KPƐLƖKƲƲ 12
Lalaa kemnuu nɛ pe-siziŋ nɩʋ
1 Tesalooniiki mba 2:7, 8
LƖMAƔZƖYƐ SƆSƆÐƐ: Yɔɔdɩnɩ nɔɔ ŋga kawɩlɩɣ se ŋnɩɣ ñɔ-tɔm welisiyaa tɔm taa yɔ, nɛ ŋwɩlɩ se ŋmaɣzɩɣ pɔ-yɔɔ.
ƐZƖMA PƖWƐƐ SE ŊLA YƆ:
Maɣzɩ ñɔ-tɔm welisiyaa yɔɔ. Maɣzɩ kala wena pakatɩɣ yɔ a-yɔɔ nɛ pɩsɩnɩ-ŋ nɛ ŋñɔɔzɩ ña-laŋɩyɛ. Ñaɣ pana nɛ ŋmaɣzɩ ɛzɩma pɩlakɩ-wɛ yɔ pɩ-yɔɔ.
Lɩzɩ tɔm pee wena ŋlakɩnɩ tʋmɩyɛ yɔ camɩyɛ. Ña-kaɖʋwa ɛkɛna se ŋhɛzɩɣ ñɔ-tɔm welisiyaa laŋa nɛ ŋkpazɩ-wɛ ɖoŋ. Taalabɩnɩ tʋmɩyɛ tɔm pee wena apɩzɩɣ nɛ aɖʋ-wɛ ɖɩwɩzɩyɛ yɔ, nɛ taayɔɔdɩ tɔm kɩdɛkɛdɩtʋ mba pɛfɛyɩnɩ tisuu Yehowa yɔɔ yɔ pɔ-yɔɔ, yaa mbʋ pɩ-yɔɔ petisiɣ siŋŋ yɔ pɩ-yɔɔ.
Wɩlɩ se ŋmaɣzɩɣ pɔ-yɔɔ. Yɔɔdɩnɩ nɔɔ kɩbaŋa nɛ ŋlabɩnɩ ño-tomnaɣ pilinzi tʋmɩyɛ ɛzɩ pɩmʋnaʋ yɔ nɛ ŋwɩlɩ ñɔ-tɔm welisiyaa se ŋmaɣzɩɣ pɔ-yɔɔ siŋŋ. Tɔzɩ se ɛzɩma ŋlakɩnɩ ñɛ-ɛsɩndaa wɛtʋ tʋmɩyɛ yɔ, pɩ-tɔm cɛyaa ɖɔɖɔ; mʋʋyʋʋ ɖoŋ ɖoŋ.