2. Wala wena Yehowa haɣ ɛ-Aseɣɖe Tɩnaa mba pamɩyɩsɩ-wɛ lɩm yɔ?

Alɩwaatʋ ndʋ pamɩyɩsɩɣ-ŋ lɩm yɔ, ŋsʋʋ Yehowa hɔʋ ŋgʋ kɩwɛ koboyaɣ taa yɔ kɩ-taa. Pɩhaɣ-ŋ waɖɛ nɛ ŋna ɛzɩma ɛwɩlɩɣ-ŋ sɔɔlɩm hɔɔlɩŋ ndɩ ndɩ taa yɔ. Piyeki nɛ ŋñɔtɩnɩ-ɩ nɛ pɩkɩlɩ. (Kalɩ Malakii 3:16-18.) Pɩtasɩna se Yehowa pɩsɩɣ ña-Caa lɛ, ŋkaɣ wɛnʋʋ ɖɔɖɔ koobiya halaa nɛ abalaa mba pɔsɔɔlɩ-ɩ nɛ pɔsɔɔlɩ-ŋ ɖɔɖɔ yɔ ɛjaɖɛ kpeekpe yɔɔ. (Kalɩ Maarɩkɩ 10:29, 30.) Ɛlɛ pɩpɔzʋʋ se ŋkpɛzɩ nɩŋgbanzɩ nasɩyɩ pʋcɔ nɛ pamɩyɩsɩ-ŋ lɩm. Pɩpɔzʋʋ se ŋkpɛlɩkɩ nɛ ŋtɩlɩ Yehowa, ŋsɔɔlɩ-ɩ nɛ ŋwɛɛnɩ tisuu ɛ-Pɩyalʋ yɔɔ. Kɛdɛzaɣ ɖeɖe lɛ, pɩpɔzʋʋ se ŋha ña-tɩ Yehowa. Ye ŋkpɛzɩ nɩŋgbanzɩ nzɩ nɛ pamɩyɩsɩ-ŋ lɩm yɔ, pɩwɩlɩɣ se ŋpaɣzɩ ɖɔm nʋmɔʋ ŋgʋ kɩkaɣ yebu nɛ ŋnɩɩ wezuu leleŋ tam yɔ kɩ-taa. Ðɩkalɩɣ Ɛsɔtɔm taa se: «Lɩm mɩyɩsʋʋ mbʋ . . . pɩyakɩ mɩ-ñʋʋ ɖɔɖɔ lɛɛlɛɛyɔ.»—1 Pɩyɛɛrɩ 3:21.

Yesu yɔɔdaa se lɩmaɣzɩyɛ nɖɩ ɖɩkpakɩɣ se ɖɩsɛɣ Yehowa yɔ, pɩtɩla ɖɩɩkɛdɩɣnɩ ɖɔ-hɔʋ taa mba. Ɩkalɩ Maatiyee 10:34-36, nɛ pʋwayɩ lɛ ɩtazɩ tɔm tʋnɛ tɩ-taa:

• Ye nɔɔyʋ ɛkpaɣ lɩmaɣzɩyɛ se ɛsɛɣ Yehowa yɔ, ɛbɛ ɛ-hɔʋ taa mba pɩzɩɣ nɛ pala?

VIDEO: Yehowa mʋ-ɖʋ (5:13)

• Ye ñɔ-hɔʋ taa tʋ nɔɔyʋ yaa ña-taabalʋ nɔɔyʋ ɛñɩnɩɣ se ɛɖɩɣ-ŋ nʋmɔʋ nɛ ŋtaasɛɛ Yehowa yɔ, ɛbɛ ŋkaɣ labʋ?

Ɩkalɩ Keɣa 27:10 nɛ Maarɩkɩ 10:29, 30. Ɩkalɩɣ paa mayaɣ ŋga nɛ pɩtɛ lɛ, ɩtazɩ tɔm tʋnɛ tɩ-taa:

• Ye ñɔ-hɔʋ taa tʋ nɔɔyʋ yaa ña-taabalʋ nɔɔyʋ ɛnazɩɣ-ŋ yɔ, ɛzɩma tɔm tʋnɛ tɩpɩzɩɣ tɩsɩnɩ-ŋ nɛ ŋɖɔkɩ ña-tɩ?