-
Kpɛlɩkɩ lɔŋ Danɩyɛɛlɩ kɩɖaʋ taaFeŋuu Tilimiye (Kpɛlɩkʋʋ)—2023 | août
-
-
6. Pɩtɩla ɛbɛ kaasɩnɩ Danɩyɛɛlɩ nɛ ɛwɛɛ abalɩtʋ?
6 Pɩtɩla ɛbɛ kaasɩnɩ Danɩyɛɛlɩ nɛ ɛwɛɛ abalɩtʋ e-wezuu caɣʋ kpeekpe taa? Pɩtʋʋ fɛyɩ se alɩwaatʋ ndʋ Danɩyɛɛlɩ kaakɛ pɩɣa yɔ, e-ɖoo nɛ ɛ-caa paaha-ɩ kɩɖaʋ kɩbaŋʋ. Paañam paɣtʋ ndʋ Yehowa kaaɖʋ Izrayɛɛlɩ lʋlɩyaa se pawɩlɩ Ɛsɔ Paɣtʋ pe-piya yɔ. (Wp. 6:6-9) Danɩyɛɛlɩ kaasɩm Paɣtʋ Hiu, ɛlɛ ɛɛsɩm ɖɔɖɔ paɣtʋ lɛɛtʋ sakɩyɛ; tɩ-taa natʋyʋ lɛ ndʋ titukuuni mbʋ pɩɩwɛɛ se Izrayɛɛlɩ piya ɩtɔɔ nɛ mbʋ pɩfɛyɩ se sɩtɔɔ yɔ.b (Lev. 11:4-8; Dan. 1:8, 11-13) Danɩyɛɛlɩ kaakpɛlɩkɩ ɖɔɖɔ Ɛsɔ samaɣ yɔɔ tɔm nɛ ɛsɩm mbʋ pɩtalɩ-kɛ alɩwaatʋ ndʋ katɩɖɔ Ɛsɔ paɣtʋ yɔɔ yɔ. (Dan. 9:10, 11) Mbʋ pɩtalɩ Danɩyɛɛlɩ e-wezuu caɣʋ taa yɔ piyeba nɛ ɛ-taa tɛ se Yehowa nɛ e-tiyiyaa ɖoŋ tɩnaa paawɛɛ nɛ pasɩɣnɩ-ɩ.—Dan. 2:19-24; 10:12, 18, 19.
-
-
Kpɛlɩkɩ lɔŋ Danɩyɛɛlɩ kɩɖaʋ taaFeŋuu Tilimiye (Kpɛlɩkʋʋ)—2023 | août
-
-
b Pɩtɩla lɩmaɣza 3 yɔɔ Danɩyɛɛlɩ kizaa se ɛɛtɔkɩ Babilɔɔnɩ mba tɔɔnaɣ: (1) Pɩtɩla kpɩna wena paakʋwa nɛ palabɩnɩ tɔɔnaɣ yɔ aakɛ kpɩna wena Paɣtʋ taahaɣ nʋmɔʋ se pɔtɔɔ yɔ. (Wp. 14:7, 8) (2) Pɩtɩla pataakʋ kpɩna ana camɩyɛ. (Lev. 17:10-12) (3) Ye ɛtɔɔ tɔɔnaɣ ŋga yɔ, pɩpɩzaɣ se piyele nɛ ɛɖʋ nesi cɛtɩm Ɛsɔ sɛtʋ.—Kpaɣ-tʋ nɛ ŋmaɣzɩnɩ Levitiki 7:15 nɛ 1 Kɔrɛntɩ mba 10:18, 21, 22.
-