Tɔzɩ Lɔɔtɩ halʋ yɔɔ

Lɔɔtɩ halʋ seɣaɣ Sodom tɛtʋ taa lɛ, ɛbɛ yɔɔ ekisini ɛ-wayɩ? Bibl ticosi tɔm ndʋ tɩ-yɔɔ. (Kiɖe 19:17, 26) Yesu pakaɣ ɛyaa lɛ, tɔm ndʋ ɛyɔɔdaa yɔ, tɩwɩlɩɣ se pɩtɩla yɔ, wondu ndʋ eeyebini wayɩ yɔ, tɩ-yɔɔ ekisaa. (Luka 17:31, 32) Ɛbɛ pɩzɩɣ nɛ pɩsɩnɩ-ɖʋ nɛ ɖɩcɛyɩsɩ ɖa nɛ Ɛsɔ ɖa-taabalɩyɛ nɛ mbʋ pɩtalɩ Lɔɔtɩ halʋ yɔ pɩtaatalɩ-ɖʋ? Pɩfɛyɩ se ɖiyele nɛ tomnaɣ yɔɔ wondu ñɩnʋʋ mʋ kajalaɣ lone ɖe-wezuu caɣʋ taa. (Mat 6:33) Yesu heyi-ɖʋ se ‘ɖɩɩpɩzɩɣ ɖɩla Ɛsɔ nɛ liidiye pa-tʋmɩyɛ.’ (Mat 6:24) Ye mbʋ, ye ɖɩkɔm nɛ ɖɩna se tomnaɣ yɔɔ wondu ɖiɣni mʋʋ fezuu taa wondu lone ɖe-wezuu caɣʋ taa yɔ, ɛbɛ pɩwɛɛ se ɖɩla? Ðɩpɩzɩɣ nɛ ɖɩtɩmnɩ Yehowa se ɛha-ɖʋ lɛɣtʋ nɛ ɖɩna hɔɔlɩŋ weyi ɩ-taa pɩpɔzʋʋ se ɖɩla lɛɣzɩtʋ yɔ; nɛ ɛha-ɖʋ ɖɔɖɔ abalɩtʋ nɛ ɖoŋ nɛ ɖɩpɩzɩ ɖɩla lɛɣzɩtʋ ndʋ.

TƆZƖ LƆƆTƖ HALƲ YƆƆ VIDEOWAA: TƆZƖ PA-TAA TƆM YƆƆ YAA YE ŊSƆƆLAA YƆ, ŊPƖZƖƔ NƐ ŊCƆNƖ-WƐ NƐ PƲWAYƖ LƐ, ŊCOSI TƆM TƲNƐ TƖ-YƆƆ:

• 

  Ɛzɩma pañɩkaɣ Naka yɔɔ se ɛñɩnɩ liidiye nɛ pɩkɩlɩ yɔ, ɛzɩma pɩkɔm nɛ pɩwɛɛnɩ ɖoŋ ɛ-maɣzɩm, ɛ-yɔɔdaɣ, nɛ ɛ-lakasɩ pɔ-yɔɔ?

• Ɛzɩma Lɔɔtɩ halʋ tɔm tʋnɛ, tɩpɩzɩɣ nɛ tɩsɩnɩ-ɖʋ sɔnɔ?

• Ɛzɩma Bibl paɣtʋ kila yɔɔ ɖɔm sɩnɩ Tɔyɩ nɛ ɛ-hɔʋ?

• Mba pa nɛ Anna palakaɣ tʋmɩyɛ yɔ, ɖoŋ weyi paawɛnɩ ɛ-yɔɔ fezuu taa?

• Ye nɔɔyʋ ɛñɩkɩɣ ɖɔ-yɔɔ se ɖɩcalɩnɩ liidiye ñɩnʋʋ ɖe-wezuu caɣʋ taa yɔ, ɛbɛ yɔɔ pɩpɔzʋʋ-ɖʋ abalɩtʋ?

• Ɛbɛ sɩnɩ Awii nɛ Naka nɛ paɖaɣnɩ paɣzʋʋ fezuu taa tʋma sɩʋ kajalaɣ lone taa?

• Bibl paɣtʋ kila wena palabɩnɩ tʋmɩyɛ video kʋnɛ kɩ-taa?