Izaayii
3 Mbʋ pʋyɔɔ yɔ na! Kɩbaɣlʋ toovenim tʋ, yoyaa tɛ Yehowa
Kʋsʋʋ Yeruzalɛm nɛ Yuuda taa mbʋ mbʋ pataɣ liu yɔ nɛ mbʋ pɩpɔzʋʋ-wɛ yɔ,
Kpɔnɔ nɛ lɩm mbʋ pɩɖɔkʋʋ pe-weziŋ yɔ,+
2 Ɛyʋ ɖoŋ tʋ nɛ you laɖʋ,
Tɔm hʋyʋ nɛ nayʋ,+ tɩʋ nɛ ɛzʋtʋyʋ,
3 Ɛyaa 50 ñʋʋdʋ,+ weyi paɖʋʋ-ɩ hɩɖɛ yɔ, nɛ lɔŋ tasɩyʋ,
Maajiki laɖʋ sɔsɔ nɛ fadɩŋ hɔkɩyʋ weyi ɛwɛ niye yɔ.+
4 Mankaɣ yebu nɛ abalɩbiya pɩsɩ pa-awumbiya,
Nɛ mba pa-lɩmaɣza lɛɣzɩɣ yem yem yɔ, pakaɣ tɔɔʋ kewiyitu pɔ-yɔɔ.
5 Ɛyaa kaɣ ɖama wɩlʋʋ ñaŋ,
Paa weyi lɛ, ɛkaɣ wɩlʋʋ ɛ-taabalʋ ñaŋ.+
Abalɩbɩɣa kaɣ labʋ kañatʋ akpadɩyʋ,
Nɛ weyi patɩkpaɣ-ɩ nɛ payaa nabʋyʋ yɔ, ɛkaɣ kʋyʋʋ weyi pañaŋɩ-ɩ yɔ ɛ-yɔɔ.+
6 Paa weyi lɛ ɛkaɣ kpaʋ e-koobu ɛ-caa ɖɩɣa taa nɛ ɛyɔɔdɩ se:
«Ŋwɛnɩ toko kɩtɩnʋʋ—kɛ ɖa-ñʋʋdʋ.
Cɔnɩ njaa tambaɣ huuye ɖɩnɛ ɖɩ-yɔɔ.»
7 Ɛlɛ ɛkaɣ kizuu puwiye nɛ ɛyɔɔdɩ se:
«Pɩtɩkɛ makaɣnɩ waʋ mi-heŋ;*
Mɛnfɛyɩnɩ tɔɔnaɣ yaa wondu kususutu man-ɖɩɣa taa.
Ɩtaasɩ-m ñʋʋdʋ samaɣ yɔɔ.»
8 Mbʋ pʋyɔɔ yɔ pituuli Yeruzalɛm,
Nɛ Yuuda tɔlaa,
Mbʋ pʋyɔɔ yɔ pakaɖɩɣnɩ Yehowa pɔ-yɔɔdaɣ nɛ pa-lakasɩ taa;
9 Pɛ-ɛsɩndaa wɛtʋ wɩlɩɣ se pa-lakasɩ fɛyɩ ɖeu,
Nɛ posusuu pa-kɩwɛɛkɩm ɛzɩ Sodom yɔ;+
Paañakɩ pana se pɛmɛsɩ-pʋ.
Pɩtɔɔ-wɛ,* mbʋ pʋyɔɔ yɔ pɛwɛɛ nɛ pɔkɔŋnɩ asɛyʋʋ pa-maɣmaɣ pɔ-yɔɔ!
11 Pɩtɔɔ ɛyʋ kɩdɛkɛdʋ!
Asɛyʋʋ kaɣ kɔm ɛ-yɔɔ,
Mbʋ pʋyɔɔ yɔ mbʋ e-nesi laba yɔ pakaɣ-ɩ pʋ labʋ!
12 Piyele nɛ man-samaɣ lɛ, ka-tʋma yɔɔ cɔnɩyaa wɛ kañatʋ,
Nɛ halaa tɔkɩ kewiyitu pɔ-yɔɔ.
Man-samaɣ, ña-ñʋndɩnaa yeki nɛ ŋyotuu yem,
Peyiɣdiɣ nʋmɔŋ weyi pɩwɛɛ se ŋtɩŋ yɔ.+
13 Yehowa sɩŋ e-lone taa se ɛkʋyɩ samaɣ yɔɔ;
Ɛkʋyaa ɛsɩŋ se ɛhʋʋnɩ ɛyaa samasɩ tɔm.
14 Yehowa kaɣ tɔm hʋnʋʋ ɛ-samaɣ taa ɛzʋtʋyaa nɛ awumbiya.
«Ɩñaɣzɩ viiñi hayɩm miŋ,
Nɛ mbʋ ɩmɩlɩ kʋñɔndɩnaa cɔlɔ yɔ, pɩwɛ mɩ-ɖɩsɩ taa.+
15 Ɛbɛ yɔɔ ɩkataa se ɩtɔyɩtɩ man-samaɣ
Nɛ ɩnaŋɩɣ kʋñɔndɩnaa mʋzʋʋ taa?»+ Kɩbaɣlʋ Kɩlɩm, yoyaa tɛ Yehowa yɔɔdʋʋna.
16 Yehowa yɔɔdʋʋ se: «Siyɔŋ pɛlaa wɛnɩ tɩ kpazʋʋ,
Pɔɖɔŋ, pa-ñʋŋ nɛ ɛsɔdaa,*
Pɛhɛɣ sɔɔlɩm ɛsa, pɔɖɔŋ nɛ pɛcɛbɛlɩɣ,
Palakɩ nɛ pa-nɩŋgbanzɩ tɛɛ kpayasɩ wiɣ, pʋyɔɔ lɛ
17 Yehowa kaɣ yebu ɖɔɖɔ nɛ pɔɔyɛɛ* lɩɩ Siyɔŋ pɛlaa ñʋŋ taa,
Nɛ Yehowa kaɣ yebu nɛ pe-kila taa hazɩ.+
18 Kɩyakʋ ŋgʋ ki-wiye, Yehowa kaɣ lɩzʋʋ pa-kpayasɩ tɛ kajʋka,
Ñʋʋ kɩtamɩŋ nɛ ajana wondu ndʋ tɩwɛ kotaaa kotaaa ɛzɩ fenaɣ hɔɔlaɣ yɔ,+
19 Naŋgbacaɣlanaa,* nesi tɛɛ kpayasɩ nɛ kɛdɛɛkasɩ,
20 Ñʋʋ kitemiŋ, nɩŋgbanzɩ tɛɛ kpayasɩ, laŋɩyɛ taa kɩtamɩŋ,
Tɩlaaɖɩ patanaa* nɛ fadɩŋ pɔɔyɩsɩ,*
21 Niwee kokoo nɛ mɔɔŋ kokoo,
22 Sɔnzɩ tokonaa kɩɖaɣlaa, tokonaa mba pɛwɛ waaa yɔ, tokonaa kɩtɩnaa nɛ liidiye huyiŋ,
23 Nesi tɛɛ ñɩnɩŋ+ nɛ wondu kususutu ndʋ palabɩnɩ pɩsatʋ* yɔ,*
Ñʋʋ kitemiŋ nɛ kɛdɛɛkasɩ.
24 Balɩsam num+ sɔzɩŋ lone taa lɛ, mbʋ pɩɖazaa yɔ pɩ-sɔŋ kaɣnɩ wɛʋ;
Tambaɖɛ lone taa lɛ, nimiye;
Ajana ñɔsɩ lone taa lɛ, ñʋʋ melem;+
Ñɩm wondu kususutu lone taa lɛ, fɔlɔtɔ wondu kususutu;+
Miŋ tɔndɔlʋʋ ñɛwɛɛ keɖeɣa lone taa.
25 Pakaɣ kʋʋ ñɛ-ɛyaa nɛ laɣɖɛ,
Nɛ ñɛ-ɛyaa ɖoŋ tɩnaa kaɣ sɩbʋ you taa.+