• Ŋkaɣ yebu nɛ nabʋyʋ ɖɩɣ-ŋ nʋmɔʋ se ŋtaatɩŋ Yesu wayɩ?
    Feŋuu Tilimiye (Kpɛlɩkʋʋ)—2021 | mai

    • (3) YESU TAALAKƖ YUUDA MBA SƆNZƖ SAKƖYƐ

      Ɛyaa sakɩyɛ lɔ Yesu mbʋ pʋyɔɔ yɔ ekizaa se ɛɛlakɩ pɔ-sɔnzɩ. Ɛzɩma lɩmaɣza ana apɩzɩɣ nɛ ayele nɛ pituuli ɛyaa sɔnɔ ɖɔɖɔ? (Cɔnɩ tayʋʋ 13)d

      13. Ɛbɛ yeba nɛ ɛyaa sakɩyɛ lɔ Yesu?

      13 Yesu alɩwaatʋ taa, pɩɩɖɩɣzɩ Yohanɛɛsɩ Lɩm Mɩyɩsɩyʋ tɔmkpɛlɩkɩyaa mbʋ pʋyɔɔ yɔ, Yesu tɔmkpɛlɩkɩyaa taahɔkʋʋ nɔɔ. Yesu lɩzɩ pɩ-taa se pɩfɛyɩ se pɔhɔkɩ nɔɔ alɩwaatʋ ndʋ ɛnʋ wɛ wezuu yɔ. (Mat. 9:14-17) Paa mbʋ yɔ, Farɩsɩ mba nɛ ɛyaa lalaa mba pakaɖaɣnɩ Yesu yɔ, pakʋ ɛ-tɔm mbʋ pʋyɔɔ yɔ ɛtaalakɩ pɔ-sɔnzɩ. Pɩwɩzɩ-wɛ alɩwaatʋ ndʋ ɛwa kʋdɔndɩnaa Sabaatɩ wiye yɔ. (Mark. 3:1-6; Yoh. 9:16) Pɔyɔɔdaɣnɩ taa leleŋ se pañaŋ Sabaatɩ paɣtʋ; ɛlɛ alɩwaatʋ kʋɖʋmtʋ ndʋ tɩ-taa lɛ, palakɩ tadɩyɛ templo taa. Pa-taa wɩwa alɩwaatʋ ndʋ Yesu kʋ pɔ-tɔm lakasɩ nzɩ sɩ-yɔɔ yɔ. (Mat. 21:12, 13, 15) Kɩyakʋ nakʋyʋ Yesu kaawɩlɩ ɛyaa nabɛyɛ tɔm Nazarɛɛtɩ sinaagɔɔgɩ taa nɛ pa-taa wɩɩ siŋŋ. Pa-taa wɩwa mbʋ pʋyɔɔ yɔ Yesu tɩŋnɩ mbʋ pɩɩlabɩ Izrayɛɛlɩ mba wezuu caɣʋ taa yɔ pɩ-taa kɩɖaŋ nɩɩyɩ yɔɔ nɛ ɛwɩlɩ-wɛ se pɛwɛnɩ piɖeni men-ɖeke lɩmaɣza nɛ pɛfɛyɩnɩ tisuu. (Luka 4:16, 25-30) Ɛyaa sakɩyɛ lɔ Yesu mbʋ pʋyɔɔ yɔ, ɛtɩla mbʋ pamaɣzaɣ se ɛlakɩ yɔ.—Mat. 11:16-19.

      14. Ɛbɛ yɔɔ Yesu kizaa se ɛɛlakɩ sɔnzɩ nzɩ sɩɩlakɩ nɔɔ kʋɖʋmaɣ nɛ Masɩ yɔ?

      14 Suwe Masɩ yɔɔdʋʋ? Yehowa tɩŋnɩ ɛ-nayʋ Izaayii yɔɔ nɛ ɛyɔɔdɩ se: “Ɛyaa samaɣ ŋga yɔ kɔñɔtʋʋnɩ-m nɛ kɔ-nɔɔ nɛ kɛɖɛyɩɣ-m nɛ ko-ndomee yem, ɛlɛ ka-laŋɩyɛ posini-m nɛ peseɣ-m sɔɔndʋ ndʋ yɔ tɩwɛ ɛzɩ ɛyaa paɣtʋ yem yɔ.” (Iza. 29:13) Yesu kaawɛnɩ toovenim se ekizi se ɛɛlakɩ sɔnzɩ nzɩ Bibl wɩlɩɣ se sɩfɛyɩ ɖeu yɔ. Ɛyaa mba pamaɣzaɣ se paɣtʋ nɛ sɔnzɩ nzɩ ɛyaa ɖʋwa yɔ sɩ-tɔm cɛyaa nɛ pɩkpaɖɩ Bibl yɔ, pɔlɔ Yehowa nɛ Mesiya weyi etiyaa yɔ.

  • Ŋkaɣ yebu nɛ nabʋyʋ ɖɩɣ-ŋ nʋmɔʋ se ŋtaatɩŋ Yesu wayɩ?
    Feŋuu Tilimiye (Kpɛlɩkʋʋ)—2021 | mai

    • (4) YESU TƖLƐƔZƖ KOMINA

      Ɛyaa sakɩyɛ lɔ Yesu mbʋ pʋyɔɔ yɔ ɛtaasɔɔlɩ se ɛɖʋ ɛ-nɔɔ politiki tɔm taa. Ɛzɩma lɩmaɣza ana apɩzɩɣ nɛ ayele nɛ pituuli ɛyaa sɔnɔ ɖɔɖɔ? (Cɔnɩ tayʋʋ 17)e

      17. Yesu alɩwaatʋ taa, ɛbɛ ɛyaa sakɩyɛ kaaɖaŋaa se Mesiya ɛla?

      17 Yesu alɩwaatʋ taa ñɩma nabɛyɛ kaasɔɔlaa se lɛɣzɩtʋ ɛkɔɔ politiki hɔɔlʋʋ taa kpaagbaa. Paaɖaŋaa se Mesiya eholi-wɛ Roma mba kewiyaɣ nesi tɛɛ. Ɛlɛ alɩwaatʋ ndʋ paañaɣ pana se pasɩɩ Yesu pe-wiyaʋ yɔ, ɛlɛ kizaa. (Yoh. 6:14, 15) Sɔɔndʋ kpaɣaɣ cɔjɔnaa nɛ ɛyaa lalaa se Yesu ɛtaakɔnɩ lɛɣzɩtʋ komina taa; mbʋ pʋyɔɔ yɔ pamaɣzaɣ se ye ɛlabɩ mbʋ yɔ, Roma mba taa kaɣ wɩʋ nɛ pamʋ ɖoŋ weyi paaha cɔjɔnaa yɔ. Politiki tɔm ndʋ, tiyeba nɛ Yuuda mba sakɩyɛ lɔ Yesu.

      18. Bibl taa natʋ ndʋ tɩyɔɔdʋʋ Mesiya tɔm yɔ, tɩ-taa ndʋ ɛyaa sakɩyɛ taalakɩnɩ tʋmɩyɛ?

      18 Suwe Masɩ yɔɔdʋʋ? Paa natʋ sakɩyɛ kaayɔɔdaa se Mesiya kaɣ kɛʋ You Laɖʋ weyi ɛwakɩ yɔ, natʋ lɛɛtʋ wɩlaa se kajalaɣ taa lɛ, pɩwɛɛ se ɛsɩ ɖa-kɩwɛɛkɩm yɔɔ. (Iza. 53:9, 12) Ye mbʋ, ɛbɛ yɔɔ Yuuda mba kaawɛnɩ lɩmaɣza kɩdɛkɛda Mesiya yɔɔ? Yesu alɩwaatʋ taa, ɛyaa sakɩyɛ taalakɩnɩ tʋmɩyɛ natʋ ndʋ payɩ tɩtaalakɩ tamaɣ se pa-kala kaɣ sɩʋ tɩnaɣ kpaagbaa yɔ.—Yoh. 6:26, 27.