TƆM KƖKPƐLƖKƖTƲ 55
Ɛgbɛyɛ nɖɩ ɖɩ-taa ŋwɛɛ yɔ, ɖʋ-ɖɩ nesi
Kedeŋa kpeekpe yɔɔ, ɛyaa miiliyɔɔwaa sakɩyɛ wɛɛ nɛ pɛsɛɣ Yehowa nɛ taa leleŋ agbaa kudokiŋ sakɩyɛ taa. Pa-taa wɛ leleŋ nɛ falɩsʋʋ nɛ ɖiyuu mbʋ pamʋʋ yɔ nɛ patɩŋɩɣnɩ nʋmɔŋ ndɩ ndɩ yɔɔ nɛ paɖʋʋ ɛgbɛyɛ nesi nɛ kpekpeka. Taa leleŋ ɛnɩ ŋhikiɣ ñɛ-ɛgbɛyɛ taa?
1. Ɛzɩma ŋpɩzɩɣ nɛ ŋlabɩnɩ ña-alɩwaatʋ nɛ ño-ɖoŋ tʋmɩyɛ nɛ ŋɖʋ ɛgbɛyɛ nɖɩ ɖɩ-taa ŋwɛɛ yɔ nesi?
Ða-tɩŋa payɩ ɖɩpɩzɩɣ nɛ ɖɩɖʋ nesi ɛgbɛyɛ nɖɩ ɖɩ-taa ɖɩwɛɛ yɔ. Akpadɩyaa nɛ ajamaa pɛwɛ ñɛ-ɛgbɛyɛ taa? Ŋpɩzɩɣ nɛ ŋsɩnɩ-wɛ nɛ papɩzɩ nɛ powolo kediɣzisi na? Yaa ŋpɩzɩɣ nɛ ŋɖʋ-wɛ nesi hɔɔlɩŋ lɛɛŋ taa ɛzɩ wondu yabʋ yaa ɖɩɣa taa tʋma labʋ mbʋ yɔ? (Kalɩ Yakubu 1:27.) Ðɩpɩzɩɣ ɖɔɖɔ nɛ ɖɩha ɖa-tɩ faaa nɛ ɖɩɖʋ nesi nɛ ɖɩla Kewiyaɣ kpaaŋ ñɔɔzʋʋ tʋma nɛ kɩwɛɛ cɩɖɩ cɩɖɩ. Nɔɔyʋ ɛɛñɩkɩɣ ɖɔ-yɔɔ se ɖɩla tʋma ana. Sɔɔlɩm mbʋ ɖɩsɔɔlɩnɩ Ɛsɔ nɛ ɖo-koobiya yɔ mbʋ seɣtiɣni-ɖʋ nɛ ‘ɖɩhaɣ ɖa-tɩ faaa.’—Keɣa 110:3.
Aseɣɖe Tɩnaa mba pamɩyɩsɩ-wɛ lɩm yɔ, papɩzɩɣ nɛ patɩŋnɩ hɔɔlɩŋ lɛɛŋ yɔɔ nɛ paɖʋ nesi ɛgbɛyɛ nɖɩ ɖɩ-taa pɛwɛɛ yɔ. Koobiya abalɩñɩma mba papɩ fezuu taa nɛ pɛwɛɛnɩ wɛtʋ ndʋ Masɩ pɔzʋʋ yɔ, papɩzɩɣ nɛ pɛkɛ ɛgbɛyɛ taa tʋmlaɖaa yaa ɛgbɛyɛ taa ɛzʋtʋyaa. Koobiya halaa nɛ abalaa pɩzɩɣ ɖɔɖɔ nɛ paha pa-tɩ nɛ pala nʋmɔʋ lɩzʋʋ tʋmɩyɛ nɛ patɩŋnɩ pɩ-yɔɔ nɛ paɖʋ nesi tɔm susuu tʋmɩyɛ nɛ kpekpeka. Aseɣɖe Tɩnaa nabɛyɛ pɩzɩɣ ɖɔɖɔ nɛ paɖʋ nesi Ɛsɔ sɛtʋ kuduyuŋ maʋ yaa paha pa-tɩ nɛ powolo egeetiye nɖɩ ɖɩ-taa pɩpɔzʋʋ se paɖʋ nesi ɛgbɛyɛ naɖɩyɛ hɔɔlɩŋ nɩɩyɩ taa yɔ.
2. Ɛzɩma ɖɩpɩzɩɣ nɛ ɖɩlabɩnɩ tʋmɩyɛ ɖe-liidiye nɛ ɖa-ñɩm lɛɛbʋ nɛ ɖɩɖʋ nesi ɛgbɛyɛ nɖɩ ɖɩ-taa ɖɩwɛɛ yɔ?
Ðɩpɩzɩɣ nɛ ‘ɖɩkpaɣ ɖo-wondu ndʋ tɩmʋ ñɩm nɛ pɩkɩlɩ yɔ nɛ ɖɩɖʋnɩ Yehowa hɩɖɛ.’ (Aduwa 3:9) Pɩkɛnɩ-ɖʋ hɩɖɛ ɖʋʋ se ɖɩkpaɣ ɖe-liidiye nɛ ñɩm lɛɛbʋ mbʋ ɖɩwɛna yɔ nɛ ɖɩɖʋ nesi ɛgbɛyɛ nɖɩ ɖɩ-taa ɖɩwɛɛ yɔ nɛ kedeŋa kpeekpe yɔɔ tɔm susuu tʋmɩyɛ. (Kalɩ 2 Kɔrɛntɩ mba 9:7.) Palakɩnɩ tʋmɩyɛ ɖa-haɖɛ ɖɔɖɔ nɛ paɖʋʋnɩ nesi mba asɛyʋʋ nakʋyʋ talɩ-wɛ yɔ. Ɛyaa sakɩyɛ kpaɣ lɩmaɣzɩyɛ se ‘pasɩɣ nabʋyʋ kɩjaʋ’ nɛ paakpaɣ-pʋ nɛ paha. (Kalɩ 1 Kɔrɛntɩ mba 16:2.) Ðɩpɩzɩɣ nɛ ɖɩtɩŋnɩ aɖakasɩ nzɩ sɩwɛ ɖɛ-Ɛsɔ sɛtʋ lona taa yɔ sɩ-yɔɔ yaa ɖɛ-tɛ intɛrnɛɛtɩ lone donate.jw.org yɔɔ nɛ ɖɩha haɖɛ. Yehowa ha-ɖʋ waɖɛ se ɖɩtɩŋnɩ tomnaɣ yɔɔ wondu ndʋ ɖɩwɛna yɔ tɩ-yɔɔ nɛ ɖɩwɩlɩ-ɩ ɖɔ-sɔɔlɩm.
TAZƖ NƐ PILIMI
Tazɩ nɛ ŋna nʋmɔŋ weyi ɩ-yɔɔ ŋpɩzɩɣ ŋtɩŋna nɛ ŋɖʋ nesi ɛgbɛyɛ nɖɩ ɖɩ-taa ŋwɛɛ yɔ ɩ-taa nɩɩyɩ.
3. Ðɩpɩzɩɣ nɛ ɖɩlabɩnɩ tʋmɩyɛ ñɩm mbʋ ɖɩwɛna yɔ
Yehowa nɛ Yesu pɔsɔɔlɩ ɛyaa mba pahaɣnɩ taa leleŋ yɔ. Kɩɖaʋ nakʋyʋ yɔ: Yesu sam lelu weyi ɛɛɖʋ liidiye aɖakaɣ taa yɔ. Yesu samɩ-ɩ mbʋ pʋyɔɔ yɔ ɛñaɣ pana nɛ ɛha nabʋyʋ Yehowa. Ɩkalɩ Luka 21:1-4, nɛ pʋwayɩ lɛ ɩtazɩ tɔm tʋnɛ tɩ-taa:
Pɩcɛyaa se ɖɩla kʋjɔʋ sɔsɔʋ pʋcɔ nɛ ɖɔ-tɔm kɛdɩnɩ Yehowa yaa we?
Ɛzɩma pɩlakɩ Yehowa nɛ Yesu alɩwaatʋ ndʋ ɖɩlakɩ kʋjɔʋ nɛ ɖa-laŋɩyɛ faaa yɔ?
Pɩsa nɛ ɩna ɛzɩma palakɩnɩ ɖa-haɖɛ tʋmɩyɛ lɛ, ɩcɔnɩ VIDEO. Nɛ pʋwayɩ lɛ, ɩtazɩ tɔm tʋnɛ tɩ-taa.
Haɖɛ nɖɩ ɖɩlakɩ yɔ ɖɩwazɩɣ agbaa kedeŋa kpeekpe yɔɔ. Ɛzɩma tɩyɛ?
4. Ðɩpɩzɩɣ nɛ ɖɩha ɖa-tɩ nɛ ɖɩɖʋ nesi
Bibl alɩwaatʋ taa Yehowa sɛyaa taahaɣ liidiye ɖeke na, ɛlɛ palakaɣ tʋmɩyɛ nɛ kpekpeka nɛ pɔcɔŋnɩ pɛ-Ɛsɔ sɛtʋ lona yɔɔ camɩyɛ. Ɩkalɩ 2 Kroniiki 34:9-11, nɛ pʋwayɩ lɛ ɩtazɩ tɔm tʋnɛ tɩ-taa:
Paa Izrayɛɛlɩ tʋ weyi lɛ ɛbɛ ɛlakaɣ nɛ ɛɖʋʋ nesi nɛ pɔcɔnɩ Yehowa ɖɩɣa yaa Ɛsɔ sɛtʋ lone yɔɔ ?
Pɩsa nɛ ɩna ɛzɩma Yehowa Aseɣɖe Tɩnaa nɩɣzɩɣnɩ caanaʋ taa kɩɖaʋ kʋnɛ lɛ, ɩcɔnɩ VIDEO. Nɛ pʋwayɩ lɛ, ɩtazɩ tɔm tʋnɛ tɩ-taa.
Ɛbɛ yɔɔ pɩcɛyaa se ɖɩcɔnɩ ɖe-Kewiyaɣ kpaaŋ yɔɔ nɛ kɩwɛɛ cɩɖɩ cɩɖɩ nɛ kɩwɛɛ ɖɔɖɔ camɩyɛ?
Nʋmɔŋ weyi yɔɔ ɖɩpɩzɩɣ ɖɩtɩŋna nɛ ɖɩɖʋ nesi?
5. Koobiya abalaa pɩzɩɣ pañaɣ pana nɛ pɛwɛɛnɩ wala ɛgbɛyɛ taa
Masɩ seɣtiɣ Krɩstʋ mba abalɩñɩma se pañaɣ pana nɛ pala mbʋ papɩzɩɣ yɔ nɛ paɖʋ nesi ɛgbɛyɛ nɖɩ ɖɩ-taa pɛwɛɛ yɔ. Pɩsa nɛ ɩna kɩɖaʋ nakʋyʋ lɛ, ɩcɔnɩ VIDEO. Nɛ pʋwayɩ lɛ, ɩtazɩ tɔm tʋnɛ tɩ-taa.
Ɛzɩma Ryan ñaɣ pana se ɛɖʋ nesi ɛgbɛyɛ nɛ pɩkpaɖɩ?
Bibl yɔɔdʋʋ se wɛtʋ ndɩ ndɩ ndʋ pɩwɛɛ se koobiya abalɩñɩma ɩwɛɛna nɛ papɩzɩ nɛ pɛkɛ ɛgbɛyɛ taa tʋmlaɖaa yaa ɛzʋtʋyaa? Ɩkalɩ 1 Timootee 3:1-13, nɛ pʋwayɩ lɛ ɩtazɩ tɔm tʋnɛ tɩ-taa:
NƆƆYƲ PƖZƖƔ NƐ ƐPƆZƖ SE: «Le Yehowa Aseɣɖe Tɩnaa lɩɣ liidiye yɔɔ nɛ palakɩnɩ pa-tʋma?»
Ɛzɩma ŋpɩzɩɣ nɛ ŋcosi?
TOBI LƐ
Ye ɖɩkpakɩɣ ɖa-alɩwaatʋ, ɖo-ɖoŋ nɛ ɖa-ñɩm nɛ ɖɩɖʋʋ nesi ɛgbɛyɛ yɔ, pɩkɛdɩɣnɩ Yehowa siŋŋ.
Tɔm taa tazʋʋ
Ɛzɩma ɖɩpɩzɩɣ nɛ ɖɩkpaɣ ɖa-alɩwaatʋ nɛ ɖo-ɖoŋ nɛ ɖɩɖʋ nesi ɛgbɛyɛ?
Ɛzɩma ɖɩpɩzɩɣ nɛ ɖɩlabɩnɩ tʋmɩyɛ ɖa-ñɩm nɛ ɖɩɖʋ nesi ɛgbɛyɛ?
Nʋmɔŋ weyi yɔɔ ŋsɔɔlaa se ŋtɩŋna nɛ ŋɖʋ nesi ɛgbɛyɛ?
WONDU LƐƐTƲ
Kalɩ nɛ ŋna mbʋ pʋyɔɔ Ɛsɔ ɛɛtasɩɣ pɔzʋʋ ɛ-sɛyaa se paha-ɩ pa-ñɩm hɔɔlʋʋ hiu ñɩŋgʋ yɔ.
«La dîme : Que dit la Bible à ce sujet?» (Intɛrnɛɛtɩ yɔɔ tɔm ñʋʋ)
Bibl haɣ ɛgbɛyɛ taa abalaa mba pamɩyɩsɩ-wɛ lɩm yɔ waɖɛ se pala tʋma naayɛ. Ɛlɛ, ɛbɛ pɩwɛɛ se koobu halɩñɩnʋ weyi pamɩyɩsɩ-ɩ lɩm yɔ ɛla ye pɩpɔzʋʋ se ɛla tʋma ana yɔ?
«Waɖɛ nɖɩ ɛzʋtʋyaa wɛnɩ ɛgbɛyɛ taa yɔ» (Feŋuu Tilimiye, Février 2021)
Cɔnɩ video nɛ ŋna ɛzɩma Aseɣɖe Tɩnaa nabɛyɛ ñakɩ pana nɛ palaɣ kɩlaŋ se pɩsa nɛ ɛgbɛyɛ takayɩsɩ talɩ po-koobiya lalaa yɔ.
Kalɩ nɛ ŋna ɛzɩma nʋmɔŋ weyi ɩ-yɔɔ Yehowa Aseɣɖe Tɩnaa tɩŋɩɣna nɛ pehikiɣ liidiye nɛ palakɩnɩ pɛ-Ɛsɔ sɛtʋ tʋma yɔ, ɩwɛ ndɩ kpem nɛ nʋmɔŋ weyi ɩ-yɔɔ Ɛsɔ sɛtʋ agbaa lɛɛna tɩŋɩɣna yɔ.
«Le Yehowa Aseɣɖe Tɩnaa lɩɣ liidiye yɔɔ nɛ palakɩ pa-tʋma?» (Intɛrnɛɛtɩ yɔɔ tɔm ñʋʋ)