-
«Ðɩnɩnɩ ɖama ɖa-tɩŋa nɛ ɖɩkpaɣ lɩmaɣzɩyɛ»‘Lɩzɩ aseɣɖe Ɛsɔ Kewiyaɣ yɔɔ tete’
-
-
9. Lɩmaɣzɩyɛ nɖɩ Yakubu kaakpaɣaa yɔ ɛbɛ kaɣaɣ lɩʋ ɖɩ-taa?
9 Ɛzɩ Yakubu lɩmaɣzɩyɛ kaakɛ lɩmaɣzɩyɛ kɩbanɖɛ na? Ðɩtɔŋ se ɛɛɛ, mbʋ pʋyɔɔ yɔ apostoloowaa nɛ ɛzʋtʋyaa petisi ɖɩ-yɔɔ pʋwayɩ. Ɛbɛ kaɣ lɩʋ pɩ-taa? Yakubu lɩmaɣzɩyɛ nɖɩ ɖɩɩkaɣ ‘caʋ tɔm’ Sɩɩnaa layaa mba papɩsɩ Krɩstʋ mba yɔ, mbʋ pʋyɔɔ yɔ pɩɩkaɣ pɔzʋʋ se pɔɖɔ Moyizi Paɣtʋ yɔɔ. (Tʋma 15:19) Pɩtasɩ lɛ lɩmaɣzɩyɛ nɖɩ ɖɩkaɣ wɩlʋʋ se pañaŋ Yuuda ñɩma mba papɩsɩ Krɩstʋ mba yɔ pɛ-ɛhʋyɛ, mbʋ pʋyɔɔ yɔ pɛwɛʋ nɛ ‘pakalɩɣ-wɛ Moyizi tɔm nɛ nɔɔ kɩkʋyaɣ sinaagɔɔgɩwaa taa paa sabaatɩ ŋgʋ’ yɔ, pɩlakɩ pɩnzɩ sakɩyɛ yɔ.b (Tʋma 15:21) Pɩtʋʋ fɛyɩ se lɩmaɣzɩyɛ nɖɩ, ɖɩkaɣ yebu nɛ nɔɔ kʋɖʋmaɣ ŋga kɛwɛ Yuuda ñɩma mba papɩsɩ Krɩstʋ mba yɔ nɛ Sɩɩnaa layaa mba papɩsɩ Krɩstʋ mba yɔ pɛ-hɛkʋ taa yɔ, kɛcɛyɩsɩ. Ɛlɛ kɔzɩ kɔzɩ lɛ, pɩkaɣ kɛdɩnʋʋ Ɛsɔ Yehowa, mbʋ pʋyɔɔ yɔ lɩmaɣzɩyɛ nɖɩ ɖɩlakɩ nɔɔ kʋɖʋmaɣ nɛ ɛ-sɔɔlɩm. Pɩɩkɛ nʋmɔʋ kɩbaŋʋ ŋgʋ kɩ-yɔɔ paatɩŋnaa nɛ pɔcɔnɩ tɔm ndʋ tɩcaɣaɣ wɛɛkʋʋ laŋhɛzɩyɛ nɛ nɔɔ kʋɖʋmaɣ ŋga kaawɛ Ɛsɔ samaɣ taa yɔ. Nɛ pɩkɛnɩ kɩɖaʋ kɩbaŋʋ kpem Krɩstʋ mba agbaa sɔnɔ.
-
-
«Ðɩnɩnɩ ɖama ɖa-tɩŋa nɛ ɖɩkpaɣ lɩmaɣzɩyɛ»‘Lɩzɩ aseɣɖe Ɛsɔ Kewiyaɣ yɔɔ tete’
-
-
b Yakubu labɩnɩ tʋmɩyɛ tɔm ndʋ Moyizi mawa yɔ nɛ lɛɣtʋ. Tɔm ndʋ Moyizi mawa yɔ, pɩtɩkɛ Paɣtʋ ɖeke wɛnɩ tɩ-taa, ɛlɛ lɩmaɣza wena Ɛsɔ wɛnɩ ɛyaa kpeekpe yɔɔ, halɩ pʋcɔ nɛ Moyizi Paɣtʋ wɛɣ yɔ awɛ tɩ-taa ɖɔɖɔ. Kɩɖaʋ nakʋyʋ yɔ: Lɩmaɣza wena Ɛsɔ wɛnɩ calɩm, acɛyɛ nɛ sɩɩnaa latʋ yɔɔ yɔ, pɔyɔɔdɩ a-tɔm kpayɩ kpayɩ Kiɖe Tɛɛ Tɔm takayaɣ taa. (Kiɖe 9:3, 4; 20:2-9; 35:2, 4) Ye mbʋ, Yehowa wɩlɩ paɣtʋ kila wena pɩwɛɛ se ɛyaa tɩŋa ɩña yɔ, paa pɩtɩɩkɛ Yuuda mba yaa Sɩɩnaa layaa yɔ.
-