TƆM KƖKPƐLƖKƖTƲ 56
Yele nɛ nɔɔ kʋɖʋmaɣ wɛɛ ɛgbɛyɛ taa
Alɩwaatʋ ndʋ ɖɩwɛɣ ɖo-koobiya Krɩstʋ mba hɛkʋ taa yɔ, pɩlakɩ-ɖʋ ɛzɩ pɩɩlabʋ Wiyaʋ Daviid yɔ. Ɛyɔɔdaa se: «Pɩwɛ ɖeu kpem nɛ pɩwɛ leleŋ ɖɔɖɔ kpem se koobiya ɩwɛɛ ɖoli kʋɖʋm nɔɔ kʋɖʋmaɣ taa!» (Keɣa 133:1) Pɩpɔzʋʋ se ɖɩñaɣ pana pʋcɔ nɛ laŋhɛzɩyɛ wɛɛ ɖɛ-hɛkʋ taa. Nɛ pɩwɛɛ se paa weyi ɛla e-ɖeɖe hɔɔlʋʋ ŋgʋ kɩ-taa.
1. Ɛbɛ wɛ ŋgee Yehowa samaɣ taa?
Ye ŋwobi ɛgbɛyɛ taa kediɣzaɣ nakɛyɛ ɛjaɖɛ naɖɩyɛ taa yɔ, pɩtɩla ŋŋkaɣ nɩʋ kʋnʋŋ ŋgʋ pɔyɔɔdʋʋ yɔ; paa mbʋ yɔ, pɩkaɣ-ŋ labʋ ɛzɩ ñɔ-hɔʋ taa mba hɛkʋ taa ŋwɛɛ yɔ. Ɛbɛ yɔɔ? Mbʋ pʋyɔɔ yɔ paa ɛjaɖɛ nɖɩ ɖɩ-taa lɛ, takayɩsɩ kʋɖʋmsɩ yɔɔ ɖɩtɩŋɩɣna nɛ ɖɩkpɛlɩkɩɣ Bibl. Nɛ ɖɩlakɩ mbʋ payɩ ɖɩpɩzɩɣ yɔ nɛ ɖɩwɩlɩɣ ɖama sɔɔlɩm. Paa le ɖɩtɩɩwɛɛ yɔ, ɖa-tɩŋa ‘ɖɩyaɣ Yehowa hɩɖɛ, nɛ ɖɩsɛɣ-ɩ nɔɔ kʋɖʋmaɣ taa.’—Sofonii 3:9.
2. Ɛzɩma ŋpɩzɩɣ nɛ ŋɖʋ nesi nɛ nɔɔ kʋɖʋmaɣ wɛɛ ɛgbɛyɛ taa?
«Ɩsɔɔlɩ ɖama siŋŋ pɩlɩɩnɩ mɩ-laŋɩyɛ taa.» (1 Pɩyɛɛrɩ 1:22) Ɛzɩma ŋpɩzɩɣ nɛ ŋlabɩnɩ tʋmɩyɛ lɔŋ tasʋʋ pʋnɛ? Taaka ña-lɩmaɣza lalaa ɛjandʋ yɔɔ ɛlɛ ñɩnɩ pɛ-wɛtʋ kɩbandʋ. Taaɖʋ taabalɩyɛ nɛ mba ña nɛ wɛ ɩsɔɔlɩ wondu kʋɖʋmtʋ yɔ pe-ɖeke, ɛlɛ ñaɣ pana nɛ ŋtɩlɩ ño-koobiya halaa nɛ abalaa mba pɔ-sɔnzɩ wɛ ndɩ nɛ na-ñɩnzɩ yɔ. Pɩpɔzʋʋ ɖɔɖɔ se ɖɩla mbʋ payɩ ɖɩpɩzɩɣ yɔ nɛ ɖɩlɔ lɩmaɣza kɩdɛkɛda wena ɖɩwɛnɩ lalaa yɔɔ yɔ.—Kalɩ 1 Pɩyɛɛrɩ 2:17.a
3. Ye ɖama kɩɩnɩnʋʋ ɛkɔm ña nɛ koobu nɔɔyʋ mɩ-hɛkʋ taa yɔ, ɛbɛ ŋkaɣ labʋ?
Nɔɔ kʋɖʋmaɣ wɛ ɖɛ-hɛkʋ taa, paa mbʋ yɔ ɖɩtɩtalɩ pilim. Ða-tɩŋa payɩ ɖɩɖʋʋ lalaa ɖɩwɩzɩyɛ nabʋyʋ taa. Pʋyɔɔ Ɛsɔtɔm heyiɣ-ɖʋ se: «Iwolo pɩ-yɔɔ . . . nɛ ikpeɣ ɖama faaa,» nɛ «ɛzɩ Yehowa kpeɣu-mɩ faaa yɔ, pɩwɛɛ se mɩ ɖɔɖɔ ɩla mbʋ.» (Kalɩ Koloosi mba 3:13.) Ðɩɖʋʋ Yehowa ɖɩwɩzɩyɛ ɖoŋ ɖoŋ, ɛlɛ ɛkpakɩɣ nɛ ekpeɣu-ɖʋ. Nɛ ɛpɔzʋʋ-ɖʋ ɖɔɖɔ se ɖikpeɣ ɖo-koobiya. Ye ŋnawa se ŋɖʋ nɔɔyʋ ɖɩwɩzɩyɛ yɔ, kpɛzɩ nɩŋgbaŋaɣ ŋga pɩpɔzʋʋ yɔ nɛ ŋla laŋhɛzɩyɛ.—Kalɩ Maatiyee 5:23, 24.b
TAZƖ NƐ PILIMI
Tazɩ nɛ ŋna mbʋ ŋpɩzɩɣ nɛ ŋla nɛ laŋhɛzɩyɛ nɛ nɔɔ kʋɖʋmaɣ pɛwɛɛ ɛgbɛyɛ taa yɔ.
Ɛbɛ ŋkaɣ labʋ se ŋla laŋhɛzɩyɛ?
4. Taawɛɛnɩ lɩmaɣza kɩdɛkɛda lalaa yɔɔ pɩlɩɩnɩ wɛtʋ ndʋ tɩ-taa pɛwɛɛ yɔ tɩ-yɔɔ
Ðɩñɩnɩɣ se ɖɩsɔɔlɩ ɖo-koobiya kpeekpe. Ɛlɛ pɩpɩzɩɣ nɛ pɩlabɩ-ɖʋ kaɖɛ se ɖɩsɔɔlɩ weyi ɛ-wɛtʋ wɛ ndɩ nɛ ɖa-ñɩndʋ yɔ. Ɛbɛ pɩzɩɣ nɛ pɩsɩnɩ-ɖʋ? Ɩkalɩ Tʋma Labʋ 10:34, 35; nɛ pʋwayɩ lɛ ɩtazɩ tɔm tʋnɛ tɩ-taa:
Yehowa haɣ ɛyaa mba pɛwɛnɩ wɛtʋ ndɩ ndɩ yɔ waɖɛ se pɛkɛ ɛ-Aseɣɖe Tɩnaa. Ye mbʋ, pɩpɔzʋʋ se pɩwɛɛnɩ ɖoŋ lɩmaɣza wena ŋwɛnɩ ɛyaa mba pɔ-sɔnzɩ wɛ ndɩ nɛ ña-ñɩnzɩ yɔ pɔ-yɔɔ. Ðoŋ weyi?
Lɩmaɣza kɩdɛkɛda wena ɛyaa wɛnɩ lalaa yɔɔ ɖoŋ ɖoŋ ñe-egeetiye taa nɛ ŋsɔɔlɩ se ŋlɔ-yɛ?
Ɩkalɩ 2 Kɔrɛntɩ mba 6:11-13, nɛ pʋwayɩ lɛ ɩtazɩ tɔm tʋnɛ tɩ-taa:
Ŋmaɣzɩɣ se ɛbɛ ŋpɩzɩɣ ŋla nɛ ŋñɔtɩnɩ koobiya mba pɛ-wɛtʋ wɛ ndɩ nɛ ña-ñɩndʋ yɔ?
5. Kɛ weyi ekpeɣu faaa nɛ ɛlakɩ laŋhɛzɩyɛ yɔ
Wiɖiyi Yehowa ɛɛkaɣ labʋ nabʋyʋ nɛ pɩpɔzɩ se ɖikpeɣ-i, paa mbʋ yɔ ekpeɣu-ɖʋ faaa. Ɩkalɩ Keɣa 86:5, nɛ pʋwayɩ lɛ ɩtazɩ tɔm tʋnɛ tɩ-taa:
Ɛbɛ Yehowa kpaɣʋ nɛ kpeɣu kpɛlɩkɩɣ-ɖʋ?
Ɛbɛ yɔɔ ña-taa wɛ leleŋ se Yehowa kpeɣu faaa?
Wɛtʋ ndʋ taa pɩpɩzɩɣ nɛ pɩwɛɛ-ɖʋ kaɖɛ se ɖa nɛ lalaa ɖɩnɩɩnɩ ɖama?
Ɛzɩma ɖɩpɩzɩɣ nɛ ɖɩmaɣzɩnɩ Yehowa nɛ nɔɔ kʋɖʋmaɣ wɛɛ ɖa nɛ ɖo-koobiya halaa nɛ abalaa ɖɛ-hɛkʋ taa? Ɩkalɩ Aduwa 19:11, nɛ pʋwayɩ lɛ ɩtazɩ tɔm tʋnɛ tɩ-taa:
Ye nɔɔyʋ ɛɖʋ-ŋ ɖɩwɩzɩyɛ yɔ, ɛbɛ ŋpɩzɩɣ ŋla nɛ ŋñɔɔzɩ tɔm?
Nabʋyʋ taa ɖɩɖʋʋ lalaa ɖɩwɩzɩyɛ. Ɛbɛ ɖɩpɩzɩɣ nɛ ɖɩla wɛtʋ ndʋ tɩ-taa? Ɩcɔnɩ VIDEO, nɛ pʋwayɩ lɛ ɩtazɩ tɔm tʋnɛ tɩ-taa.
Video taa, ɛbɛ koobu halɩñɩnʋ laba se ɛla laŋhɛzɩyɛ?
6. Ñɩnɩ ño-koobiya halaa nɛ abalaa wɛtʋ kɩbandʋ
Alɩwaatʋ ndʋ ɖɩñɔtʋʋnɩ ɖo-koobiya halaa nɛ abalaa kpam yɔ, ɖɩnaɣ pɛ-wɛtʋ kɩbandʋ nɛ pɛ-ɛjandʋ. Ɛbɛ pɩwɛɛ se ɖɩla nɛ ɖɩka ɖa-lɩmaɣza pɛ-wɛtʋ kɩbandʋ yɔɔ? Ɩcɔnɩ VIDEO, nɛ pʋwayɩ lɛ ɩtazɩ tɔm tʋnɛ tɩ-taa.
Ɛbɛ pɩzɩɣ pɩsɩnɩ-ŋ nɛ ŋna ño-koobiya halaa nɛ abalaa wɛtʋ kɩbandʋ?
Yehowa kaŋ ɛ-lɩmaɣza ɖɛ-wɛtʋ kɩbandʋ yɔɔ. Ɩkalɩ 2 Kroniiki 16:9a, nɛ pʋwayɩ lɛ ɩtazɩ tɔm tʋnɛ tɩ-taa:
Ŋtɩlʋʋ se Yehowa kaŋ ɛ-lɩmaɣza ñɛ-wɛtʋ kɩbandʋ yɔɔ yɔ, ɛzɩma pɩlakɩ-ŋ?
Ñɩɣlɩm pɩyɛ nɖɩ payaɣ se diyaamaa yɔ, ɖɩwɛnɩ ɛjandʋ; paa mbʋ yɔ ɖɩmʋ ñɩm pɩdɩɩfɛyɩ. Mbʋ ɖɔɖɔ ɖo-koobiya halaa nɛ abalaa tɩtalɩ pilim, ɛlɛ pa-tɩŋa payɩ pamʋ ñɩm Yehowa ɛsɩndaa.
NABƐYƐ YƆƆDƲƲ SE: «Pʋcɔ nɛ mankpaɣ nɛ menkpeɣ nɔɔyʋ lɛ, pɩpɔzʋʋ se ɛwɩlɩ se ɛmʋnaa se mankpaɣ nɛ menkpeɣ-i.»
Ɛbɛ yɔɔ pɩpɔzʋʋ se ɖɩkpakɩɣ nɛ ɖikpeɣu lalaa faaa?
TOBI LƐ
Ye ɖikpeɣu faaa nɛ ɖɩwɩlɩɣ ɖɔɖɔ sɔɔlɩm ɖo-koobiya halaa nɛ abalaa yɔ, pʋbʋ lɛ ɖɩpɩzɩɣ nɛ ɖɩɖʋ nesi nɛ laŋhɛzɩyɛ wɛɛ ɛgbɛyɛ taa.
Tɔm taa tazʋʋ
Ye ŋwɛnɩ lɩmaɣza kɩdɛkɛda lalaa yɔɔ yɔ, ɛbɛ ŋpɩzɩɣ ŋla nɛ ŋlɔ-yɛ?
Ye ɖama kɩɩnɩnʋʋ ɛkɔm ña nɛ koobu Krɩstʋ tʋ nɔɔyʋ mɩ-hɛkʋ taa yɔ, ɛbɛ pɩwɛɛ se ŋla?
Ɛbɛ yɔɔ ŋsɔɔlaa se ŋmaɣzɩnɩ Yehowa kpaɣʋ nɛ kpeɣu hɔɔlʋʋ taa?
WONDU LƐƐTƲ
Cɔnɩ video nɛ ŋna ɛzɩma Yesu kɩɖaʋ nakʋyʋ sɩɣnɩ-ɖʋ se ɖɩtaahʋʋnɩ lalaa tɔm yɔ.
Ye pɩlakɩ-ŋ ɛzɩ ŋtɩla kɩdɛkɛdɩm nabʋyʋ yɔ, ŋmaɣzɩɣ se pɩpɔzʋʋ se ŋpɔzɩ kpaɣʋ nɛ kpeɣu na?
«Les excuses contribuent à la paix» (La Tour de Garde, 1er novembre 2002)
Cɔnɩ video nɛ ŋna ɛzɩma nabɛyɛ kpɛlɩkɩ ɛzɩma pataaɖʋ tʋkaɣ ɛyaa taa yɔ.
Ɩtaatɩŋnɩ mbʋ pɩnaɣ ɛsa yɔɔ yem yɔ pɩ-yɔɔ nɛ ɩhʋʋ tɔm (5:06)
Kalɩ nɛ ŋna nʋmɔŋ weyi ɩ-yɔɔ ŋpɩzɩɣ nɛ ŋtɩŋna nɛ ŋñɔɔzɩ tɔm lɔŋ nɛ pɩtaawɛɛkɩ laŋhɛzɩyɛ nɖɩ ɖɩwɛ ɛgbɛyɛ taa yɔ.
«Ye tɔm ɛkɔm ɖɛ-hɛkʋ taa yɔ, ɖɩcɔnɩ ti-ɖeɖe nɛ sɔɔlɩm» (Feŋuu Tilimiye, mai 2016)
a Kalɩ tɩnaɣ yɔɔ tɔm 6 nɛ ŋna ɛzɩma sɔɔlɩm seɣtiɣ Krɩstʋ mba nɛ pañakɩ pana se pataaɖɛzɩ kʋdɔŋ nakʋyʋ lalaa yɔ.
b Tɩnaɣ yɔɔ tɔm 7 wɩlɩɣ ɛzɩma pɩwɛɛ se pɔñɔɔzɩ tɔm tadɩyɛ labʋ nʋmɔʋ taa nɛ mbʋ pɩwɛɛ se pala ye pɩpɔzʋʋ se powolo tɔm ɖɩhʋyɛ yɔ.