɩ-taa kʋñɔndɩnaa tɔɔnaɣ nɛ pɔtɔɔ nɛ pahaɣ.+

16 Mankaɣ suu tɩ-cɔjɔnaa ñʋʋ yabʋ,+

nɛ tɩ-taa ɛyaa siɣsiɣ tɩnaa kaɣ mabʋ taa leleŋ kubusi.+

18 Mankaɣ suu e-koyindinaa fɛyɛ,

ɛlɛ ɛnʋ lɛ, kewiyitu hulaɣ* ŋga ɛpama yɔ, kakaɣ ñɩlɩsʋʋ.»+