• Ɛzɩma ɖɩpɩzɩɣ nɛ ɖɩkpaɣ lɩmaɣza kɩbana?
    Nɩɩ wezuu leleŋ tam!—Bibl kpɛlɩkʋʋ ɖʋtʋ ndʋ tɩwazɩɣ-ŋ yɔ

    • 5. Ña lalaa ɛhʋyɛ

      Ɛyaa pɩzɩɣ nɛ pakpaɣ lɩmaɣza ndɩ ndɩ hɔɔlʋʋ nakʋyʋ taa. Ɛzɩma ɖɩpɩzɩɣ nɛ ɖɩwɩlɩ se ɖɩñaŋ lalaa ɛhʋyɛ? Iyele nɛ ɖɩyɔɔdɩ kɩɖaŋ naalɛ tɔm:

      Kɩɖaʋ 1: Koobu halɩñɩnʋ nɔɔyʋ sɔɔlɩ pantalaʋ tɔɔlʋʋ alɩwaatʋ ndʋ ɛlakɩ e-evemiye taa tʋma yaa alɩwaatʋ ndʋ ɛ nɛ ɛ-taabalaa pacakɩ yɔ. Ŋgʋ koobiya halɩñɩma mba pɛwɛ ɛ-ɛgbɛyɛ kɩfaɖɛ taa yɔ, paba ñanaɣ halʋ tɔɔlɩ pantalaʋ lɛ pɩcɛyɩɣ-wɛ.

      Ɩkalɩ Roma mba 15:1 nɛ 1 Kɔrɛntɩ mba 10:23, 24; nɛ pʋwayɩ lɛ ɩtazɩ tɔm tʋnɛ tɩ-taa:

      • Lɩmaɣzɩyɛ nɖɩ koobu halɩñɩnʋ ɛnʋ ɛpɩzɩɣ nɛ ɛtɩŋnɩ masɩ sɩnɛ sɩ-yɔɔ nɛ ɛkpaɣ? Ye ŋwɛ weyi ɛ-ɛhʋyɛ ɛɛhaɣ-ɩ nʋmɔʋ se ɛla mbʋ ñɛ-ɛhʋyɛ ñahaɣ-ŋ nʋmɔʋ se ŋla yɔ ɛ-cɔlɔ yɔ, ɛbɛ ŋkaɣ labʋ?

      Kɩɖaʋ 2: Koobu abalɩñɩnʋ nɔɔyʋ nawa se Bibl ha nʋmɔʋ se pɔñɔɔ sʋlʋm nɛ pɩmaɣna. Ɛlɛ ɛkpaɣ lɩmaɣzɩyɛ se ɛɛtɩɩñɔʋ sʋlʋm paa ññɩɩ. Paya-ɩ nɛ ewolo helim mʋʋ nabʋyʋ taa lɛ, ɛnaɣ koobiya lalaa wɛɛ nɛ pɔñɔʋ sʋlʋm.

      Ɩkalɩ Eklezɩyasɩtɩ 7:16 nɛ Roma mba 14:1, 10; nɛ pʋwayɩ lɛ ɩtazɩ tɔm tʋnɛ tɩ-taa:

      • Lɩmaɣzɩyɛ nɖɩ koobu abalɩñɩnʋ ɛnʋ ɛpɩzɩɣ nɛ ɛtɩŋnɩ masɩ sɩnɛ sɩ-yɔɔ nɛ ɛkpaɣ? Ye ŋna nɔɔyʋ wɛɛ nɛ ɛlakɩ nabʋyʋ, ŋgʋ ñɛ-ɛhʋyɛ ɛɛhaɣ-ŋ nʋmɔʋ se ŋlabɩ-pʋ yɔ, ɛbɛ ŋkaɣ labʋ?

      Pɩsa nɛ ŋkpaɣ lɩmaɣzɩyɛ kɩbanɖɛ lɛ . . .

      Halʋ nɔɔyʋ wɛɛ nɛ ɛtɩmɩɣ.

      1. Pɔzɩ Yehowa se ɛsɩnɩ-ŋ.—Yakubu 1:5.

      Halʋ kʋɖʋm ɛnʋ ɛwɛɛ nɛ ɛñɩnɩɣ tɔm Bibl, Bibl takayɩsɩ nɛ ordinatɛɛrɩ yɔɔ.

      2. Ñɩnɩ tɔm Bibl nɛ Bibl kpɛlɩkʋʋ takayɩsɩ taa se pɩsa nɛ ŋtɩlɩ Bibl paɣtʋ kila wena apɩzɩɣ nɛ asɩnɩ-ŋ yɔ. Ŋpɩzɩɣ ɖɔɖɔ nɛ ŋpɔzɩ tɔm Krɩstʋ ñɩma mba papɩ fezuu taa yɔ.

      Halʋ kʋɖʋm ɛnʋ ɛwɛɛ nɛ ɛmaɣzɩɣ.

      3. Maɣzɩ ɖoŋ weyi lɩmaɣzɩyɛ nɖɩ ŋkpakɩɣ yɔ ɖɩkaɣ wɛnʋʋ ñɛ-ɛhʋyɛ nɛ lalaa ɛhʋyɛ yɔɔ yɔ ɩ-yɔɔ.