Keɣa

142 Mayaɣ Yehowa se ɛsɩnɩ-m;+

mentendiɣ Yehowa se ɛna man-pʋtɔdɩyɛ.

 2 Ɛnʋ meheyiɣ ma-nɩɣzɛ;

ɛnʋ mɛnkɛdɩɣ man-kʋñɔŋ+

 3 alɩwaatʋ ndʋ mon-ɖoŋ hʋʋ yɔ.*

Pañɩbɩ-m kpaca

nʋmɔʋ ŋgʋ kɩ-taa mɔnɖɔŋ yɔ.

 4 Cɔnɩ me-nesi kɩbanzɩ yɔɔ nɛ ŋna,

ŋnaɣ se nɔɔyʋ ɛɛmaɣzɩɣ mɔ-yɔɔ.*+

Ðoli fɛyɩ se manpɩzɩɣ mense nɛ mowolo;+

nɔɔyʋ eekeŋni-m.*

Mɔyɔɔdʋʋ se: «Ñɛkɛnɩ man-ɖɩjɔzɩyɛ,+

ñe-ɖeke mɛwɛnɩ* ɛsadɩnaa ɛjaɖɛ taa.»

 6 Kemsi kubusi nzɩ mamakɩ se ŋsɩnɩ-m yɔ,

mbʋ pʋyɔɔ yɔ mon-ɖoŋ tɛma.

Holi-m mba panazɩɣ-m yɔ pe-nesi tɛɛ,+

mbʋ pʋyɔɔ yɔ pakɩlɩ-m ɖoŋ.

 7 Lɩzɩ-m* salaka taa

nɛ mansa ña-hɩɖɛ.

Siɣsiɣ tɩnaa ɩcɔ-m nɛ pata,

mbʋ pʋyɔɔ yɔ ŋlabɩ-m camɩyɛ lakasɩ.