Kɔɔnɔɔ tɔm ndʋ tɩwɛ wazaɣ yɔ

Tʋma Labʋ 17:22

LƖMAƔZƖYƐ SƆSƆÐƐ: Pɩwɛɛ se ñɔ-kɔɔnɔɔ tɔm eyele nɛ ñɔ-tɔm welisiyaa liu tɛɛ kɔtɩ, peɖiɣzini tɔm ndʋ ŋcaɣ yɔɔdʋʋ yɔ, nɛ tɩwɩlɩ mbʋ pʋyɔɔ pɩwɛɛ se pewelisi-tʋ yɔ.

ƐZƖMA PƖWƐƐ SE ŊLA YƆ:

• Yele nɛ pe-liu tɛɛ kɔtɩ. Lɩzɩ tɔm pɔzʋʋ nabʋyʋ, tɔm natʋyʋ, mbʋ pɩlabɩ wezuu caɣʋ taa toovenim taa yɔ, yaa mbʋ pɩlaba nɛ pɔyɔɔdʋʋ pɩ-tɔm nɛ pɩkaɣ kɛdɩnʋʋ ñɔ-tɔm welisiyaa yɔ.

• Yele nɛ peɖiɣzini tɔm ndʋ ŋcaɣ yɔɔdʋʋ yɔ. Ñaɣ pana nɛ ñɔ-kɔɔnɔɔ tɔm yele nɛ ñɔ-tɔm welisiyaa tɩlɩ tɔm ndʋ ŋcaɣ yɔɔdʋʋ yɔ nɛ tɩ-kaɖʋwa kpayɩ kpayɩ.

• Wɩlɩ mbʋ pʋyɔɔ tɔm ndʋ tɩ-tɔm cɛyaa yɔ. Tɔm ndʋ ŋyɔɔdʋʋ yɔ, yele nɛ tɩla nɔɔ kʋɖʋmaɣ nɛ ñɔ-tɔm welisiyaa kɩcɛyɩm. Pɩwɛɛ se pana kpayɩ kpayɩ ɛzɩma tɔm ndʋ tɩpɩzɩɣ nɛ tɩwazɩ pa-maɣmaɣ yɔ.