Ɛzɩma Yehowa Aseɣɖe Tɩnaa kediɣzisi pɩzɩɣ nɛ sɩwazɩ-ŋ?

Wiɖiyi pɛtɛmɩ-ŋ yaʋ se ŋwolo Yehowa Aseɣɖe Tɩnaa kediɣzaɣ nakɛyɛ? Ye ŋtiwobiti nakɛyɛ wiɖiyi yɔ, pɩtɩla sɔɔndʋ kpaɣ-ŋ se ŋpaɣzɩ. Pɩtɩla ŋpɔzʋʋ ña-tɩ se: «Ɛbɛ palakɩ kediɣzisi nzɩ sɩ-taa? Ɛbɛ yɔɔ sɩ-tɔm cɛyaa? Ɛbɛ yɔɔ pɩwɛɛ se mowolo-sɩ?» Tɔm ñʋʋ kʋnɛ kɩ-taa, ŋkaɣ naʋ se ye ña nɛ lalaa ɩkatɩɣ ɖama ɖoŋ ɖoŋ yɔ, pɩkaɣ-ŋ sɩnʋʋ nɛ ŋñɔtɩnɩ Ɛsɔ nɛ pɩkɩlɩ nɛ piɖeni-ŋ ɖɔɖɔ ñe-wezuu caɣʋ taa.

1. Lɩmaɣzɩyɛ kajalaɣ ñɩnɖɛ nɖɩ yɔɔ Yehowa Aseɣɖe Tɩnaa lakɩ kediɣzisi?

Na ɛzɩma Bibl mayʋ nɔɔyʋ yɔɔdɩ lɩmaɣzɩyɛ kajalaɣ ñɩnɖɛ nɖɩ ɖɩ-yɔɔ ɖɩlakɩ kediɣzisi yɔ: «Mankaɣ sam Yehowa samaɣ sɔsɔɔ taa.» (Keɣa 26:12) Sɔnɔ ɖɔɖɔ, lɩmaɣzɩyɛ nɖɩ ɖɩ-yɔɔ Yehowa Aseɣɖe Tɩnaa taa wɛ leleŋ se pekpeɣliɣ ɖama. Kedeŋa kpeekpe yɔɔ, paa kpɩtaʋ ŋgʋ, pekpeɣliɣ nɛ pasaŋ Ɛsɔ, peteɣ hendu nɛ patɩmɩɣ. Paa pɩnaɣ ŋga, alɩwaatʋ natʋyʋ talɩɣ lɛ, pekpeɣliɣ ɖama nɛ palakɩ pɛ-Ɛsɔ sɛtʋ kediɣzisi sɔsɔsɩ.

2. Ɛbɛ ŋkaɣ kpɛlɩkʋʋ ɖe-kediɣzisi taa?

Ðe-kediɣzisi taa, ɖɩkpɛlɩkɩɣ Ɛsɔtɔm, ‘ɖɩlɩzɩɣ tɩ-taa camɩyɛ nɛ ɖiyeki nɛ panɩɣ tɩ-tɔbʋʋ.’ (Kalɩ Nehemiya 8:8.) Ye ŋwoki ɖe-kediɣzisi yɔ, ŋkaɣ kpɛlɩkʋʋ nɛ ŋtɩlɩ Yehowa nɛ ɛ-wɛtʋ kɩbandʋ; ɛ-wɛtʋ ndʋ tɩ-wayɩ fɛyɩ. Ŋwɛɣ nɛ ŋkpɛlɩkɩɣ nɛ ŋtɩlɩɣ ɛ-yɔɔ tɔm sakɩyɛ lɛ, pɩkaɣ-ŋ seɣtuu nɛ ŋñɔtɩnɩ-ɩ nɛ pɩkpaɖɩ. Ŋkaɣ naʋ ɖɔɖɔ ɛzɩma ɛpɩzɩɣ nɛ ɛsɩnɩ-ŋ nɛ piɖeni-ŋ ñe-wezuu caɣʋ taa yɔ.—Izaayii 48:17, 18.

3. Alɩwaatʋ ndʋ ña nɛ lalaa ikpeɣliɣ kediɣzisi taa yɔ, wazasɩ nzɩ ŋhikiɣ?

Yehowa pɔzʋʋ-ɖʋ se: «Ðɩmaɣzɩ ɖama yɔɔ nɛ ɖiseɣti ɖama nɛ ɖɩwɛɛnɩ sɔɔlɩm nɛ ɖɩla tʋma kɩbana, ɖitaayeki ɖama kpeɣluu.» (Ebree mba 10:24, 25) Ðe-kediɣzisi taa ŋkaɣ katʋʋ ɛyaa mba pamaɣzɩɣ ɖama yɔɔ siŋŋ yɔ; nɛ ɛzɩ ña yɔ, pɔsɔɔlaa se pɛkpɛlɩkɩ nɛ patɩlɩ Ɛsɔ camɩyɛ. Pakaɣ tɩŋnʋʋ Bibl yɔɔ nɛ pɔyɔɔdɩ tɔm ndʋ tɩkpazɩɣ-ŋ ɖoŋ yɔ. (Kalɩ Roma mba 1:11, 12.) Ŋkaɣ pɩzʋʋ nɛ ŋyɔɔdɩnɩ mba palʋbɩnɩ ɛɖandʋ caɣʋ yaa nesi ɖɔkʋʋ taa kala nɛ piɖeni-wɛ camɩyɛ yɔ nɛ pɩsɩnɩ-ŋ. Lɩmaɣza wena a-yɔɔ Yehowa sɔɔlaa se ɖikpeɣliɣ ɖoŋ ɖoŋ yɔ a-taa naayɛ tɔm ɖeke ɖɩyɔɔdɩ mbʋ yɔ!

TAZƖ NƐ PILIMI

4. Yehowa Aseɣɖe Tɩnaa kediɣzisi

Kajalaɣ pɩnzɩ mɩnʋʋ taa Krɩstʋ mba kpeɣlaɣ ɖoŋ ɖoŋ nɛ pɛsɛɣ Yehowa. (Roma mba 16:3-5) Ɩkalɩ Koloosi mba 3:16, nɛ pʋwayɩ lɛ ɩtazɩ tɔm tʋnɛ tɩ-taa:

• Ɛzɩma kajalaɣ Krɩstʋ mba sɛɣaɣ Yehowa?

VIDEO: Ɛbɛ palakɩ Kewiyaɣ Kpaaŋ taa? (2:12)

• Ŋcɔnɩ mbʋ pɩlakɩ Kewiyaɣ kpaaŋ taa yɔ lɛ, hɔɔlɩŋ weyi ŋɖiɣzinaa se ɩlabɩ nɔɔ kʋɖʋmaɣ nɛ tɔm ndʋ pɔyɔɔdɩ Koloosi mba 3:16 taa yɔ?

• Ŋna nabʋyʋ video taa yaa kɩlɛmʋʋ yɔɔ nɛ pɩkɛdɩnɩ-ŋ siŋŋ nɛ piseɣtiɣ-ŋ se ŋwolo ɖe-kediɣzisi na?

Ɩkalɩ 2 Kɔrɛntɩ mba 9:7, nɛ pʋwayɩ lɛ ɩtazɩ tɔm tʋnɛ tɩ-taa:

• Ɛbɛ yɔɔ paahɛyɩɣ pʋcɔ nɛ powoki Yehowa Aseɣɖe Tɩnaa kediɣzisi?

Yele nɛ ɖɩtazɩ tɔm ñʋŋ weyi ɩ-taa pakaɣ tazʋʋ kpɩtaʋ kʋnɛ ki-kediɣzaɣ nakɛyɛ taa yɔ, ɩ-taa.

• Kediɣzaɣ hɔɔlʋʋ ŋgʋ kɛdɩnɩ-ŋ yaa kaɣ-ŋ wazʋʋ nɛ pɩkɩlɩ?

Ŋŋsɩm-tʋ?

Wolo jw.org, yɔɔ nɛ ŋna lona nɛ alɩwaatʋ ndʋ tɩ-yɔɔ palakɩ kediɣzisi kedeŋa hɔɔlɩŋ ndɩ ndɩ taa yɔ.

1. Ðe-kediɣzisi taa pɔyɔɔdʋʋ samaɣ taa tɔm, palakɩ la ŋwɩlɩwaa nɛ pawɩlɩɣ videowaa ɖɔɖɔ. Ðɩpaɣzɩɣ nɛ ɖɩtɛzɩɣ ɖe-kediɣzisi nɛ hendu nɛ adɩma.

2. Kediɣzisi hɔɔlɩŋ nɩɩyɩ taa lɛ, tɔm welisiyaa wɛnɩ waɖɛ se pocosi tɔm.

3. Ðɩmʋʋ ɛyaa tɩŋa nɛ taa leleŋ, paa pɩtɩɩkɛ hɔŋ, aɖamɛɛ, akpadɩyaa yaa piya yɔ.

4. Paahɛyɩɣ pʋcɔ nɛ pasʋʋ ɖe-kediɣzisi taa. Ŋŋhɛyɩɣ nabʋyʋ pʋcɔ ŋpɩsɩ Yehowa Aseɣɖe Tʋ nɛ paacɔʋnɩ ñanzɩ kediɣzisi taa se ɛyaa ɩɖʋ liidiye.

5. Pɩpɔzʋʋ se ŋñaɣ pana pʋcɔ nɛ ŋpɩzɩ nɛ ŋwolo kediɣzisi

Na kɩɖaʋ ŋgʋ hɔʋ ŋgʋ kɩ-taa Yesu kaawɛɛ yɔ, kɩhawa yɔ. Paa pɩnaɣ ŋga pɔɖɔŋaɣ nʋmɔʋ ɛzɩ kilomɛtanaa mɩnʋʋ mbʋ yɔ, pʋŋ egeetiye taa, kpaɣnɩ Nazarɛɛtɩ nɛ ŋwolo Yeruzalɛm nɛ powoki templo taa. Ɩkalɩ Luka 2:39-42, nɛ pʋwayɩ lɛ ɩtazɩ tɔm tʋnɛ tɩ-taa:

• Ŋmaɣzɩɣ se pɩɩpɔzɩ-wɛ pana ñaɣʋ pʋcɔ nɛ pɔɖɔ nʋmɔʋ nɛ powolo Yeruzalɛm?

• Ɛbɛ yɔɔ nabʋyʋ taa pɩpɔzʋʋ se ŋñaɣ pana siŋŋ pʋcɔ nɛ ŋwolo kediɣzisi?

• Paa pɩɩwɛ kaɖɛ nɛ ŋñaɣ pana nɛ ŋwolo kediɣzisi yɔ, ŋmaɣzɩɣ se pɩkaɣ-ŋ wazʋʋ na? Ɛbɛ yɔɔ?

• Ɛbɛ yɔɔ pɩwɛɛ se ɖiwoki kediɣzisi ɖoŋ ɖoŋ?

TOBI LƐ

Kediɣzisi wobu kaɣ-ŋ sɩnʋʋ nɛ ŋtɩlɩ Yehowa nɛ pɩkɩlɩ, ŋcɛyɩsɩ ña nɛ Yehowa mɩ-taabalɩyɛ nɛ ña nɛ lalaa ɩkpɛndɩ nɛ ɩsɛɛ-ɩ.

Tɔm taa tazʋʋ

• Ɛbɛ yɔɔ Yehowa seɣtiɣ-ɖʋ se ɖikpeɣliɣ ɖama?

• Tɔm ndʋ ŋkaɣ kpɛlɩkʋʋ Yehowa Aseɣɖe Tɩnaa kediɣzisi taa?

• Hɔɔlɩŋ weyi ɩ-taa ɖɔɖɔ ŋmaɣzɩɣ se kediɣzisi kaɣ-ŋ wazʋʋ?

WONDU LƐƐTƲ

Sɔɔndʋ kpaɣ-ŋ nɛ kediɣzisi wobu na? Pɩlakaɣ abalʋ nɔɔyʋ mbʋ, ɛlɛ ɛkɔma nɛ ɛsɔɔlɩ kediɣzisi tɔm; cɔna nɛ ŋna ɛzɩma pɩɖɔma yɔ.

Ðɩɩkaɣ sɔʋ sɛtʋ ndʋ tɩ-yɔɔ (4:16)

Cɔna nɛ ŋna ɛzɩma evebu nɔɔyʋ taa wɛ leleŋ nɛ kediɣzisi yɔ nɛ mbʋ ɛlaba nɛ ewoki-sɩ yɔ.

Maasɔɔlɩ kediɣzisi tɔm pɩdɩɩfɛyɩ! (4:33)

Kalɩ nɛ ŋna lɩmaɣza wena lalaa wɛna pɩlɩɩnɩ kediɣzisi wobu yɔɔ yɔ.

«Pourquoi assister aux réunions tenues à la Salle du Royaume?» (intɛrnɛɛtɩ yɔɔ tɔm ñʋʋ)

Kalɩ nɛ ŋna ɛzɩma puuyaɣ lakasɩ ɛgbɛyɛ naɖɩyɛ taa tʋ nɔɔyʋ wobi Yehowa Aseɣɖe Tɩnaa kediɣzaɣ nakɛyɛ nɛ pɩlɛɣzɩ e-wezuu caɣʋ yɔ.

«Je ne sortais jamais sans mon arme» (La Tour de Garde, 1^er juillet 2014)

5. Ɛjaɖɛ lɛɣzɩ kpem kpaɣnɩ 1914

Ɩcɔnɩ VIDEO.

VIDEO: Ɛjaɖɛ lɛɣzɩ kpem kpaɣnɩ 1914 (1:10)

Yesu yɔɔdɩ wɛtʋ ndʋ tɩkaɣ wɛʋ ɛjaɖɛ yɔɔ alɩwaatʋ ndʋ ɛpɩsɩɣ Wiyaʋ yɔ tɩ-tɔm. Ɩkalɩ Luka 21:9-11, nɛ pʋwayɩ lɛ ɩtazɩ tɔm tʋnɛ tɩ-taa:

• Wɛtʋ tʋnɛ tɩ-taa ndʋ ŋnaɣ yaa tɩ-taa ndʋ taŋ ŋnɩɣ?

Apostoloo Pɔɔlɩ yɔɔdɩ wɛtʋ ndʋ ɛyaa kaɣ wɛnʋʋ ɛyaa kewiyitu tɔɔʋ kɛdɛzaɣ kɩyakɩŋ taa yɔ tɩ-tɔm. Ɩkalɩ 2 Timootee 3:1-5, nɛ pʋwayɩ lɛ ɩtazɩ tɔm tʋnɛ tɩ-taa:

• Wɛtʋ tʋnɛ tɩ-taa ndʋ ŋnaɣ se ɛyaa wɛnɩ sɔnɔ?

6. Pɩwɛɛ se Ɛsɔ kewiyitu tɔɔʋ eseɣti-ɖʋ nɛ ɖɩla mbʋ pɩpɔzʋʋ yɔ

Ɩkalɩ Maatiyee 24:3, 14; nɛ pʋwayɩ lɛ ɩtazɩ tɔm tʋnɛ tɩ-taa:

• Tʋmɩyɛ sɔsɔɖɛ nɖɩ peɖiɣni labʋ sɔnɔ nɛ pɩwɩlɩɣ se Ɛsɔ Kewiyaɣ ɖiɣni labʋ ka-tʋmɩyɛ?

• Ɛzɩma ŋpɩzɩɣ nɛ ŋɖʋ nesi tʋmɩyɛ nɖɩ?

Ɛsɔ Kewiyaɣ ɖiɣni ka-tʋmɩyɛ labʋ sɔnɔ nɛ pɩkazɩ pazɩ lɛ, kakaɣ ɖiyuu tɛtʋ kpeekpe. Ɩkalɩ Ebree mba 10:24, 25; nɛ pʋwayɩ lɛ ɩtazɩ tɔm tʋnɛ tɩ-taa:

• Ɛbɛ pɩwɛɛ se ɖa-taa paa weyi ɛla, ɖɩwɛɣ nɛ «[ɖɩnaɣ] se kɩyakʋ ɖiɣni ñɔtʋʋ» lɛ?