1. Anɩ Yesu kɛnaa?

Yesu kɛ fezuu ŋgʋ kɩwɛ ɖoŋ siŋŋ nɛ kɩwɛ ɛsɔdaa yɔ. Ɛnʋ Yehowa calɩ lɩzʋʋ pʋcɔ nɛ ɛlɩzɩɣ wondu lɛɛtʋ. Pʋyɔɔ payaɣ-ɩ se «wondu kɩlɩzɩtʋ tɩŋa taa kajalaɣ pɩɣa.» (Koloosi mba 1:15) E-ɖeke Yehowa lɩzaa nɛ nɔɔyʋ tɩsɩnɩ-ɩ, pʋyɔɔ Bibl yaɣ-ɩ se «ɛ-Pɩyalʋ ɛgbamɩyɛ.» (Yohanɛɛsɩ 3:16) Yesu sɩnɩ ɛ-Caa Yehowa nɛ palɩzɩ wondu lɛɛtʋ. (Kalɩ Aduwa 8:30.) Ewobi pɩ-yɔɔ nɛ ɛñɔɔnɩ Yehowa kpam nɛ taabalɩyɛ kɩbanɖɛ wɛɛ pɛ-hɛkʋ taa. Payaɣ-ɩ se «Tɔm» mbʋ pʋyɔɔ yɔ ɛnʋ kɛnɩ Yehowa tɔm ɖɔkɩyʋ kɩbanʋ nɛ ɛɖɛzɩɣ lalaa Ɛsɔtɔm nɛ Ɛsɔ lɔŋ tasʋʋ.—Yohanɛɛsɩ 1:14.

Ðɩlakɩ kɩwɛɛkɩm, ɖɩlakɩ kʋñɔŋ nɛ ɖɩsɩkɩ mbʋ pʋyɔɔ yɔ kajalaɣ ɛyaa Aɖam nɛ Ɛva pataaña Yehowa.a Ɛlɛ ɖɩwɛnɩ lidaʋ. Yehowa ɖʋwa se ɛtɩŋɩɣnɩ ɛ-Pɩyalʋ Yesu Krɩstʋ yɔɔ nɛ ɛlɩzɩ-ɖʋ kɩdɛkɛdɩm nɛ sɩm pe-nesi taa. Bibl wɩlɩɣ se Yesu tɩŋnɩ ɛ-sɩm yɔɔ nɛ ɛhɛyɩ kɩhɛyʋʋ ɖa-ñʋʋ taa. Kɩhɛyʋʋ pʋ-ñʋʋ taa kɛnɩnɩ kɩhɛyʋʋ ŋgʋ kɩ-yɔɔ patɩŋɩɣna se paya nɔɔyʋ ñʋʋ yɔ. Yesu wezuu talɩ pilim nɛ ŋgʋ ɛkpaɣ nɛ ɛhɛyɩ. (Kalɩ Maatiyee 20:28.) Yesu kaawɛnɩ waɖɛ se ɛcaɣ wezuu maatɛŋ, ɛlɛ etisi faaa nɛ ɛsɩ se ɛha-ɖʋ waɖɛ nɛ ɖɩɖaɣnɩ hiɣu mbʋ payɩ Aɖam nɛ Ɛva paalesaa yɔ. Ɛtɩŋnɩ pɩ-yɔɔ nɛ ɛwɩlɩ-ɖʋ se ɛ nɛ Yehowa pɔsɔɔlɩ-ɖʋ pɩdɩɩfɛyɩ. Tɔm kɩkpɛlɩkɩtʋ tʋnɛ tɩkaɣ-ɖʋ sɩnʋʋ nɛ ɖɩwɛɛnɩ ɛsɩmɩyɛ mbʋ Yesu labɩ-ɖʋ yɔ pɩ-yɔɔ nɛ pɩkɩlɩ.

1. Ɛzɩma Yesu sɩm wazɩɣ-ɖʋ sɔnɔ?

Ðɩkɛ kɩwɛɛkɩm laɖaa nɛ pʋyɔɔ lɛ ɖoŋ ɖoŋ lɛ, ɖɩlakɩ mbʋ pɩɩkɛdɩɣnɩ Yehowa yɔ. Ɛlɛ ye ɖikpiɖini ɖa-laŋɩyɛ pilim se Ɛsɔ ɛtɩŋnɩ Yesu Krɩstʋ yɔɔ nɛ ekpeɣ-ɖʋ nɛ ɖɩñakɩ pana ɖɔɖɔ se ɖɩtaatasɩ labʋ kɩwɛɛkɩm mbʋ yɔ, ɖɩpɩzɩɣ nɛ ɖiwolo pɩ-yɔɔ nɛ ɖɩkɛ ɛ-taabalaa. (1 Yohanɛɛsɩ 2:1) Bibl yɔɔdʋʋ se: «Krɩstʋ sɩbɩ kɩwɛɛkɩm yɔɔ tam kʋɖʋm nɛ pɩkpaɣ pɩɖɛɛ, ɛyʋ siɣsiɣ tʋ sɩbɩ ɛyaa mba pɛfɛyɩ siɣsiɣ yɔ pɔ-yɔɔ, se pɩsa nɛ eɖiyi-mɩ nɛ ewoni Ɛsɔ cɔlɔ.»—1 Pɩyɛɛrɩ 3:18.

2. Ɛzɩma Yesu sɩm kaɣ-ɖʋ wazʋʋ cee wayɩ?

Yehowa tiyi Yesu tɛtʋ yɔɔ se ɛkpaɣ e-wezuu ŋgʋ kɩtalɩ pilim yɔ nɛ ɛlaa «se pɩsa nɛ weyi ɛwɛɣnɩ tisuu [Yesu] yɔɔ yɔ, pataaɖɩzɩ-ɩ ɛlɛ ehiɣ wezuu maatɛŋ.» (Yohanɛɛsɩ 3:16) Pɩkazɩ pazɩ Yehowa kaɣ tɩŋnʋʋ Yesu kɩlaʋ yɔɔ nɛ ɛñɔɔzɩ mbʋ payɩ Aɖam kaañamtʋ wɛɛkaa yɔ. Pʋ-tɔbʋʋ lɛ se ye ɖɩwɛnɩ tisuu Yesu kɩlaʋ yɔɔ yɔ, ɖɩkaɣ wɛnʋʋ waɖɛ se ɖɩnɩɩ wezuu leleŋ tam Paradisuu taa tɛtʋ yɔɔ.—Izaayii 65:21-23.

TAZƖ NƐ PILIMI

3. Yesu sɩm lɩzɩɣ-ɖʋ kɩdɛkɛdɩm nɛ sɩm po-yomiye taa

VIDEO: Ɛbɛ yɔɔ Yesu sɩba?—Hɔɔlʋʋ 1 (2:01)

• Aɖam kaañamtʋ yɔɔ lɛ, waɖɛ nɖɩ elesaa?

Ɩkalɩ Roma mba 5:12, nɛ pʋwayɩ lɛ ɩtazɩ tɔm tʋnɛ tɩ-taa:

• Ðoŋ weyi Aɖam kɩdɛkɛdɩm wɛnɩ ñɔ-yɔɔ?

Ɩkalɩ Yohanɛɛsɩ 3:16, nɛ pʋwayɩ lɛ ɩtazɩ tɔm tʋnɛ tɩ-taa:

• Ɛbɛ yɔɔ Yehowa tiyi ɛ-Pɩyalʋ tɛtʋ yɔɔ?

1. Aɖam kaakɛ ɛyʋ weyi ɛtalɩ pilim yɔ, nɛ ɛ-kaañamtʋ yeba nɛ ɛyaa pɩsɩ kɩdɛkɛdɩm nɛ sɩm po-yomaa.

2. Yesu kaatalɩ pilim nɛ ɛ-ñamtʋ yɔɔ lɛ, ɛyaa kaɣ wɛnʋʋ waɖɛ se pacaɣ wezuu maatɛŋ nɛ palɩɩ kɩwɛɛkɩm nesi taa nɛ patalɩ pilim.

4. Yesu sɩm pɩzɩɣ nɛ pɩwazɩ ɛyaa kpeekpe

VIDEO: Ɛbɛ yɔɔ Yesu sɩba?—Hɔɔlʋʋ 2 (2:00)

• Ɛzɩma ɛyʋ kʋɖʋm sɩm pɩzɩɣ nɛ pɩwazɩ ɛyaa kpeekpe?

Ɩkalɩ 1 Timootee 2:5, 6; nɛ pʋwayɩ lɛ ɩtazɩ tɔm tʋnɛ tɩ-taa:

• Aɖam kaakɛ ɛyʋ weyi ɛtalɩ pilim yɔ, nɛ ɛ-kaañamtʋ yeba nɛ ɛyaa pɩsɩ kɩdɛkɛdɩm nɛ sɩm pi-yomaa. Yesu kaatalɩ pilim ɖɔɖɔ. Ɛzɩma tɩyɛ ɛhɛyɩ «kɩhɛyʋʋ pʋ-ñʋʋ taa ŋgʋ kɩmʋnaa yɔ?»

5. Kɩhɛyʋʋ pʋ-ñʋʋ taa kɛ kʋjɔʋ ŋgʋ Yehowa labɩ-ŋ yɔ

Paa Yehowa taabalʋ weyi lɛ, ɛmaɣzɩɣ se kɩhɛyʋʋ pʋ-ñʋʋ taa kɛ kʋjɔʋ ŋgʋ Yehowa labɩ-ɩ yɔ. Ɩkalɩ Galaatii mba 2:20 nɛ ɩna Pɔɔlɩ kɩɖaʋ; nɛ pʋwayɩ lɛ ɩtazɩ tɔm tʋnɛ tɩ-taa:

• Ɛzɩma Apostoloo Pɔɔlɩ wɩlaa se kɩhɛyʋʋ pʋ-ñʋʋ taa kɛ kʋjɔʋ ŋgʋ palabɩ ɛ-maɣmaɣ yɔ?

Alɩwaatʋ ndʋ Aɖam labɩ kɩwɛɛkɩm yɔ, ɛ nɛ ɛ-sayɩnaa kpeekpe papɩsɩ sɩm yomaa. Ɛlɛ Yehowa tiyi ɛ-Pɩyalʋ se ɛkɔɔ nɛ ɛsɩ nɛ pɩha-ŋ waɖɛ nɛ ŋnɩɩ wezuu leleŋ tam.

Ŋŋkalɩɣ Bibl hɔɔlɩŋ ɩnɛ lɛ, maɣzɩ nɛ ŋna ɛzɩma pɩɩlabɩ Yehowa alɩwaatʋ ndʋ ɛ-Pɩyalʋ lakaɣ kʋñɔŋ yɔ. Ɩkalɩ Yohanɛɛsɩ 19:1-7, 16-18; nɛ pʋwayɩ lɛ ɩtazɩ tɔm tʋnɛ tɩ-taa:

• Ŋmaɣzɩɣ mbʋ Yehowa nɛ Yesu palabɩ-ŋ yɔ pɩ-yɔɔ lɛ, ɛzɩma pɩlakɩ-ŋ?

TOBI LƐ

Yehowa tɩŋɩɣnɩ Yesu sɩm yɔɔ nɛ ekpeɣu-ɖʋ ɖa-kɩwɛɛkɩm nɛ pɩhaɣ-ɖʋ waɖɛ se ɖɩpɩzɩ nɛ ɖɩcaɣ wezuu tam.

Tɔm taa tazʋʋ

• Ɛbɛ yɔɔ Yesu sɩba?

• Ɛbɛ yɔɔ Bibl yɔɔdʋʋ se Yesu wezuu kɛ kɩhɛyʋʋ pʋ-ñʋʋ taa ŋgʋ kɩmʋnaa yɔ?

• Ɛzɩma Yesu sɩm pɩzɩɣ nɛ pɩwazɩ-ŋ?

WONDU LƐƐTƲ

Kalɩ nɛ ŋna mbʋ pʋyɔɔ payaɣ Yesu wezuu ŋgʋ kɩtalɩ pilim yɔ se kɩhɛyʋʋ pʋ-ñʋʋ taa yɔ.

«En quel sens le sacrifice de Jésus est-il “une rançon pour beaucoup”?» (Intɛrnɛɛtɩ yɔɔ tɔm ñʋʋ)

Kalɩ nɛ ŋna mbʋ pɩwɛɛ se ɖɩla nɛ ɖihiɣ ñʋʋ yabʋ yɔ.

«Jésus sauve: comment?» (Intɛrnɛɛtɩ yɔɔ tɔm ñʋʋ)

Yehowa pɩzɩɣ nɛ ekpeɣ pɩkpɛndɩnɩ kɩwɛɛkɩm sɔsɔm na?

«Questions bibliques» (La Tour de Garde, 1^er mai 2013)

Kalɩ nɛ ŋna ɛzɩma abalʋ nɔɔyʋ kpɛlɩkɩ Yesu Krɩstʋ kɩlaʋ tɔm nɛ pɩsɩnɩ-ɩ nɛ ɛlɛɣzɩ e-wezuu caɣʋ yɔ.

«Je ne suis plus esclave de la violence» (Intɛrnɛɛtɩ yɔɔ tɔm ñʋʋ)

1. Nʋmɔŋ weyi ɩ-yɔɔ ɖɩpɩzɩɣ ɖɩtɩŋna nɛ ɖɩwɩlɩ ɖɛ-ɛsɩmɩyɛ Ɛsɔ nɛ Krɩstʋ yɔ ɩ-taa nakʋyʋ lɛ ŋgʋ?

Bibl heyiɣ-ɖʋ se «weyi ɛwɛɣnɩ tisuu [Yesu] yɔɔ yɔ,» ɛpɩzɩɣ nɛ ɛcaɣ wezuu tam. (Yohanɛɛsɩ 3:16) Ɛzɩma ɖɩpɩzɩɣ nɛ ɖɩwɩlɩ se ɖɩwɛnɩ tisuu? Pɩwɛɛ se ɖɩtɩŋnɩ lɩmaɣza wena ɖɩkpakɩɣ nɛ mbʋ ɖɩlakɩ yɔ pɩ-yɔɔ nɛ ɖɩlɩzɩ ɖe-tisuu mbʋ nɛ ɖɩwɩlɩ. (Yakubu 2:17) Alɩwaatʋ ndʋ ɖɩtɩŋɩɣnɩ mbʋ ɖɩlakɩ nɛ tɔm ndʋ ɖɩyɔɔdʋʋ yɔ tɩ-yɔɔ nɛ ɖɩwɩlɩɣ ɖe-tisuu yɔ, ɖɩcɛyɩsɩɣ taabalɩyɛ nɖɩ ɖɩwɛ ɖa nɛ Yesu nɛ ɛ-Caa Yehowa ɖɛ-hɛkʋ taa yɔ.—Kalɩ Yohanɛɛsɩ 14:21.