Ðɩwɛɛ niye tɔm susuu taa nɛ pɩkɩlɩ: Ðisusi tɔm tadɛɛ kookasɩ taa

Ɛbɛ yɔɔ pɩcɛyaa? Ɛyaa sakɩyɛ lakɩ tʋmɩyɛ alɩwaatʋ sakɩyɛ, pʋyɔɔ ɖoŋ ɖoŋ lɛ, pa-tʋma lone taa ɖɩpɩzɩɣ ɖiwolo nɛ ɖisusi-wɛ Kewiyaɣ tɔm. Tadɛɛ kookasɩ taa tɔm susuu pɩzɩɣ nɛ pɩlʋlɩ pee kɩbana nɛ pɩkɔnɩ taa leleŋ sakɩyɛ, mbʋ pʋyɔɔ yɔ mɛnfɛyɩ ɖɩɣa waa fɛyɩ peeɖe nɛ tʋmlaɖaa haɣ mba pɔkɔŋ yɔ ñamtʋ, mbʋ yɔ pamaɣzɩɣ se mba pa-tɩŋa pɔkɔŋ yɔ, wondu pɔkɔŋ yabʋ. Ɛlɛ pʋcɔ nɛ tɔm susuu mbʋ pɩlʋlɩ pee kɩbana lɛ, pɩwɛɛ se tɔm susuyaa ɩwɛɛ lɛɣtʋ nɛ posuu wondu camɩyɛ. (2 Kɔr. 6:3) Ye mbʋ, pɩwɛɛ se ɛgbɛyɛ taa Ɛsɔ sɛtʋ yɔɔ cɔnɩyʋ ɛñɔɔzɩ tʋmɩyɛ nɖɩ camɩyɛ nɛ ɛñɩnɩ nɛ ɛna se tam ɛzɩma posusuu tɔm kookasɩ nzɩ sɩ-taa nɛ asusuu tɔm peeɖe.

Ɛzɩma pɩwɛɛ se ɖɩla?

Ñɔɔzɩ kɔɔnɔɔ tɔm natʋyʋ pazɩ. Ye ɖɩkpaɣ tadɩyɛ laɖʋ alɩwaatʋ sakɩyɛ yɔ, cee wayɩ pɩwɛɣ kaɖɛ se etisi nɛ ɖa nɛ ɩ ɖɩla faawɩyɛ.
Wolo pɔ-cɔlɔ alɩwaatʋ ndʋ pe-nesi tɩkɩlɩ ɖɔkʋʋ yɔ, ɛzɩ alɩwaatʋ ndʋ pacalɩɣ tʋlʋʋ faɣɖɛ yɔ.
Ñaɣ pana nɛ ŋcalɩnɩ faɣɖɛ ñʋʋdʋ yɔɔdɩnʋʋ. Yɔɔdɩnɩ taa leleŋ nɛ nɔɔ kɩbaŋa. Ŋpɩzɩɣ nɛ ŋyɔɔdɩ se: “Ðɩwɛɛ nɛ ɖiwoki ɛyaa cɔlɔ pa-tʋma lona taa mbʋ pʋyɔɔ yɔ pɩwɛ kaɖɛ se pana-wɛ pa-ɖɩsɩ taa.” Heyi-i tɔm pazɩ nɛ ŋha-ɩ traktɩ yaa fenaɣ fenaɣ takayaɣ yaa takayaɣ lɛɛka nakɛyɛ. Pɩsa nɛ tadɩyɛ laɖʋ ɛtaawɛɛnɩ lɩmaɣza kɩdɛkɛda naayɛ lɛ, pɩkɩlɩɣ weewee se ɖɩtaayɔɔdɩ sɔɔlɩm haɖɛ tɔm. Ɛlɛ ye ɛ-maɣmaɣ ɛpɔzɩnɩ-ɖʋ yɔ, ɖɩpɩzɩɣ nɛ ɖɩyɔɔdɩ ɖɩ-tɔm.
Ye faɣɖɛ ñʋʋdʋ lakasɩ ɛwɛ ɖeu yɔ, ɖɩpɩzɩɣ nɛ ɖɩpɔzɩ-ɩ se ɛha-ɖʋ nʋmɔʋ nɛ ɖɩyɔɔdɩnɩ tʋmlaɖaa lalaa. Tadɩyɛ lona lɛɛna taa lɛ, ɖɩpɩzɩɣ nɛ ɖɩpɔzɩ nɛ pɩlakɩ yɔ, ɖɩsɩɩ takayɩsɩ ɖenɖe tʋmlaɖaa cakɩ nɛ pɔtɔkɩ yaa pɛhɛzɩɣ yɔ.
Wɛɛ lɛɣtʋ nɛ ŋnɩɩ tɔm taa ɖɔɖɔ. Kpaɣ se pɛdɩyʋ nɔɔyʋ nesi ɖɔkaa yaa ɛ nɛ yaɖʋ nɔɔyʋ peɖiɣni yɔɔdʋʋ, pɩwɛɣ ɖeu se ŋsɩŋ nɛ pɛtɛ pʋcɔ nɛ ŋñɔtɩnɩ-ɩ se ŋyɔɔdʋʋnɩ-ɩ.

Labɩnɩ tʋmɩyɛ lɔŋ tasʋʋ pʋnɛ fenaɣ kanɛ:

Ɩɩlakɩ hɔʋ taa Bibl kpɛlɩkʋʋ cee wayɩ lɛ, ɩla la ŋwɩlɩ nakʋyʋ pazɩ nɛ wiɖiyi ŋhiɣ waɖɛ se ŋsusi tɔm tadɩyɛ kooka nakɛyɛ taa lɛ, ŋkpaɣ-kʋ nɛ ŋlabɩnɩ tʋmɩyɛ.