Ðe-wezuu caɣʋ nɛ ɖɛ-Ɛsɔ sɛtʋ kpɛlɩkʋʋ takayaɣ taa tɔm kɩñɩnɩtʋ
7-13 MARS
ÑƖM MBƲ PƖWƐ ƐSƆTƆM TAA YƆ | 1 SAMƖYƐƐLƖ 12-13
“Tɩ kpazʋʋ ɖʋzʋʋ ɛyʋ”
w00 1/8 13 § 17
Tɩ kpazʋʋ ɖʋzʋʋ ɛyʋ
17 Ye ɖɩtɩtazɩ tɔm taa camɩyɛ yɔ, ɖɩpɩzɩɣ nɛ ɖɩmaɣzɩ se Sɔɔlɩ kaawɛnɩ toovenim se ɛla mbʋ ɛlaba yɔ. Izrayɛɛlɩ mba kaasʋ kaɖɛ taa nɛ “sɔɔndʋ kpa ɛyaa samaɣ” mbʋ pʋyɔɔ yɔ pataatɩlɩ mbʋ pala yɔ. (1 Samɩyɛɛlɩ 13:6, 7) Pɩtʋʋ fɛyɩ se ye ɖɩwɛ wɛtʋ natʋyʋ taa nɛ pɩpɔzʋʋ se ɖɩkpɛzɩ nɩŋgbanzɩ nasɩyɩ yɔ, pɩtɩwɛɛkɩ se ɖɩkpɛzɩ-sɩ. Ɛlɛ ɖɩtaasɔɔ se Yehowa naɣ ɖa-laŋa taa nɛ ɛsɩm mbʋ pituzuu-ɖʋ nɛ ɖɩkpakɩɣ lɩmaɣza yɔ. (1 Samɩyɛɛlɩ 16:7) Ye mbʋ pɩtʋʋ fɛyɩ se ɛna nabʋyʋ Sɔɔlɩ yɔɔ nɛ Bibl tɩyɔɔdɩ pɩ-tɔm. Pɩtɩla Yehowa kaanawa se tɩ kpazʋʋ yebina nɛ Sɔɔlɩ tɩpɩzɩ nɛ ɛɖʋ suuɖu. Yaa pɩtɩla yɔ Sɔɔlɩ kaakɔ pana siŋŋ se pɩɩwɛɛ se ɛnʋ weyi ɛkɛ Izrayɛɛlɩ kpeekpe wiyaʋ yɔ, ɛɖaŋ nayʋ akpadɩyʋ weyi ɛcaɣ wayɩ yɔ. Paa pɩtɩɩkɛ suwe yɔ, Sɔɔlɩ kaamaɣzaa se ɛzɩma Samɩyɛɛlɩ caɣ wayɩ yɔ, pɩhaɣaɣ-ɩ waɖɛ nɛ ɛmaanɩ paɣtʋ ndʋ paaɖʋ-ɩ yɔ tɩ-yɔɔ nɛ ɛla mbʋ ɛ-maɣmaɣ ɛsɔɔlaa yɔ. Pee wena ɛ-lakasɩ nzɩ sɩlʋlaa? Samɩyɛɛlɩ taasa Sɔɔlɩ ɛ-lakasɩ nzɩ sɩ-yɔɔ. Ɛlɛ ɛkalɩ-ɩ nɛ ɛtɔ se: “Ñe-kewiyaɣ ɛɛtasɩɣ wɛʋ. . . mbʋ pʋyɔɔ yɔ ŋtɩɖɔ paɣtʋ ndʋ Kɩbaɣlʋ ɖʋ-ŋ yɔ tɩ-yɔɔ.” (1 Samɩyɛɛlɩ 13:13, 14) Kɩɖaŋ weyi ɩwɩlɩɣ se tɩ kpazʋʋ ɖʋzʋʋ yɔ, ɩ-taa lɛɛkʋ yɔ.
w07 15/6 27 § 8
Ña-ñamtʋ mʋ ñɩm Yehowa ɛsɩndaa
8 Tɔm ndʋ Bibl yɔɔdɩ wiyaʋ Sɔɔlɩ yɔɔ yɔ, tɩwɩlɩɣ se ñamtʋ mʋ ñɩm siŋŋ. Kiɖe tɛɛ lɛ, Sɔɔlɩ kaakɛ ɖiyiyu weyi eluzuu ɛ-tɩ yɔ nɛ ‘ɛ-maɣmaɣ ɛmaɣzaɣ se ɛɛkɛ pɩɣa.’ Ɛlɛ pʋwayɩ lɛ, tɩ kpazʋʋ nɛ lɩmaɣza kɩdɛkɛda yele nɛ ɛkpɛzɩ nɩŋgbanzɩ nzɩ sɩtɩmʋna yɔ. (1 Samɩyɛɛlɩ 10:21, 22; 15:17) Alɩwaatʋ natʋyʋ taa pɩɩwɛɛ se Sɔɔlɩ eyooni Filistii mba. Samɩyɛɛlɩ kaaheyi wiyaʋ se ɛɖaŋɩ-ɩ nɛ ɛkɔɔ nɛ ɛlaa kɩlaŋ nɛ ɛtasɩ-ɩ ɖɔɖɔ lɔŋ weyi pɩpɔzʋʋ yɔ. Ɛlɛ Samɩyɛɛlɩ tiwolo lɔŋ ɛzɩ ɛɛyɔɔdʋʋ yɔ, piyeba nɛ samaɣ paɣzɩ ka-tɩ mɩzʋʋ. Sɔɔlɩ na mbʋ lɛ, ɛkʋyɩ nɛ ‘ɛlaa miŋ kɩñaɣzʋʋ.’ Ɛ-lakasɩ nzɩ sɩtaakɛdɩnɩ Yehowa. Pʋwayɩ Samɩyɛɛlɩ kɔma lɛ, Sɔɔlɩ yɔɔdɩ se ɛzɩma Samɩyɛɛlɩ caɣ wayɩ yɔ, pʋyɔɔ ‘pɩcɛyɩ-ɩ’ nɛ ɛmaanɩ paɣtʋ yɔɔ nɛ ɛlaa kɩlaʋ se ɛhɛzɩnɩ Yehowa laŋɩyɛ. Wiyaʋ maɣzaa se kɩlaʋ tɔm cɛyaa nɛ pɩkɩlɩ paɣtʋ ndʋ paaɖʋ-ɩ se ɛɖaŋ Samɩyɛɛlɩ nɛ ɛlɛ kɔɔ nɛ ɛlaa kɩlaʋ yɔ tɩ-ñam. Samɩyɛɛlɩ heyi-i se: “Ŋlabɩ tulaɣ lakasɩ. [Ŋtɩña] Kɩbaɣlʋ ñɛ-Ɛsɔ paɣtʋ.” Kaañamtʋ yeba nɛ Yehowa lɔ Sɔɔlɩ nɛ elesi e-kewiyitu.—1 Samɩyɛɛlɩ 10:8; 13:5-13.
Fezuu taa ñɩm
w11 15/7 13 § 15
Ŋtisiɣ nɛ Yehowa ɖiyi-ŋ nɛ sɔɔlɩm na?
15 Ɛzɩ Izrayɛɛlɩ mba kaamaɣzaa se palɩzɩ nɔɔyʋ se ɛkɛ wiyaʋ yɔ, ɛkɛɣnɩ wiyaʋ weyi papɩzɩɣ nɛ pataa-ɩ liu nɛ pɩkɩlɩ Yehowa yɔ? Ye mbʋ yɔ, pepeɣzaɣ pa-tɩ kipeɣzu. Pɩkaɣ yebu nɛ pɩwɛɛ kɛlɛʋ se pɔtɔlɩ Sataŋ cɛtɩm wɩlɩtʋ lɛɛtʋ taa. Ɛyaa mba pakaɣ lɩzʋʋ se pɔtɔɔ kewiyitu pɔ-yɔɔ yɔ, papɩzɩɣ nɛ potuyi-wɛ kɛlɛʋ nɛ pɔtɔlɩ sɩɩnaa latʋ kpaca taa. Sɩɩnaa layaa peɣziɣ pa-tɩ nɛ pamaɣzɩɣ se wondu ndʋ panaɣnɩ pɛ-ɛsa yɔ—ɛsɔnaa mba pakpaɣ ɖasɩ yaa pɛɛ nɛ pamana yɔ—tɩwɛ keekee nɛ papɩzɩɣ nɛ pataa-tʋ liu nɛ pɩkɩlɩ Yehowa, Ɛsɔ weyi paanaɣ-ɩ nɛ ɛlɩzɩ wondu tɩŋa yɔ. Ɛlɛ ɛzɩ apostoloo Pɔɔlɩ yɔɔdʋʋ yɔ, sɩʋ kpelisi “tɩkɛ nabʋyʋ.” (1 Kɔr. 8:4) Sɩʋ kpelisi ɩɩnaɣ, sɩɩnɩɣ, sɩɩyɔɔdʋʋ nɛ sɩɩpɩzɩɣ ɖɔɖɔ nɛ sɩla nabʋyʋ. Ŋpɩzɩɣ nɛ ŋna-sɩ ŋtukuni-sɩ, ɛlɛ ye ŋsɛɣ-sɩ yɔ, ŋwɛɛ nɛ ŋlakɩ falaa tʋmɩyɛ nɛ asɛyʋʋ ɖeke pɩkaɣ-ŋ kɔnʋʋ.—Keɣa. 113B:4-8.
14-20 MARS
ÑƖM MBƲ PƖWƐ ƐSƆTƆM TAA YƆ | 1 SAMƖYƐƐLƖ 14-15
‘Kɩbaɣlʋ nɔɔ ñam kɩlɩ ɖeu kɩlaŋ’
w07 15/6 26 § 4
Ña-ñamtʋ mʋ ñɩm Yehowa ɛsɩndaa
4 Yehowa kɛnɩ Lɩzɩyʋ nɛ pʋyɔɔ lɛ, mbʋ payɩ ɖɩwɛnɩ tomnaɣ yɔɔ yɔ, ɛnʋ tɩnɩ-pʋ. Ye pɩwɛ mbʋ nabʋyʋ wɛɛ se ɖɩpɩzɩɣ nɛ ɖɩha-ɩ yaa we? Ɛɛɛ ɖɩpɩzɩɣ nɛ ɖɩha-ɩ nabʋyʋ mbʋ pɩmʋ ñɩm siŋŋ yɔ. Ɛbɛ pʋdʋ lɛ? Lɔŋ tasʋʋ pʋnɛ pɩsɩɣnɩ-ɖʋ nɛ ɖɩtɩlɩ: “Man-pɩyalʋ, ka ñʋʋ nɛ lɔŋ nɛ man-taa la leleŋ, nɛ manpɩzɩ mankalɩ weyi ɛtʋʋ-m yɔ.” (Aduwa 27:11) Kʋjɔʋ ŋgʋ ɖɩpɩzɩɣ nɛ ɖɩla Ɛsɔ yɔ, ŋgʋ lɛ ɖa-ñamtʋ. Pɩkɛ toovenim se ɖɩwɛ wɛtʋ ndɩ ndɩ taa, nɛ mbʋ pɩtalɩ-ɖʋ ɖe-wezuu caɣʋ taa yɔ pɩwɛ ndɩ ndɩ. Paa mbʋ yɔ, ɖɩpɩzɩɣ nɛ ɖɩtɩŋnɩ ɖa-ñamtʋ yɔɔ nɛ ɖɩwɩlɩ se tɔm ndʋ Sataŋ yɔɔdaa se ɛyʋ ɛwɛ takɩm taa yɔ, ɛɛpɩzɩɣ nɛ ɛɖɔkɩ ɛ-tɩ Ɛsɔ ɛsɩndaa yɔ, tɩkɛ cɛtɩm. Waɖɛ sɔsɔɖɛ nɖɩ lɛ mbʋ yɔ?
it-2 429 § 1
Ñamtʋ
Nabʋyʋ ɛɛpɩzɩɣ nɛ pɩlɛɣzɩ ñamtʋ lone taa. Ye ɖɩfɛyɩnɩ ñamtʋ yɔ, ɖɔ-tɔm ɛɛpɩzɩɣ nɛ tɩkɛdɩnɩ Ɛsɔ. Samɩyɛɛlɩ kaaheyi wiyaʋ Sɔɔlɩ se: “Ɛzɩ Kɩbaɣlʋ sɔɔlɩ kɩlaŋ miŋ kɩñaɣzɩŋ, yaa kɩlaŋ kpɩna nɛ pɩkɩlɩ Kɩbaɣlʋ nɔɔ ñam [pɩlɩnɩ tɔm piye sha·ma cɔlɔ]? Ñamtʋ nɛ welisuu ɖeni-i nɛ pɩkɩlɩ ɛyaŋ calɩm laʋ.” (1 Sam 15:22) Ye ɖɩɩñaŋ yɔ, pɩwɩlɩɣ se ɖɩwɛɛ nɛ ɖɩlɔʋ Yehowa tɔm, nɛ toovenim taa lɛ, ɖiitisiɣ tɩ-yɔɔ nɛ ɖiitisiɣ ɖɔɖɔ ɛnʋ weyi ɛ-cɔlɔ tɩlɩnaa yɔ ɛ-yɔɔ. Ye mbʋ weyi ɛɛñaŋ yɔ, ɛfɛyɩ ndɩ nɛ weyi ɛlakɩ tɩyɩtʋ yaa ɛsɛɣ sɩʋ kpelisi yɔ. (1 Sam 15:23; kpaɣ-tʋ nɛ ŋmaɣzɩnɩ Rom 6:16.) Ye ɖitisiɣ yem ɛlɛ ɖɩɩlakɩ tʋma wena tisuu mbʋ pɩpɔzʋʋ yɔ, ɖɩɩkaɣ hiɣu wazaɣ nakɛyɛ; weyi ɛɛñaŋ yɔ, ɛwɩlɩɣ se ɛfɛyɩnɩ tisuu nɛ ñamtʋ weyi ɛ-cɔlɔ paɣtʋ lɩnaa yɔ ɛ-yɔɔ. (Mt 21:28-32) Ɛyaa mba pamaɣzɩɣ se ye pañɩtɩɣ nɛ pewelisiɣ Ɛsɔtɔm nɛ petisiɣ tɩ-yɔɔ yɔ, pɩmaɣaa paa paaɖɔŋ tɩ-yɔɔ yɔ, pɛcɛtɩɣ pa-tɩ kɩcɛtʋʋ nɛ pɔbɔtʋ tɔm nɛ paakaɣ hiɣu wazasɩ nasɩyɩ. (Yak 1:22-25) Ɛsɔ Pɩyalʋ lɩzɩ pɩ-taa kpayɩ kpayɩ se halɩ mba palakɩ tʋma wena anɩɣzɩnɩ wena pɔpɔzʋʋ-wɛ se pala yɔ, ɛlɛ paalakɩ-yɛ ɛzɩ pɩpɔzʋʋ yɔ yaa palakɩ-yɛ nɛ lɩmaɣza wena atɩmʋna yɔ, paakaɣ sʋʋ kewiyaɣ taa, ɛlɛ pakaɣ-wɛ lɔʋ.—Mt 7:15-23.
FEZUU TAA ÑƖM
it-2 598
Pʋtɔdɩyɛ naʋ
Ye pañɩɣ ɖɔ-yɔɔ kɩñɩʋ se ɖɩna ɛyaa pʋtɔdɩyɛ nɛ ɖɩla mbʋ pɩɩlakɩ nɔɔ kʋɖʋmaɣ nɛ Ɛsɔ sɔɔlɩm yɔ, pɩkɔŋnɩ-ɖʋ kaɖɛ. Lɔŋ ɛnɩ Sɔɔlɩ kɩɖaʋ kpɛlɩkɩɣ-ɖʋ. Alɩwaatʋ kaatalaa se Ɛsɔ ɛhɔ Amalɛɛkɩ mba nɩŋgbaŋʋʋ. Izrayɛɛlɩ mba lɩnɩ Ejipiti lɛ, Amalɛɛkɩ kaakɛnɩ kajalaɣ ɛjaɖɛ nɖɩ ɖɩɩkʋyɩ pɔ-yɔɔ yɔ. Paaɖʋ paɣtʋ se Sɔɔlɩ ɛtaana pa-pʋtɔdɩyɛ. Ɛlɛ ɛ-ɛyaa ñɩɣ ɛ-yɔɔ lɛ, ɛtɩpɩzɩ nɛ ɛla mbʋ ɖeyi ɖeyi Yehowa heyi-i se ɛla yɔ. Pʋyɔɔ Yehowa lɔ Sɔɔlɩ nɛ ɛmʋ ɛ-kewiyitu e-nesi tɛɛ. (1Sam 15:2-24) Ye ɖɩñɔnɩ Yehowa siɣsiɣ nʋmɔŋ kpam nɛ ɖɩñɩnɩɣ siŋŋ se ɖɩwɛɛ siɣsiɣ ɛ-ɛsɩndaa yɔ, pɩsɩɣnɩ-ɖʋ se ɖɩtaatɔlɩ kpaca ŋgʋ kɩ-taa Sɔɔlɩ tɔlaa yɔ kɩ-taa nɛ Ɛsɔ lɔ-ɖʋ.
21-27 MARS
ÑƖM MBƲ PƖWƐ ƐSƆTƆM TAA YƆ | 1 SAMƖYƐƐLƖ 16-17
‘Yehowa tɩnɩ you’
‘Yehowa tɩnɩ you’
Daviid kɛdɩ Sɔɔlɩ mbʋ ɛlabɩ tɔɔyʋʋ nɛ kpemtɔɔyaɣ yɔ, pɩ-tɔm. Ɛkɛdʋʋ tɔm ndʋ yɔ, pɩwɩlɩɣ se ɛkpazaɣ ɛ-tɩ yaa we? Aayɩ. Daviid kaasɩm mbʋ pʋyɔɔ ɛpɩzaa nɛ ɛkʋ kpɩna ana yɔ. Ɛyɔɔdaa se: “[Yehowa] weyi eholi-m nɛ ɛlɩzɩ tɔɔyʋʋ nɔɔ taa nɛ [kpemtɔɔyaɣ] nɔɔ taa yɔ, ɛ-maɣmaɣ ɛkaɣ-m holuu nɛ ɛlɩzɩ Filistii tʋ ɛnʋ yɔ e-nesi tɛɛ.” Peeɖe Sɔɔlɩ ɛɛnaɣ se ɛla ɛzɩma lɛ, eheyi-i se: “Wolo nɛ [Yehowa] wɛɛ ñɔ-cɔlɔ.”—1 Samɩyɛɛlɩ 17:37.
Ŋsɔɔlaa se ŋwɛɛnɩ tisuu ɛzɩ Daviid yɔ? Ye mbʋ yɔ, tɔzɩ se Daviid tisuu taakɛ nɔɔ taa tɔm yem. Ndʋ ɛɛkpɛlɩkɩ Yehowa yɔɔ nɛ ɛzɩma Yehowa sɩnɩ-ɩ e-wezuu caɣʋ taa yɔ, mbʋ yebina nɛ ɛwɛɛnɩ tisuu mbʋ. Ɛnawa se Yehowa kɛ weyi ɛsɔɔlɩ ɛ-ɛyaa nɛ ehuuzuu pɔ-yɔɔ yɔ, nɛ ɛɖɔŋ ɛ-tɔm yɔɔ paa ɛzɩmtaa. Ye ɖɩsɔɔlaa se ɖɩwɛɛnɩ tisuu mbʋ yɔ, pɩcɛyaa se ɖiwolo pɩ-yɔɔ nɛ ɖɩkpɛlɩkɩ Bibl nɛ ɖɩtɩlɩ Ɛsɔ camɩyɛ. Alɩwaatʋ ndʋ ɖɩwɛɣ nɛ ɖɩɖɔŋ tɔm ndʋ ɖɩkpɛlɩkɩɣ yɔ tɩ-yɔɔ lɛ, ɖɩkaɣ hiɣu wazasɩ sakɩyɛ nɛ pɩcɛyɩsɩ ɖe-tisuu.—Ebree 11:1.
‘Yehowa tɩnɩ you’
Daviid cosi tɔm ndʋ Gooliyaatɩ yɔ, tɩwɩlɩɣ se e-tisuu paɣlɩ siŋŋ nɛ pɩkɛnɩ-ɖʋ kɩɖaʋ kɩbaŋʋ sɔnɔ. Maɣzɩ ɛzɩma pɩɣa evelaɣ ŋga kocosi Gooliyaatɩ yɔ, pɩ-yɔɔ nɛ ŋna; kɔtɔm se: ‘Ŋkɔŋ ma-wayɩ nɛ laɣɖɛ nɛ laɖɩyɛ nɛ pɔɖɩyɛ. Ma yɔ mɔnkɔŋ ña-wayɩ nɛ Yoyaa kpeekpe tɛ Ɛsɔ [Yehowa] hɩɖɛ taa, Izrayɛɛlɩ tɛ yoyaa tɛ Ɛsɔ weyi ŋtʋwa yɔ.’ Daviid nawa se pɩtɩkɛ you wondu tɔm kɩlɩnɩ cɛyʋʋ. Gooliyaatɩ wɩlaa se ɛɛñaŋ Yehowa nɛ Yehowa tisu tamɩyɛ. Ɛzɩ Daviid yɔɔdʋʋ yɔ, ‘Yehowa tɩnɩ you.’—1 Samɩyɛɛlɩ 17:45-47.
Toovenim lɛ, Daviid kaanawa se Gooliyaatɩ paɣlɩka nɛ e-you wondu kaawɛ sɔɔndʋ siŋŋ. Ɛlɛ etiyele se wɛtʋ ndʋ tɩɖʋ-ɩ sɔɔndʋ. Ɛtɩla ɛzɩ Sɔɔlɩ nɛ ɛ-sɔɔjanaa paalabʋ yɔ. Daviid tɩkpaɣ ɛ-tɩ nɛ ɛmaɣzɩnɩ Gooliyaatɩ. Ɛɛkpaɣ Gooliyaatɩ nɛ ɛmaɣzɩnɩ Yehowa. Gooliyaatɩ ɖaɣlɩkɩŋ kaakɛ mɛtanaa 2 nɛ santimɛtawaa 9; ɛyaa lalaa ɛsɩndaa lɛ, ɛɛwɛ ɛzɩ tilimiye yɔ; ɛlɛ Yehowa ɛsɩndaa lɛ, ɛtɩlɩɩ pʋyʋ. Toovenim lɛ, ɛzɩ ɛyaa lalaa yɔ, Ɛsɔ ɛsɩndaa lɛ, ɛɛwɛ ɛzɩ kayɩmaɣ yɔ, nɛ Yehowa ɖʋ ɛ-taa puwiye se ɛɖɩzɩɣ-ɩ.
‘Yehowa tɩnɩ you’
Sɔnɔ, Ɛsɔ sɛyaa ɩɩtasɩɣ labʋ tomnaɣ yɔɔ you ɛzɩ ɖooo lɛ yɔ. (Maatiyee 26:52) Paa mbʋ yɔ, pɩcɛyaa se ɖɩwɛɛnɩ tisuu ɛzɩ Daviid yɔ. Pɩwɛɛ se ɖɩmaɣzɩnɩ Daviid nɛ Yehowa kɛ Ɛsɔ siŋŋ ɖɛ-ɛsɩndaa, Ɛsɔ weyi ɛmʋnaa se ɖɩsɛɛ e-ɖeke nɛ ɖise-i sɔɔndʋ yɔ. Nabʋyʋ taa lɛ, pɩlakɩ-ɖʋ ɛzɩ kʋñɔŋ ŋgʋ kɩtalɩ-ɖʋ yɔ, ɖɩɩpɩzɩɣ nɛ ɖɩlɩɩ kɩ-taa; mbʋ pʋyɔɔ kɩpaɣlɩ pɩdɩɩfɛyɩ. Ɛlɛ paa ɖa-kʋñɔŋ kaapaɣlɩ ɛzɩma yɔ, kɩtɩlɩɩ pʋyʋ Yehowa ɛ-ɛsɩndaa. Ɛkɛ Ɛsɔ weyi e-ɖoŋ fɛyɩ kamaɣ yɔ. Ye ɖiyeba nɛ Yehowa kɛnɩ ɖɛ-Ɛsɔ nɛ ɖɩtaɣ-ɩ liu nɛ ɖa-laŋɩyɛ pilim ɛzɩ Daviid yɔ, kaɖɛ naɖɩyɛ yaa kʋñɔŋ nakʋyʋ ɛɛkaɣ yebu nɛ ɖiseli. Kaɖɛ naɖɩyɛ fɛyɩ se ɖɩkɩlɩ Yehowa ɖoŋ!
Fezuu taa ñɩm
it-2 905
Sɔɔlɩ
Pɩlabɩ mbʋ pʋwayɩ nɛ pataa Daviid num se ɛpɩsɩ Wiyaʋ Izrayɛɛlɩ lɛ, Yehowa fezuu lɩ Sɔɔlɩ yɔɔ. Kpaɣnɩ alɩwaatʋ ndʋ lɛ, ‘fezuu kɩdɛkɛdʋʋ nakʋyʋ lɩnɩ Kɩbaɣlʋ cɔlɔ nɛ kɩñazɩɣ-ɩ.’ Yehowa yeba nɛ e-fezuu kʋyɩ Sɔɔlɩ yɔɔ lɛ, ɛha nʋmɔʋ nɛ fezuu kɩdɛkɛdʋʋ nakʋyʋ wɛɛnɩ ɖoŋ ɛ-yɔɔ nɛ ɛtɩtasɩ wɛʋ laŋhɛzɩyɛ taa. Fezuu kɩdɛkɛdʋʋ ŋgʋ kɩɩwɛnɩ ɖoŋ kɩdɛkɛdɩŋ ɛ-lɩmaɣza nɛ ɛ-maɣzɩm pɔ-yɔɔ. Sɔɔlɩ tɩpɩzɩ nɛ ɛña Yehowa, ye mbʋ pɩwɩlɩɣ se ɛ-lɩmaɣza nɛ ɛ-laŋɩyɛ pataatʋʋzɩ mbʋ pʋyɔɔ yɔ Ɛsɔ fezuu taapɩzɩɣ se kɩkandɩyɩ ɛ-yɔɔ yaa kɩha-ɩ ɖoŋ nɛ ɛɖɔkɩ ɛ-tɩ. Ɛlɛ Yehowa yeba nɛ e-fezuu kʋyɩ Sɔɔlɩ yɔɔ nɛ ɛha nʋmɔʋ nɛ fezuu kɩdɛkɛdʋʋ nakʋyʋ lɛɣzɩ ki-lone taa nɛ kɩnazɩɣ Sɔɔlɩ; pʋyɔɔ pɔtɔŋ se ‘fezuu kɩdɛkɛdʋʋ ŋgʋ, kɩlɩnɩ Yehowa cɔlɔ.’ Sɔɔlɩ lɩmɖʋyʋ nɔɔyʋ tasɩ-ɩ lɔŋ se ɛha nʋmɔʋ Daviid se ɛlɛ ewoki kewiyaɣ ɖɩɣa taa nɛ ɛmakɩ cɩmʋʋ nɛ ɛhɛzɩɣ Sɔɔlɩ laŋɩyɛ alɩwaatʋ ndʋ “fezuu kɩdɛkɛdʋʋ” ñazɩɣ-ɩ yɔ.—1Sam 16:14-23; 17:15.
28 MARS–3 AVRIL
ÑƖM MBƲ PƖWƐ ƐSƆTƆM TAA YƆ | 1 SAMƖYƐƐLƖ 18-19
Pɩwɛɛ se ɖiwolo pɩ-yɔɔ nɛ ɖiluzuu ɖa-tɩ alɩwaatʋ ndʋ piɖeɣni-ɖʋ ɖe-wezuu caɣʋ taa yɔ
w04 1/4 15 § 4
Taa Ɛsɔ fezuu liu alɩwaatʋ ndʋ wɛtʋ ndʋ tɩ-taa ŋŋwɛɛ yɔ tɩlɛɣzɩɣ yɔ
4 Pitileɖi pʋcɔ nɛ patɩlɩ pɩɣa evelaɣ ninɖiɣyu ɛnʋ ɛjaɖɛ taa. Paaha-ɩ waɖɛ se ewoki wiyaʋ ɖɩɣa taa nɛ ɛmakɩ cɩmʋʋ. Ɛɛkʋ you laɖʋ sɔsɔ Gooliyaatɩ, ŋgʋ ɛlɛ kaakɛ ɖogo weyi ɛkpaɣaɣ sɔɔndʋ Izrayɛɛlɩ sɔɔjanaa mba paawɛ niye siŋŋ you labʋ taa yɔ. Ɛkɔma nɛ ɛpɩsɩ sɔɔjanaa ñʋʋdʋ lɛ, ɛla you nɛ Filistii mba nɛ ɛwabɩ-wɛ. Samaɣ kaasɔɔlɩ ɛ-tɔm. Paalubi hendu ndʋ tɩ-taa pasaŋaɣ-ɩ yɔ. Sɔɔlɩ lɩmɖʋyʋ nɔɔyʋ kaatɛmɩ-ɩ heyuu se Daviid kɛ “weyi ɛsɩm cɩmʋʋ mabʋ nɛ ɛwɛ ɖoŋ pɩdɩɩfɛyɩ nɛ ɛkɛ yoyu nɛ ɛwɛɛ lɛɣtʋ tɔm yɔɔdʋʋ taa nɛ ɛkɛ ɛyʋ maɣzaɣ yɔ.”—1 Samɩyɛɛlɩ 16:18; 17:23, 24, 45-51; 18:5-7.
Yʋsɩ tʋkaɣ ŋga kɛwɛ Yehowa sɛyaa nɛ mba paasɛɣ-ɩ yɔ pɛ-hɛkʋ taa yɔ
6 Ɛyaa nabɛyɛ kpazɩɣ pa-tɩ mbʋ pʋyɔɔ yɔ peɖewa, pa-hɩla sɛwa, pasɩm hendu teu camɩyɛ, pɛwɛnɩ tomnaɣ yɔɔ ɖoŋ yaa pɛwɛ lone sɔsɔyɛ naɖɩyɛ taa. Daviid ñaawɛnɩ wala ana a-tɩŋa payɩ, ɛlɛ eeluzi ɛ-tɩ e-wezuu caɣʋ kɩyakɩŋ tɩŋa taa. Daviid kaakʋ Gooliyaatɩ nɛ Wiyaʋ Sɔɔlɩ ha-ɩ ɛ-pɛlɛ lɛ, ɛyɔɔdaa se: “Ma yɔ anɩ nɛ me-wezuu lɛ ŋkʋ, yaa man-caa waʋ kɔyɔ ŋkʋ Izrayɛɛlɩ taa nɛ mɛnkɛɣ wiyaʋ ɛtɩ?” (1 Sam. 18:18) Ɛbɛ kaasɩnɩ Daviid nɛ ɛɖɔkɩ tɩ luzuu kpam? Eeɖiɣzinaa se Ɛsɔ “luzuu ɛ-ɛsa [yaa ‘eluzuu ɛ-tɩ,’ nwt]” nɛ ekeŋni-i, pʋyɔɔ ɛwɛnɩ wɛtʋ kɩbandʋ, lɛɣtʋ nɛ wala wena payɩ ɛɛwɛna yɔ. (Keɣa 112:5-8) Daviid kaanawa se mbʋ payɩ ɛɛwɛna yɔ, Yehowa hanɩ-ɩ pʋ.—Kpaɣ-tʋ ŋmaɣzɩnɩ 1 Kɔrɛntɩ 4:7.
7 Yehowa samaɣ ñakɩ pana sɔnɔ nɛ kawɩlɩɣ tɩ luzuu ɛzɩ Daviid kaalabʋ yɔ. Pɩɖɩɣzɩ-ɖʋ yem se Yehowa weyi ɛkɛ kedeŋa kpeekpe Kɩlɩm yɔ ɛwɛnɩ ‘tɩ luzuu’ wɛtʋ. (Keɣa 18:35, nwt) Ðɩñakɩ pana se ɖɩlabɩnɩ Bibl lɔŋ tasʋʋ pʋnɛ tʋmɩyɛ: “Ɩkɛnɩ pʋtɔdɩyɛ nayaa, kɩbandʋ tɩnaa, hɛɛɛ tɩnaa [yaa mba poluzuu pa-tɩ yɔ], leleŋ tɩnaa, tɩ ɖɔkɩyaa.” (Kol. 3:12) Bibl heyiɣ-ɖʋ ɖɔɖɔ se sɔɔlɩyʋ “ɛɛkpazɩɣ ɛ-tɩ, ɛɛwɛɣ ajana.” (1 Kɔr. 13:4, ABT) Ye ɖɩwɛnɩ tɩ luzuu yɔ, pɩpɩzɩɣ nɛ pɩhɔ ɛyaa nɛ pɔñɔtɩnɩ Yehowa. Abalaa mba paasɛɣ Ɛsɔ yɔ, pa-halaa tɩ luzuu pɩzɩɣ nɛ piyele nɛ papaɣzɩ-ɩ sɛʋ; mbʋ ɖɔɖɔ tɩ luzuu mbʋ Yehowa sɛyaa wɛna yɔ, pɩpɩzɩɣ nɛ pɩhɔ ɛyaa lalaa.—1 Pɩy. 3:1.
Fezuu taa ñɩm
it-2 671-672
Nayʋ
Paa Ɛsɔ fezuu ɛlɩzɩɣnɩ nayaa yɔ, pɩɩwɩlɩɣ se tɔm ndʋ pɔyɔɔdʋʋ yɔ, Ɛsɔ fezuu ɖiyiɣni-wɛ nɛ pɔyɔɔdʋʋ-tʋ. Ɛlɛ Ɛsɔ fezuu tiki pɔ-yɔɔ alɩwaatʋ natʋyʋ taa nɛ kɩwɩlɩɣ-wɛ mbʋ pala yɔ. (Eze 11:4, 5; Mik. 3:8) Pɩlakɩ-wɛ ɛzɩ miŋ nɩɩyɩ ñakɩ pa-laŋa taa nɛ pituyuu-wɛ se pɔyɔɔdɩ yɔ. (1Sam 10:10; Yer 20:9; Am 3:8) Pɩtasɩna se pa-lakasɩ wɛ ndɩ nɛ mbʋ palakɩ ɖoŋ ɖoŋ yɔ lɛ, pɩtʋʋ fɛyɩ se ɛzɩma pɔyɔɔdʋʋ natʋ tɔm yɔ, pɩwɩlɩɣ kpayɩ kpayɩ se ŋgee tɔm natʋyʋ posusuu. Pɩtɩla pʋyɔɔ pɔtɔm se ‘papaɣzɩɣ labʋ ɛzɩ nayaa yɔ’ (1Sam 10:6-11; 19:20-24; Yer 29:24-32; kpaɣ-tʋ nɛ ŋmaɣzɩnɩ Tʋm 2:4, 12-17; 6:15; 7:55) Pakaŋ pa-lɩmaɣza kpeekpe pa-tʋmɩyɛ yɔɔ nɛ palakɩ-ɖɩ nɛ kpekpeka nɛ abalɩtʋ, nɛ nabʋyʋ taa pa-lakasɩ lakɩ lalaa piti nɛ pɛwɛɣ ɛzɩ kɩmɛlɛmɩŋ yɔ. Mbʋ pɩlabɩ alɩwaatʋ ndʋ pataɣaɣ num Yehu yɔ. Nayʋ lakasɩ kaalakaɣ Yehu piti. Ɛlɛ ɛkɔma nɛ eɖiɣzina sɛ ɛkɛ nayʋ lɛ, etisi nɛ ɛmʋ ɛ-tɔm nɛ ɛlabɩnɩ-tʋ tʋmɩyɛ ɛzɩ pɩpɔzʋʋ yɔ. (2Aw 9:1-13; kpaɣ-tʋ nɛ ŋmaɣzɩnɩ Tʋm 26:24, 25) Alɩwaatʋ ndʋ Sɔɔlɩ kaaɖʋ Daviid wayɩ se ɛkpa-ɩ yɔ, ɛɛlaba ɛzɩ nayʋ yɔ; “ɛɛhɔzɩ e-tokonaa nɛ ɛhɩnɩ ndaakpeɖe wɩsɩ nɛ ɖoo pilim” nɛ alɩwaatʋ ndʋ tɩ-taa Daviid ñesewa nɛ ɛɖɛɛ. (1Sam 19:18–20:1) Ɛlɛ pɩɩwɩlɩɣ se nayaa hɔɔzʋʋ po-wondu ɖoŋ ɖoŋ nɛ pɛwɛɣ ndaakpeɖe mbʋ pʋyɔɔ yɔ, Bibl taa kɩɖaŋ sakɩyɛ wɩlɩɣ se pɩtɩkɛ mbʋ palakaɣ. Kɩɖaŋ naalɛ lɛɛŋ weyi ɩ-taa nayaa kaawɛ ndaakpeɖe yɔ, kaɖʋwa nakɛyɛ yɔɔ paalabɩ mbʋ; pañɩnaɣ se pañɩɣ niye natʋ tɔm ndʋ pɔyɔɔdaɣ yɔ, tɩ-hɔɔlʋʋ nakʋyʋ yɔɔ. (Iza 20:2-4; Mik 1:8-11) Ɛzɩ Sɔɔlɩ kaahɔzɩ e-wondu nɛ ɛwɛɛ ndaakpeɖe se ɛwɩlɩ se ɛyʋ yem weyi etisuu awiya tokonaa yɔ, ɛtɩlɩɩ pʋyʋ Yehowa kewiyitu ɖoŋ ɛsɩndaa yaa lɩmaɣzɩyɛ lɛɛɖɛ naɖɩyɛ yɔɔ ɛlabɩ mbʋ? Bibl tɩyɔɔdɩ pɩ-tɔm.
4-10 AVRIL
ÑƖM MBƲ PƖWƐ ƐSƆTƆM TAA YƆ | 1 SAMƖYƐƐLƖ 20-22
“Ɛbɛ pɩwɛɛ se ɖɩla nɛ ɖɩkɛ taabalʋ kɩbanʋ”
Cɛyɩsɩ ña nɛ koobiya mɩ-taabalɩyɛ pʋcɔ nɛ ɛjaɖɛ tɛm talɩ
18 Sɔnɔ ɖo-koobiya katɩɣ tɩlasɩ ndɩ ndɩ. Nabɛyɛ lʋkɩnɩ kɛgbɛdɩsasɩ ɛzɩ tɛtʋ ñamsʋʋ yaa yoŋ mbʋ yɔ. Alɩwaatʋ ndʋ pɩtalɩɣ mbʋ yɔ, ɖa-taa nabɛyɛ pɩzɩɣ nɛ pamʋ koobiya mba pa-ɖɩsɩ taa. Nabɛyɛ pɩzɩɣ nɛ paha-wɛ liidiye. Ɛlɛ ɖa-tɩŋa payɩ ɖɩpɩzɩɣ nɛ ɖɩpɔzɩ Yehowa se ɛsɩnɩ ɖo-koobiya. Pɩpɩzɩɣ nɛ pɩla se ɖɩɩsɩŋ tɔm ndʋ pɩwɛɛ se ɖɩyɔɔdɩ yaa ɛzɩma pɩwɛɛ se ɖɩla alɩwaatʋ ndʋ ɖɩnɩɣ se pitibi ɖo-koobu nɔɔyʋ yɔɔɔ yɔ. Ɛlɛ ɖa-tɩŋa payɩ ɖɩpɩzɩɣ nɛ ɖɩsɩnɩ-wɛ. Ðɩpɩzɩɣ nɛ ɖɩkpaɣ alɩwaatʋ nɛ ɖa nɛ ɖa-taabalʋ nɔɔyʋ ɖɩcaɣ. Ðɩpɩzɩɣ nɛ ɖiwelisini-i camɩyɛ alɩwaatʋ ndʋ ɛyɔɔdʋʋ yɔ. Nɛ ɖɩpɩzɩɣ nɛ ɖiheyi-i mayaɣ ŋga kɛhɛzɩɣ ɖa-laŋɩyɛ yɔ kɔ-tɔm. (Iza. 50:4) Mbʋ ŋpɩzɩɣ ŋla nɛ ŋsɩnɩ ña-taabalaa yɔ, pɩ-taa mbʋ pɩkɩlɩ cɛyʋʋ yɔ lɛ se ŋwɛɛ pɔ-cɔlɔ alɩwaatʋ ndʋ pɩpɔzʋʋ yɔ.—Kalɩ Aduwa 17:17.
w08 15/2 8 § 7
Ðɔ Yehowa nʋmɔŋ taa
7 Yehowa sɔɔlaa se ɖɩkɛ taabalaa mba papɩzɩɣ nɛ pataa-wɛ liu yɔ. (Adu 17:17) Wiyaʋ Sɔɔlɩ pɩyalʋ Yonataanɩ nɛ Daviid paaɖʋ taabalɩyɛ. Masɩ yɔɔdʋʋ se “Yonataanɩ kalɩzaɣ sʋ Daviid nɛ ɛsɔɔlɩ-ɩ ɛzɩ ɛ-maɣmaɣ e-wezuu yɔ” alɩwaatʋ ndʋ ɛnɩwa se Daviid kʋ Gooliyaatɩ yɔ. (1 Sam 18:1, 3) Halɩ Yonataanɩ kaaheyi Daviid se Sɔɔlɩ ñɩnɩɣ se ɛkʋ-ɩ. Daviid sewa lɛ Yonataanɩ wolo nɛ ɛkatɩ-ɩ nɛ ɛ nɛ ɩ paɖʋ ɛgbɛyɛ. Yonataanɩ yɔɔdɩ Daviid tɔm Sɔɔlɩ cɔlɔ lɛ, Sɔɔlɩ caɣaɣ se ɛkʋ-ɩ; paa mbʋ yɔ, taabalaa panɛ pa-naalɛ paɖaɣnɩ katʋʋ nɛ pɛcɛyɩsɩ pa-taabalɩyɛ. (1Sam 20:24-41) Pakatɩ kɛdɛzaɣ ɖeɖe lɛ Yonataanɩ kpazɩ Daviid nesi ɖoŋ “Ɛsɔ hɩɖɛ taa.”—1 Sam 23:16-18.
w09 15/10 19 §11
Ðiwolo pɩ-yɔɔ nɛ ɖɩkɛ taabalaa kɩbama ɛjaɖɛ nɖɩ ɖɩ-taa sɔɔlɩm fɛyɩ yɔ
11 Wɛɛ siɣsiɣ. Salomɔɔ mawa se: “Ɛsɔɔlʋʋ paa ɖooye, weyi ɛkɛ ɛgbaɣdʋ yɔ, nɛ kʋñɔŋ taa lɛ, ɛpɩsɩɣ koobu.” (Adu 17:17) Pɩtɩla alɩwaatʋ ndʋ Salomɔɔ maɣaɣ tɔm ndʋ yɔ, ɛɛwɛɛ nɛ ɛtɔzʋʋ taabalɩyɛ nɖɩ ɖɩɩwɛ ɛ-caa Daviid nɛ Yonataanɩ pɛ-hɛkʋ taa yɔ ɖɩ-yɔɔ. (1 Sam 18:1) Wiyaʋ Sɔɔlɩ kaañɩnaɣ se ɛ-pɩyalʋ Yonataanɩ ɛlɛɣzɩ e-lone taa nɛ ɛkɛ Izrayɛɛlɩ wiyaʋ. Ɛlɛ Yonataanɩ nawa se Daviid Yehowa lɩzaa se ɛwɛɛnɩ waɖɛ nɖɩ lɛ, pɩtɩcɛyɩ-ɩ. Yonataanɩ taasʋsʋʋ Daviid ɛzɩ Sɔɔlɩ yɔ. Pɩtaacɛyɩ-ɩ se pahaɣaɣ samtʋ Daviid nɛ ɛtaasɔɔlɩ ɖɔɖɔ kɔlɔmɔtʋ tɔm ndʋ Sɔɔlɩ yɔɔdaɣ Daviid yɔɔ yɔ. (1 Sam 20:24-34) Ŋwɛ ɛzɩ Yonataanɩ yɔ? Pahaɣ wala naayɛ ña-taabalaa lɛ, pɩlakɩ-ŋ leleŋ yaa we? Pakatɩɣ kala lɛ, ŋɖʋʋ-wɛ nesi nɛ ŋhɛzɩɣ pa-laŋa na? Ye ŋnɩ kɔlɔmɔtʋ tɔm natʋyʋ ña-taabalʋ nɔɔyʋ yɔɔ, ŋtisiɣ tɩ-yɔɔ kɛlɛʋ yaa we? Yaa ɛzɩ Yonataanɩ yɔ, ŋwɩlɩɣ ña-taabalʋ ñe-siɣsiɣ wɛtʋ nɛ ŋlʋ ɛ-yɔɔ?
Fezuu taa ñɩm
w05 15/3 24 § 4
Samɩyɛɛlɩ takayaɣ kajalaɣ ñɩŋga taa lɩmaɣza sɔsɔna
21:12, 13. Yehowa sɔɔlaa se ɖɩlabɩnɩ tʋmɩyɛ ɖɛ-lɛɣtʋ nɛ falɩsʋʋ mbʋ ɖɩmʋwa yɔ nɛ ɖɩlʋbɩnɩ kala wena ɖɩkatɩɣ ɖe-wezuu caɣʋ taa yɔ. Ɛha-ɖʋ Bibl se kɩsɩnɩ-ɖʋ nɛ ɖɩwɛɛnɩ lɛɣtʋ, sɩmtʋ nɛ ɖɩwɛɛ niye lɩmaɣza kpaɣʋ taa. (Aduwa 1:4) Ɛgbɛyɛ taa ɛzʋtʋyaa ɖɔɖɔ sɩɣnɩ-ɖʋ.
18-24 AVRIL
ÑƖM MBƲ PƖWƐ ƐSƆTƆM TAA YƆ | 1 SAMƖYƐƐLƖ 23-24
“Ðʋ suuɖu nɛ ŋɖaŋ Yehowa”
w04 1/4 16 § 8
Taa Ɛsɔ fezuu liu alɩwaatʋ ndʋ wɛtʋ ndʋ tɩ-taa ŋŋwɛɛ yɔ tɩlɛɣzɩɣ yɔ
8 Daviid kizaa se ɛɛlakɩ kɩdɛkɛdɩm nabʋyʋ Sɔɔlɩ. Ɛwɩlaa se ɛwɛnɩ tisuu nɛ suuɖu nɛ ɛɖʋzɩ tɔm Yehowa nesi tɛɛ. Sɔɔlɩ lɩnɩ ɛwaɣ tɛɛ nɛ pɩtɛ lɛ Daviid heyi-i se: “[Yehowa] ɛhʋʋ ma nɛ ŋ ɖɛ-hɛkʋ taa nɛ [Yehowa] ɛkpa-ŋ man-kɩmɩyɛ; me-nee ɛtaakpa ñɔ-yɔɔ.” (1 Sam 24:13) Paa Daviid kaanawa se mbʋ Sɔɔlɩ laba yɔ pɩfɛyɩ ɖeu yɔ, ɛtɩkpa-ɩ kɩmɩyɛ, ɛtɩtʋʋ-ɩ nɛ ɛtɩyɔɔdɩ tɔm kɩdɛkɛdɩtʋ ɛ-yɔɔ. Daviid kaahiɣ waɖɛ tam sakɩyɛ se ɛkpa kɩmɩyɛ ɛ-maɣmaɣ, ɛlɛ ɛtɩla mbʋ. Ɛtaa Yehowa liu nɛ eyele se ɛlɛ ɛcɔnɩnɩ tɔm ndʋ ti-ɖeɖe.—1 Sam 25:32-34; 26:10, 11.
w04 1/6 22-23
Wɛtʋ ndʋ tɩ-taa ŋwɛɛ yɔ, ndʋ ɖiyiɣni ñe-wezuu caɣʋ na?
Nabudozo lɛ, mbʋ ɛzɩ ɖɩɩtɩŋ nʋmɔŋ weyi ɩɩlakɩ nɔɔ kʋyʋmaɣ nɛ Masɩ yɔ nɛ ɖɩñɔɔzɩ wɛtʋ ndʋ tɩ-taa ɖɩwɛɛ yɔ lɛ, pɩkɩlɩɣ ɖeu se ɖɩtaa Yehowa liu. Tɔmkpɛlɩkɩyʋ Yakubu mawa se: “Iyele nɛ laŋɩyɛ ɖɔkʋʋ tɛzɩ pɩ-tʋmɩyɛ labʋ, se pɩsa nɛ ɩwɛɛ pilim nɛ ɩtaawɛɛnɩ kɩwɛɛkɩtʋ natʋyʋ hɔɔlʋʋ nakʋyʋ taa, nɛ nabʋyʋ ɛtaatɛɖɩ-mɩ.” (Yakubu 1:4) Pɩwɛɛ se ŋyele nɛ laŋɩyɛ ɖɔkʋʋ tɛzɩ pɩ-tʋmɩyɛ labʋ nɛ taatɩŋnɩ nʋmɔʋ ŋgʋ kɩɩlakɩ nɔɔ kʋyʋmaɣ nɛ Masɩ yɔ kɩ-yɔɔ se ŋyele nɛ kaɖɛ nɖɩ ɖɩ-taa ŋwɛɛ yɔ ɖɩsɩɩ tɩnaɣ. Piyeki nɛ pɩtakɩ ɖe-tisuu nɛ pɩcɛyɩsɩ camɩyɛ nɛ pɩkpazɩ-ɖʋ ɖoŋ ɛzɩ pɩɩlabʋ Daviid nɛ Yosɛɛfʋ pɔ-hɔɔlʋʋ taa yɔ. Pataatɩŋnɩ nʋmɔŋ weyi Yehowa tɩsɔɔlɩ yɔ ɩ-yɔɔ se peyele nɛ kala wena a-taa pɛwɛɛ yɔ asɩɩ tɩnaɣ. Ɛlɛ palabɩ mbʋ pɛ-wɛtʋ haɣaɣ-wɛ nʋmʋʋ yɔ nɛ po-ɖoŋ kpeekpe. Pata Yehowa liu nɛ paɖaŋ-ɩ nɛ pehiɣ wazasɩ sakɩyɛ. Yehowa kaatɩŋnɩ pa-naalɛ pɔ-yɔɔ nɛ ɛya ɛ-samaɣ ñʋʋ nɛ eɖiyi-kɛ.—Kiɖe Tɛɛ Tɔm 41:39-41; 45:5; 2 Samɩyɛɛlɩ 5:4, 5.
Ða ɖɔɖɔ ɖɩpɩzɩɣ nɛ ɖɩwɛɛ wɛtʋ natʋyʋ taa nɛ pɩtakɩ-ɖʋ se ɖɩtɩŋnɩ nʋmɔʋ ŋgʋ kɩɩlakɩ nɔɔ kʋyʋmaɣ nɛ masɩ yɔ kɩ-yɔ nɛ ɖɩlɩɩ tɩ-taa. Kɩɖaʋ nakʋyʋ yɔ: Pɩtɩla pɩwɛ-ŋ kaɖɛ se ŋhiɣ halʋ yaa walʋ ɛgbɛyɛ taa. Ye mbʋ taayele nɛ pɩtakɩ-ŋ nɛ ŋmaanɩ paɣtʋ ndʋ Yehowa ɖʋwa se pɔɖɔkɩ nesi “Kɩbaɣlʋ taa ɖeke” yɔ tɩ-yɔɔ. (1 Kɔrɛntɩ mba 7:39) Ŋwɛɛ nɛ ŋkatɩɣ kala naayɛ ñe-nesi ɖɔkʋʋ taa? Taayele nɛ ɛjaɖɛ yɔɔ mba lɩmaɣza wɛɛnɩ ɖoŋ ñɔ-yɔɔ nɛ ña nɛ ñɛ-tɛŋga ɩya ɖama yaa ɩcɛ mi-nesi ɖɔkʋʋ. (Malakii 2:16; Efɛɛzɩ mba 5:21-33) Ŋwɛɛ nɛ ŋlakɩ liidiye kʋñɔŋ nɛ pʋyɔɔ lɛ pɩwɛ-ŋ kaɖɛ se ŋcɔnɩ ñɔ-hɔʋ kɩcɛyɩm ɖeɖe na? Taa Yehowa liu nɛ taala mulum lakasɩ nasɩyɩ se ŋtɩŋnɩ pɩ-yɔɔ nɛ ŋhiɣ liidiye. (Keɣa 36:25; Ebree mba 13:18) Toovenim pɩwɛɛ se ɖa-tɩŋa ɖɩla mbʋ ɖɛ-wɛtʋ haɣ-ɖʋ nʋmɔʋ se ɖɩla yɔ nɛ ɖo-ɖoŋ kpeekpe, nɛ ɖɩha Yehowa nabʋyʋ se ɛwazɩ pɩ-yɔɔ. Ðɩɩlakɩ mbʋ lɛ, pɩwɛɛ se ɖiwolo pɩ-yɔɔ nɛ ɖɩtaa Yehowa liu. Ɛnʋ kaɣnɩ-ɖʋ haʋ mbʋ ɖeyi ɖeyi pɩpɔzʋʋ-ɖʋ yɔ.—Mikee 7:7.
Fezuu taa ñɩm
Taayele nɛ nabʋyʋ ɖɩɣ-ŋ nʋmɔʋ se ŋtaamʋ kɩhɛyʋʋ
11 Ye ɖɩwɛnɩ sɔɔlɩm nɛ camɩyɛ lakasɩ yɔ, pɩwɛɣ kaɖɛ se ɖɩla ɛsɩsɛmɩyɛ. Masɩ heyiɣ-ɖʋ se: “Sɔɔlɩyʋ ɖɔkʋʋ ɛ-tɩ; sɔɔlɩyʋ wazɩɣ, sɔɔlɩyʋ fɛyɩnɩ sʋsɩ [yaa ɛsɩsɛmɩyɛ.]” (1 Kɔr. 13:4) Pɩsa nɛ ɖɩkandɩyɩ ɖa-tɩ yɔɔ nɛ ɛsɩsɛmɩyɛ ɛtaañɔ ɖa-laŋɩyɛ taa lɛ, pɩcɛyaa se ɖɩñaɣ pana nɛ ɖɩwɛɛnɩ lɩmaɣza kɩbana wena Ɛsɔ wɛna yɔ, nɛ ɖɩkpaɣ ɖo-koobiya ɛzɩ ɛyaa mba pɛkɛ Yesu tomnaɣ pilinzi yɔ. Ye ɖɩwɛnɩ lɩmaɣza ana yɔ, pɩsɩɣnɩ-ɖʋ se ɖɩsɔɔlɩ ɖo-koobiya ɛzɩ Masɩ tasʋʋ-ɖʋ lɔŋ yɔ. Sɩyɔɔdʋʋ se: “Piliŋa nakɛyɛ nɩɣ leleŋ nɛ ka-hɩɖɛ sɛɣ, pilinzi kpeekpe sɩɣnɩ-kɛ leleŋ nɩʋ.” (1 Kɔr. 12:16-18, 26) Ɛsɩsɛmɩyɛ labʋ lone taa lɛ, pɩwɛɛ se ɖa-taa ɛla leleŋ alɩwaatʋ ndʋ ɖo-koobiya nabɛyɛ hikiɣ wazasɩ nasɩyɩ yɔ. Maɣzɩ Wiyaʋ Sɔɔlɩ pɩyalʋ Yonataanɩ yɔɔ nɛ ŋna. Alɩwaatʋ ndʋ paha waɖɛ Daviid se ɛkaɣ mʋʋ kewiyaɣ kpelaɣ yɔ, Yonataanɩ taalabɩ-ɩ ɛsɩsɛmɩyɛ, ɛlɛ ɛkpazɩ-ɩ ɖoŋ kɩkpazʋʋ. (1 Sam. 23:16-18) Ŋkaɣ wɛnʋʋ sɔɔlɩm nɛ camɩyɛ lakasɩ ɛzɩ Yonataanɩ yɔ?
25 AVRIL–1er MAI
ÑƖM MBƲ PƖWƐ ƐSƆTƆM TAA YƆ | 1 SAMƖYƐƐLƖ 25-26
“Ŋŋkpakɩɣ alɩwaatʋ nɛ ŋmaɣzɩɣ mbʋ ŋcaɣ labʋ yɔ pɩ-yɔɔ?”
Ɛlabɩ lɛɣtʋ lakasɩ
10 Ɛbɛ sɔɔjanaa kpekpeka tɩnaa mba, palabɩ heŋ yɔɔ cɔnɩyaa mba? Pɩɩwɛ-wɛ kɛlɛʋ yem se pamɩlɩɣ heŋ ɛnɩ kʋɖʋm kʋɖʋm nɛ pɔtɔkɩ. Ɛlɛ patɩla mbʋ. Halɩ peyeba nɛ papɩsɩ ɛzɩ koloŋa nɛ pakandɩyɩɣ Naabaalɩ heŋ nɛ ɛ-lɩmɖʋyaa pɔ-yɔɔ lakʋ taa peeɖe. (Kalɩ 1 Samɩyɛɛlɩ 25:15, 16.) Heŋ nɛ ɛ-talɩyaa pakataɣ tɩlasɩ sakɩyɛ. Alɩwaatʋ ndʋ tɩ-taa lɛ, tɔɔyɩŋ kaatɔyaa. Nɛ pɩtasɩ lɛ, pɩɩkɛ Izrayɛɛlɩ ɛjaɖɛ hadɛ kiŋ kamaɣ yɔɔ. Ye mbʋ, mɩlaa nɛ koyindinaa lɩɣaɣnɩ ajɛɛ lɛɛna taa nɛ pɔkɔŋ pa-wayɩ ɖoŋ ɖoŋ.
11 Pɩtaawɛɛ kɛlɛʋ se Daviid ɛpɩzɩ nɛ ɛcɔnɩ ɛ-ɛyaa sakɩyɛ mba pɔ-yɔɔ lakʋ taa. Pʋyɔɔ Daviid tiyi ɛyaa hiu Naabaalɩ cɔlɔ kɩyakʋ nakʋyʋ se ɛsɩnɩ-wɛ. Daviid tiyi-wɛ alɩwaatʋ kɩbandʋ yɔɔ. Pɩɩkɛ heŋ kpɛm kɔʋ alɩwaatʋ taa, alɩwaatʋ ndʋ paa weyi ɛlakaɣ kazandʋ nɛ kʋjɔŋ kɛlɛʋ yem yɔ. Daviid ñɩnɩ ɖɔɖɔ tɔm ndʋ pɩɩwɛɛ se peheyi Naabaalɩ yɔ nɛ lɛɣtʋ. Pɩɩkɛ ñamtʋ nɛ ti-luzuu tɔm. Ɛlɛ, ɛbɛ Naabaalɩ ñalaba?—1 Sam. 25:5-8.
12 Ɛkɔ pana siŋŋ! Nɛ halɩ evebu weyi ɖɩyɔɔdɩ ɛ-tɔm kiɖe tɛɛ yɔ ɛkɛdaɣ tɔm ndʋ Abigayɛɛlɩ lɛ, ɛtɔm se: “Ɛɖɔɔnɩ-wɛ.” Lɛɣdʋ sɔsɔ ɛnʋ ɛpaɣzɩ kou nɛ ewiliɣ ɛ-kpɔnʋ, ɛ-lɩm, nɛ nandʋ ndʋ ɛkʋwa yɔ tɩ-yɔɔ. Nɛ ɛtʋʋ Daviid se ɛtɩlɩɩ pʋyʋ nɛ ɛkpaɣ-ɩ nɛ ɛmaɣzɩnɩ lɩmɖʋyʋ weyi ese ɛ-tʋ cɔlɔ yɔ. Pɩtɩla yɔ, Naabaalɩ kaawɛnɩ Sɔɔlɩ weyi ɛpaɖaɣ Daviid yɔ, ɛ-lɩmaɣza na. Ɛyaa panɛ pa-naalɛ, pataawɛɛnɩ Yehowa lɩmaɣza. Ɛsɔ kaasɔɔlɩ Daviid nɛ ɛ-ɛzɩdaa lɛ, Daviid taakɛ lɩmɖʋyʋ weyi ɛkʋyɩnɩ ɛ-tʋ yɔɔ yɔ. Ɛlɛ, Daviid kaɣnɩ kɛʋ Izrayɛɛlɩ wiyaʋ.—1 Sam. 25:10, 11, 14.
Ɛlabɩ lɛɣtʋ lakasɩ
18 Etisaa se ɛ-walʋ kɩwɛɛkɩm ɛpɩsɩ ɛ-sʋʋtʋ nɛ etendi Daviid se ɛkpaɣ nɛ ekpeɣ-i. Etisaa ɖɔɖɔ se ɛ-walʋ kɛ kɩmɛlɛŋ ɛzɩ ɛ-hɩɖɛ maɣmaɣ wɩlʋʋ yɔ, nɛ eheyi Daviid se ye ɛlɛ ɛtɔm se ɛkpakɩɣ ɛ-walʋ tɔm nɛ ɛlabɩnɩ tʋmɩyɛ yɔ, episiɣ ɛ-hɩɖɛ kipisuu. Ɛnawa se Daviid kɛ Yehowa lone taa caɣyʋ. Pʋyɔɔ ɛta-ɩ liu siŋŋ nɛ ɛtɔ se Daviid yowaɣ “Kɩbaɣlʋ yoŋ” na. Ɛwɩlaa ɖɔɖɔ se ɛsɩm tamaɣ ŋga Yehowa labɩ Daviid pɩlɩɩnɩ e-kewiyitu tɔɔʋ yɔɔ yɔ, pʋyɔɔ ɛtɔm se: ‘Yehowa kaɣ-ŋ kpaʋ Izrayɛɛlɩ wiyaʋ.’ Pɩtasɩ lɛ, ɛsɔzɩ Daviid lɔŋ se ɛtaakpɛzɩ nɩŋgbaŋaɣ ŋga keyeki nɛ ɛkpɛdɩ calɩm ɖulum yɔ yaa ɛla mbʋ ‘pɩkaɣ-ɩ kɛʋ ɖɩwɩzɩyɛ ɛ-taa’ yɔ, pʋ-tɔbʋʋ lɛ se mbʋ pɩkaɣ ɛ-ɛhʋyɛ cɛyʋʋ yɔ. (Kalɩ 1 Samɩyɛɛlɩ 25:24-31.) Tɔm tʋnɛ, tɩkɛ tɔm kɩbandʋ siŋŋ nɛ titukuuni ɛyaa laŋa.
Fezuu taa ñɩm
Ɛlabɩ lɛɣtʋ lakasɩ
16 Tɔm tʋnɛ, tɩwɩlɩɣ se Abigayɛɛlɩ tɩña waɖɛ nɖɩ ɛ-walʋ wɛnɩ hɔʋ taa yɔ yaa we? Aayɩ. Tɔzɩ se Naabaalɩ yʋsɩnɩ Yehowa tɛ pata-m num, nɛ pɩpɩzaɣ se pɩkɔnɩ sɩm Naabaalɩ nɛ ɛ-hɔʋ taa mba sakɩyɛ mba patɩla nabʋyʋ yɔ pɔ-yɔɔ. Ye Abigayɛɛlɩ ɛtaakʋyɩ tɔm ndʋ tɩ-yɔɔ yɔ, pɩtaawɩlɩ se ɛ nɛ ɛ-walʋ palabɩnɩ nɔɔ se pala kɩdɛkɛdɩm mbʋ yaa we? Hɔɔlʋʋ kʋnɛ kɩ-taa lɛ, pɩɩpɔzaa se eluzi ɛ-tɩ Ɛsɔ tɛɛ nɛ pɩkɩlɩ ɛ-walʋ tɛɛ.