Ðe-wezuu caɣʋ nɛ ɖɛ-Ɛsɔ sɛtʋ kpɛlɩkʋʋ takayaɣ taa tɔm kɩñɩnɩtʋ
© 2022 Christian Congregation of Jehovah’s Witnesses
2-8 JANVIER
ÑƖM MBƲ PƖWƐ ƐSƆTƆM TAA YƆ | 2 AWIYA 22-23
«Ɛbɛ yɔɔ pɩwɛɛ se ɖɩwɛɛnɩ tɩ luzuu?»
w00 15/9 29-30
Yehowa kaalabɩ lootiye Yoziyaasɩ weyi eluzaɣ ɛ-tɩ yɔ
Tʋmlaɖaa mba pɔñɔɔzaɣ templo yɔ, pakʋyaɣ tanaŋ tɛɛ cu nɛ papaɣzɩɣ tʋmɩyɛ. Pɩtʋʋ fɛyɩ se Yoziyaasɩ kaawɛnɩ ɛsɩmɩyɛ Yehowa yɔɔ mbʋ pʋyɔɔ yɔ, eyeba nɛ tʋmlaɖaa ñɔɔzʋʋ mbʋ payɩ ɛ-cɔzɔnaa kaañamtʋ tɩnaa nabɛyɛ kaawɛɛkɩ Ɛsɔ ɖɩɣa yɔɔ yɔ. Tʋmɩyɛ wɛɛ nɛ ɖiwokini ɛsɩndaa lɛ, Safaanɩ kɔɔ se eheyi-i ɛzɩma ɖɩwɛɛ nɛ ɖɩɖɔŋ yɔ. Ɛlɛ, takayaɣ kikpiyaɣ ŋga ɛɖɔkɩ e-nesi taa mbʋ yɔ? Ɛtɔm se Cɔjɔ sɔsɔ Hilikiya lɩ «Kɩbaɣlʋ paɣtʋ takayaɣ yɔɔ, ŋga Moyizi nee kaacɛlaa yɔ.» (4 Awiya 34:12-18) Ñɩm sɔsɔm yɔɔ palɩ mbʋ yɔ—Pɩtʋʋ fɛyɩ se pɩɩkɛ paɣtʋ takayaɣ ŋga paama kiɖe tɛɛ yɔ.
Piselitaɣ Yoziyaasɩ se ewelisi tɔm ndʋ tɩɩwɛ takayaɣ ŋga ka-taa yɔ. Alɩwaatʋ ndʋ Safaanɩ kalaɣ takayaɣ ŋga yɔ, ɛñakaɣ pana se ɛna ɛzɩma paa paɣtʋ ndʋ lɛ, titukuni ɛ-maɣmaɣ nɛ ɛzɩma titukuuni ɖɔɖɔ samaɣ yɔ. Mbʋ pɩɩkɩlɩ-ɩ tukunuu yɔ lɛ ɛzɩma takayaɣ ŋga kañɩɣ niye toovenim Ɛsɔ sɛtʋ yɔɔ yɔ, nɛ ɛzɩma kawɩlaa se ye samaɣ ɛpaɣzɩ cɛtɩm Ɛsɔ sɛtʋ yɔ, pakaɣ-kɛ kpaʋ nɛ pɛɖɛnɩ yomiye taa yɔ. Lɛɛlɛɛyɔ Yoziyaasɩ nawa se samaɣ ɛɛɖɔŋ Ɛsɔ paɣtʋ kpeekpe yɔɔ, peeɖe ɛcɩyɩ e-tokonaa nɛ ɛɖʋ paɣtʋ tʋnɛ Hilikiya, Safaanɩ nɛ lalaa nɛ ɛtɔ se: ‘Iwolo nɛ ɩpɔzɩ-m Kɩbaɣlʋ, takayaɣ ŋga panawa yɔ ka-taa tɔm yɔɔ. Kɩbaɣlʋ pana paɣlaa, wena atɔlɩ ɖɔ-yɔɔ yɔ mbʋ pʋyɔɔ yɔ, ɖa-caanaa tɩɖɔkɩ Kɩbaɣlʋ tɔm se pala ndʋ ndʋ pama takayaɣ kanɛ ka-taa yɔ.’—2 Awiya 22:11-13; 4 Awiya 34:19-21.
w00 15/9 30 § 2
Yehowa kaalabɩ lootiye Yoziyaasɩ weyi eluzaɣ ɛ-tɩ yɔ
Ɛyaa mba Yoziyaasɩ tiyaa yɔ, powoba nɛ pana nayʋ halɩñɩnʋ Hulɩda nɛ pʋwayɩ lɛ, papɩsɩ nɛ peheyi Yoziyaasɩ tɔm ndʋ ɛlɛ heyi-wɛ yɔ. Hulɩda heyi-wɛ Yehowa lɩmaɣza. Ana lɛ se kʋñɔmɩŋ weyi ɩ-tɔm pɔyɔɔdɩ takayaɣ ŋga palɩ kɔ-yɔɔ yɔ ka-taa yɔ, ɩkaɣ talʋʋ ɛjaɖɛ nɖɩ ɖɩha siɣye Yehowa yɔ. Ɛlɛ ɛzɩma Yoziyaasɩ luzi ɛ-tɩ Yehowa tɛɛ yɔ pʋyɔɔ lɛ, kʋñɔmɩŋ ɛnɩ ɩɩkaɣ-ɩ tukunuu. Ɛ-sɩm wayɩ lɛ, pakaɣ-ɩ pim ɛ-cɔzɔnaa cɔlɔ laŋhɛzɩyɛ taa.—2 Awiya 22:14-20; 4 Awiya 34:22-28.
Fezuu taa ñɩm
w01 15/4 26 § 3-4
Paa ŋkatɩ kala ña-pɩjatʋ taa yɔ, pɩpɩzɩɣ nɛ piɖeni-ŋ
Wɛtʋ ndʋ tɩ-taa Yoziyaasɩ kaawɛ ɛ-pɩjatʋ taa yɔ, tɩtaakɛ kɩbandʋ; paa mbʋ yɔ, ɛkɔm nɛ ɛla mbʋ pɩwɛ ɖeu Yehowa ɛsɩndaa yɔ. Ɛɛtɔɔ kewiyitu camɩyɛ siŋŋ pʋyɔɔ Bibl yɔɔdaa se: «Wiyaʋ nɔɔyʋ taafɛyɩ ɛzɩ ɛnʋ yɔ, weyi ɛpam ɛsa nɛ Kɩbaɣlʋ nɛ ɛ-laŋɩyɛ pilim nɛ e-ciyam pilim nɛ e-ɖoŋ kpeekpe yɔ, ɛzɩ Moyizi paɣtʋ pɔzʋʋ yɔ, nɛ ɛ-wayɩ lɛ nɔɔyʋ fɛyɩ ɛzɩ ɛnʋ yɔ.»—2 Awiya 23:19-25.
Yoziyaasɩ kɩɖaʋ kɩbaŋʋ kʋnɛ kɩkpazɩɣ ɖoŋ mba payɩ paakatɩ kala pa-pɩjatʋ taa yɔ. Ɛbɛ ɖɩpɩzɩɣ nɛ ɖɩkpɛlɩkɩ ɛ-kɩɖaʋ taa? Ɛbɛ sɩnɩ Yoziyaasɩ nɛ ɛlɩzɩ nʋmɔʋ kɩbaŋʋ nɛ ɛñɔɔnɩ-kʋ kpam?
9-15 JANVIER
ÑƖM MBƲ PƖWƐ ƐSƆTƆM TAA YƆ | 2 AWIYA 24-25
«Wolo pɩ-yɔɔ nɛ ŋlakɩ tʋmɩyɛ kpɛdɛyɛ»
w01 15/2 12 § 2
Yehowa tɔm hʋʋ kɩyakʋ ñɔtɩ kpam!
2 Nayʋ Sofonii natʋ tɔm kaayeba nɛ wiyaʋ Yoziyaasɩ weyi ɛɛkɛ evebu yem yɔ, ɛna se pɩcɛyaa se ɛɖɩzɩ cɛtɩm Ɛsɔ sɛtʋ Yuuda kpeekpe taa. Ɛlɛ paa wiyaʋ ɛɛɖɩzɩ cɛtɩm Ɛsɔ sɛtʋ tɛtʋ taa yɔ, ɛtɩpɩzɩ nɛ eyele nɛ samaɣ kɩdɛkɛdɩm sɩɩ tɩnaɣ, ɛtɩpɩzɩ ɖɔɖɔ nɛ ɛlaa kɩlaŋ weyi pɩpɔzʋʋ yɔ ɛ-cɔzɔ Manaasee kɩwɛɛkɩm yɔɔ. Manaasee kaakpɛdɩ calɩm nɛ «Yeruzalɛm suni hɩlɩm nɛ nɔɔ tɩnaa calɩm.» (2 Awiya 24:3, 4; 4 Awiya 34:3) Ye mbʋ pɩtʋʋ fɛyɩ se Yehowa tɔm hʋʋ kɩyakʋ kaɣ kɔm.
w07 15/3 11 § 10
Yereemii takayaɣ taa lɩmaɣza sɔsɔna
Pɩnaɣ 607 P.P.Y. kaakɛ wiyaʋ Zedekiya kewiyitu tɔɔʋ pɩnaɣ 11 ñɩŋga. Babilɔɔnɩ Wiyaʋ Nabukodonozɔɔrɩ kɔm nɛ ɛñɛyɩ Yeruzalɛm tɛtʋ yɔ, pɩlakɩ fenasɩ 18 yɔ. Nabukodonozɔɔrɩ kewiyitu tɔɔʋ pɩnaɣ 19 ñɩŋga taa, fenaɣ kagbanzɩ ñɩŋga taa, kɩyakʋ lʋbɛ ñɩŋgʋ wiye, Nebuzaradaanɩ weyi ɛkɛ wiyaʋ yɔɔ kandɩyʋ yɔ, ‘ɛkɔma;’ pʋ-tɔbʋʋ se ɛsʋ Yeruzalɛm tɛtʋ taa. (2 Awiya 25:8) Ɛɛwɛ maalika ŋga kɛwɛ Yeruzalɛm kolonzi wayɩ yɔ, ka-taa nɛ pɩtɩla ɛkpaɣ alɩwaatʋ nɛ ɛmaɣzɩ wɛtʋ ndɩ ndɩ ndʋ tɩɩwɛ peeɖe yɔ tɩ-yɔɔ se pɩsa nɛ ɛtɩlɩ ɛzɩma ɛkpaɣna nɛ ɛyɔkɩ tɛtʋ ndʋ yɔ. Kɩyakɩŋ naadozo wayɩ ‘ɛkɔɔ’ yaa ɛsʋʋ Yeruzalɛm tɛtʋ taa. Nɛ ɛpaɣzɩ tɛtʋ ñaɣzʋʋ miŋ.—Yereemii 52:12, 13.
Fezuu taa ñɩm
w05 1/8 12 § 1
Awiya takayaɣ naalɛ ñɩŋga taa lɩmaɣza sɔsɔna
24:3, 4. Manaasee kaakpɛdɩ calɩm pɩdɩɩfɛyɩ, pʋyɔɔ ‘Yehowa kizaa se eekpeɣu’ Yuuda. Ɛyaa mba patɩla kɩwɛɛkɩm nabʋyʋ yɔ, pa-calɩm mʋ ñɩm siŋŋ Ɛsɔ ɛsɩndaa. Ða-taa pɩzɩɣ nɛ pɩtɛ se ɛkaɣ ɖɩzʋʋ mba payɩ pɛkpɛdɩ calɩm ɖulum yɔ.—Keɣsi 36:9-11; 144:20.
16-22 JANVIER
ÑƖM MBƲ PƖWƐ ƐSƆTƆM TAA YƆ | 3 AWIYA 1-3
«Bibl tɩkɛ mʋya takayaɣ, ɛlɛ kɩkɛ toovenim takayaɣ»
w09 1/9 14 § 1
Aɖam nɛ Ɛva kɛ ɛyaa mba paawɛ keekee yɔ?
Maɣzɩ Yuuda mba cɔjɔnaa liɖe yɔɔ tɔm ndʋ tɩwɛ Awiya takayaɣ naadozo ñɩŋga ñʋʋ 1 nɛ piwolo 9 nɛ Luka evaŋgilim takayaɣ ñʋʋ 3 taa yɔ tɩ-yɔɔ. Canɖaŋ 48 nɛ caɖaŋ 75 tɔm pɔyɔɔdɩ Yuuda mba liɖe yɔɔ. Nɛ tɔm ndʋ tɩwɛ takayɩsɩ nzɩ sɩ-naalɛ sɩ-taa. Luka yɔɔdɩ Yesu cɔzɔnaa tɔm, ɛlɛ Awiya takayɩsɩ naadozo ñɩŋga nɛ naanza ñɩŋga taa pɔyɔɔdɩ Izrayɛɛlɩ ɛjaɖɛ taa awiya nɛ cɔjɔnaa cejewe taa mba tɔm. Paa pɩtɩɩkɛ Luka takayaɣ taa yaa awiya takayaɣ taa yɔ, pɔyɔɔdɩ ɛyaa mba pasɩm-wɛ se paacaɣ wezuu yɔ pɔ-tɔm ɛzɩ Salomɔɔ, Daviid, Yakɔɔb, Izaakɩ, Abraham, Noowa, nɛ pɩtɛzɩnɩ Aɖam. Ɛyaa mba pɔ-tɔm pɔyɔɔdɩ takayɩsɩ nzɩ sɩ-taa yɔ paakɛ ɛyaa keekee, nɛ pɔyɔɔdaa se ɛyaa mba pa-tɩŋa pɔ-cɔzɔ lɛ Aɖam. Ye mbʋ Aɖam ɖɔɖɔ kaakɛ ɛyʋ keekee.
w08 1/6 3 § 4
Noowa nɛ tɛʋ sɔsɔʋ tɔm tɩkɛ mʋɖɛ ɛlɛ tɔm ndʋ tɩɩlabɩ toovenim taa
Pɔyɔɔdɩ ɛyaa lila ndɩ ndɩ naalɛ tɔm nɛ tɔm ndʋ tɩwɩlɩɣ se Noowa kaakɛ ɛyʋ keekee. (3 Awiya 1:4; Luka 3:36) Ɛsɩdrasɩ nɛ Luka pɔyɔɔdɩnɩ lila ana a-tɔm. Pa-naalɛ pɛkɛ ɛyaa mba patazɩɣ tɔm taa camɩyɛ yɔ. Luka yɔɔdɩ Noowa tɔm se e-liɖe taa pɔkɔma nɛ palʋlɩ Krɩstʋ
w09 1/9 14-15
Aɖam nɛ Ɛva kɛ ɛyaa mba paawɛ keekee yɔ?
Iyele nɛ ɖɩtazɩ Bibl wɩlɩtʋ ndʋ tɩ-tɔm cɛyɩ cooci woɖaa sakɩyɛ ɛsɩndaa yɔ tɩ-taa: kɩhɛyʋʋ pʋ-ñʋʋ taa. Wɩlɩtʋ ndʋ tɩtɔŋ se Yesu kpaɣ e-wezuu ŋgʋ kɩtalɩ pilim yɔ nɛ ɛlaa se pɩsa nɛ ɛlɩzɩ ɛyaa kɩdɛkɛdɩm yomiye taa. (Maatiyee 20:28; Yohanɛɛsɩ 3:16) Ɛzɩ ɖɩtɛm sɩm yɔ kɩhɛyʋʋ pʋ-ñʋʋ taa kɛ mbʋ pɛhɛyɩɣ se paya ɛyʋ nɔɔyʋ ñʋʋ yɔ; nɛ pɩpɔzʋʋ se mbʋ pɛhɛyɩɣ yɔ pɩmʋnɩ mbʋ pelesaa yɔ. Pʋyɔɔ Bibl yɔɔdɩ Yesu tɔm se ɛkɛnɩ “kɩhɛyʋʋ pʋ-ñʋʋ taa ŋgʋ kɩmʋnaa yɔ.” (1 Timootee 2:6) Ðɩpɩzɩɣ nɛ ɖɩpɔzɩ se pɩmʋnɩ we? Bibl cosaa se: «Tɩtɩm taa Aɖam yɔɔ ɛyaa kpeekpe sɩkɩ, Krɩstʋ yɔɔ pakaɣ ɖaɣnʋʋ wɛʋ pe-kpeekpe.» (1 Kɔrɛntɩ mba 15:22) Wezuu pilim ŋgʋ Yesu kpaɣaa nɛ ɛlaa se ɛya ɛyaa mba pañaŋ Ɛsɔ yɔ pa-ñʋʋ yɔ, kɩmʋnɩ wezuu pilim ŋgʋ Aɖam kaalesaa alɩwaatʋ ndʋ ɛlabɩ kɩdɛkɛdɩm Edɛɛnɩ kaɖaɣ taa yɔ. (Roma mba 5:12) Pɩnaɣ kpayɩ kpayɩ se ye Aɖam ɛtaakɛ ɛyʋ keekee yɔ pɩtaapɔzɩ se Yesu ɛkpaɣ e-wezuu nɛ ɛlaa.
Fezuu taa ñɩm
it-1 997 § 2-3
Liɖe
Halaa hɩla. Ðoŋ ɖoŋ lɛ, alɩwaatʋ ndʋ pɔyɔɔdʋʋ nɔɔyʋ liɖe taa mba tɔm yɔ paayaɣ halaa hɩla, ye pɩtɩcɛyɩ se pala mbʋ nɛ panɩɩ caanaʋ taa tɔm natʋyʋ taa yɔ. Kiɖe Tɛɛ Tɔm 11:29, 30 taa, paya Saarayi (Saara) hɩɖɛ, nɛ pɩtʋʋ fɛyɩ se palabɩ mbʋ mbʋ pʋyɔɔ yɔ ɛ-yɔɔ pɩkaɣ tɩŋnʋʋ nɛ Mesiya kɔɔ, pɩtɩkɛ Abraham halʋ lɛlʋ yɔɔ pɩkaɣ tɩŋnʋʋ. Paya Milka ɖɔɖɔ hɩɖɛ mbʋ pʋyɔɔ yɔ, ɛkɛ Izaakɩ halʋ Rebeka neze, nɛ pɩwɩlɩɣ se Rebeka kɛ Abraham hɔʋ taa tʋ, mbʋ pʋyɔɔ yɔ pɩtaapɔzɩ se Izaakɩ ɛkpaɣ ɛjaɖɛ lɛɛɖɛ naɖɩyɛ taa halʋ. (Kiɖe 22:20-23; 24:2-4) Kiɖe Tɛɛ Tɔm 25:1 taa, paya Ketura, halʋ weyi Abraham kɔma nɛ ɛkpaɣ pʋwayɩ yɔ ɛ-hɩɖɛ. Nɛ pɩwɩlɩɣ se Saara sɩm wayɩ lɛ, Abraham tasɩ kpaɣʋ halʋ. Pɩwɩlɩɣ ɖɔɖɔ se Yehowa labɩ piti lakasɩ nɛ ɛlʋlɩ Izaakɩ nɛ pɩla pɩnzɩ 40 lɛ, ɛpɩzaɣ se ɛtasɩ lʋlʋʋ. (Rom 4:19; Kiɖe 24:67; 25:20) Pɩtasɩ lɛ, hɩla wena a-tɔm pɔyɔɔdɩ hɔɔlʋʋ ŋgʋ kɩ-taa yɔ, asɩɣna se ɖɩtɩlɩ se Madiyaanɩ mba nɛ Arabiya cejewe lɛɛna taa mba palɩnɩ hɔʋ kʋɖʋmʋʋ taa.
Paya Leeya, Rasɛɛlɩ nɛ halaa lalaa mba palʋlɩ Yakɔɔb piya yɔ nɛ Yakɔɔb pɩyalaa pa-hɩla. (Kiɖe 35:21-26) Pɩsɩɣnɩ-ɖʋ se ɖɩnɩɩ mbʋ Ɛsɔ kɔma nɛ ɛla Yakɔɔb pɩyalaa mba pʋwayɩ yɔ pɩ-taa. Lɩmaɣza wena ɖɩyɔɔdɩ a-tɔm yɔ, a-yɔɔ ɖɔɖɔ nabʋyʋ taa paya halaa nabɛyɛ hɩla alɩwaatʋ ndʋ pɔyɔɔdaɣ nɔɔyʋ liɖe taa mba tɔm yɔ. Nabʋyʋ taa payaɣ halaa hɩla ye pɩpɔzʋʋ se patayɩ-wɛ pa-caa ñɩm yɔ. (Kig 26:33) Ɛlɛ Tamaarɩ, Rahaabɩ nɛ Ruti lɛ, pɔ-tɔm wɛ ŋgee. Ŋgee nʋmɔʋ nakʋyʋ yɔɔ pɩtɩŋnaa nɛ pa-taa paa weyi lɛ, ɛsʋʋ liɖe nɖɩ ɖɩ-taa Mesiya Yesu Krɩstʋ lɩnaa yɔ, ɖɩ-taa. (Kiɖe 38; Ruti 1:3-5; 4:13-15; Mt 1:1-5) Paya halaa lalaa ɖɔɖɔ hɩla alɩwaatʋ ndʋ pɔyɔɔdaɣ ɛyaa nabɛyɛ liɖe taa mba tɔm yɔ. Kɩɖaŋ nɩɩyɩ yɔ: 3 Awiya 2:35, 48, 49; 3:1-3, 5.
23-29 JANVIER
ÑƖM MBƲ PƖWƐ ƐSƆTƆM TAA YƆ | 3 AWIYA 4-6
«Ma-adɩma wɩlɩɣ se mɛnkɛ ɛyʋ weyi?»
w10 1/10 23 § 3-7
Adɩma welisiyu
Yaabɛɛzɩ kaakɛ ɛyʋ weyi ɛtɩmɩɣ siŋŋ yɔ. Ɛpaɣzɩ ɛ-adɩma lɛ, ɛpɔzɩ Yehowa se ɛwazɩ-ɩ. Wondu naadozo ndʋ ɛpɔzɩ pʋwayɩ yɔ, tɩwɩlɩɣ se e-tisuu paɣlaa pɩdɩɩfɛyɩ.
Kajalaɣ lɛ, Yaabɛɛzɩ pɔzɩ Ɛsɔ se: ‘ɛwalɩsɩ ɛ-kamasɩ.’ (Kalɩtʋ 10) Ɛɛkɛ ɛyʋ kɩbanʋ nɛ ɛtaaɖʋ ɛsɩyɛ lalaa tɛtʋ yɔɔ. Pɩtʋʋ fɛyɩ se tɔm ndʋ ɛpɔzaa yɔ tɩwɩlɩɣ se pɩtɩkɛ tɛtʋ yɔɔ ɛmaɣzaɣ, ɛlɛ ɛyaa yɔɔ. Pɩtɩla ɛpɔzaɣ Ɛsɔ se ɛwalɩsɩ ɛ-kamasɩ nɛ pɩsa nɛ Ɛsɔ sɛyaa ɖɔɔ e-egeetiye taa.
Nabʋlɛ lɛ Yaabɛɛzɩ pɔzaa se Ɛsɔ eyele nɛ ‘e-nee’ wɛɛ ɛ-cɔlɔ. Ɛsɔ nee kɛnɩ ɖoŋ weyi ɛlakɩnɩ tʋmɩyɛ nɛ ɛsɩɣnɩ ɛ-sɛyaa yɔ. (3 Awiya 29:12) Pɩsa nɛ Yaabɛɛzɩ hiɣ mbʋ e-liu wɛɛ yɔ lɛ, ɛpɩsɩnɩ Ɛsɔ yɔɔ, mbʋ pʋyɔɔ yɔ ɛnawa se Ɛsɔ nesi tɩkɩlɩ tobi nɛ ɛtɩkɛ weyi ɛɛpɩzɩɣ se ɛsɩnɩ mba pɛwɛnɩ tisuu ɛ-yɔɔ yɔ.—Izaayii 59:1.
Nabudozo lɛ Yaabɛɛzɩ tɩmaa se: «Ŋla nɛ kañatʋ ɛtaatɔyɩtɩ-m.» Pɩtɩla tɔm pee «ɛtaatɔyɩtɩ-m» wɩlɩɣ se Yaabɛɛzɩ ɛɛtɩmɩɣ se Ɛsɔ eyele nɛ kañatʋ ɛtaatalɩ-ɩ, ɛlɛ ɛtɩmɩɣ se kañatʋ ɛtaakɩlɩ wɛnʋʋ ɖoŋ ɛ-yɔɔ nɛ pɩcamɩ-ɩ.
Yaabɛɛzɩ adɩma wɩlɩɣ se toovenim Ɛsɔ sɛtʋ tɔm cɛyɩ ɛ-ɛsɩndaa nɛ ɛwɛnɩ tisuu siŋŋ weyi ewelisiɣ adɩma yɔ ɛ-yɔɔ. Ɛzɩma Yehowa cosi-i? Kɛdaɣ cikpelaɣ ŋga kɛtɛzɩnɩ tɔm tʋnɛ: «Nɛ Ɛsɔ labɩ-ɩ mbʋ ɛpɔzaa yɔ.»
Fezuu taa ñɩm
w05 1/10 9 § 7
Awiya takayaɣ naadozo ñɩŋga taa lɩmaɣza sɔsɔna
5:10, 18-22. Wiyaʋ Sɔɔlɩ alɩwaatʋ taa, cejewe wena awɛ Yɔɔrdaŋ pɔɔ wɩsɩ ɖɩlɩyɛ taa kiŋ yɔ, apɩzaa nɛ awa Hagrɩ mba paa paba ɩɩkɩlɩ-wɛ ɖɔʋ tam nabʋlɛ yɔ. Cejewe ana a-taa you laɖaa kaata Yehowa liu nɛ pañɩnɩ se ɛsɩnɩ-wɛ, mbʋ yebina nɛ pawa you. Ða-ɖɔɖɔ ɖɩtaa Yehowa liu fezuu taa you ŋgʋ ɖɩlakɩ yɔ kɩ-taa, piyeki nɛ ɖɩwa paa ɖo-koyindinaa ɩɖɔ siŋŋ nɛ pɩkɩlɩ-ɖʋ yɔ.—Efɛɛzɩ mba 6:10-17.
30 JANVIER–5 FEVRIER
ÑƖM MBƲ PƖWƐ ƐSƆTƆM TAA YƆ | 3 AWIYA 7-9
«Yehowa pɩzɩɣ nɛ ɛsɩnɩ-ŋ nɛ ŋla tʋmɩyɛ nɖɩ ɖɩwɛ kaɖɛ siŋŋ yɔ»
w05 1/10 9 § 8
Awiya takayaɣ naadozo ñɩŋga taa lɩmaɣza sɔsɔna
9:26, 27. Leevi mba, mba paakɛ nɔnɔsɩ yɔɔ ɖaŋɩyaa yɔ, pataɣaɣ-wɛ liu siŋŋ . Pɛcɛlaɣ-wɛ ñɩmɩyɛ nɖɩ patʋlʋʋnɩ nɔnɔɔ ŋga patʋlʋʋ nɛ powoki templo lone kiɖeɖeye taa yɔ. Pawɩlaa se pamʋnaa se pataa-wɛ liu mbʋ pʋyɔɔ yɔ patʋlaɣ nɔnɔsɩ paa evemiye nɖɩ. Ða lɛ paɖʋ-ɖʋ tʋmɩyɛ se ɖiwolo ɖe-egeetiye taa ɛyaa cɔlɔ se ɖɩsɩnɩ-wɛ nɛ pɛsɛɛ Yehowa. Pɩɩwɛɣ ɖeu se ɖɩwɩlɩ se ɖɩmʋnaa se pataa-ɖʋ liu ɛzɩ Leevi ñɩma mba paakɛ nɔnɔsɩ yɔɔ ɖaŋɩyaa yɔ?
w11 15/9 32 § 7
Ŋpɩzɩɣ nɛ ŋmaɣzɩnɩ Fineyaasɩ alɩwaatʋ ndʋ ŋkatɩɣ kala yɔ?
Fineyaasɩ kaalabɩ tʋma sɔsɔna siŋŋ caanaʋ taa Izrayɛɛlɩ ɛjaɖɛ taa. Ɛlɛ ɛɛpɩzaa nɛ ɛlʋbɩnɩ kala wena payɩ ɛkataa yɔ, mbʋ pʋyɔɔ yɔ ɛɛwɛ abalɩtʋ, ɛwɛɛnɩ lɔŋsɩnɖɛ nɛ ɛɛñɔnɩ ɖɔɖɔ Ɛsɔ. Fineyaasɩ kaalabɩ tʋma wena Ɛsɔ ɖʋ-ɩ yɔ a-tɩŋa camɩyɛ. Pʋyɔɔ Yehowa labɩ-ɩ lootiye. Pɩnzɩ 1 000 wayɩ lɛ, Ɛsɩdrasɩ mawa se: «Eleyaazaarɩ pɩyalʋ Fineyaasɩ kaakɛnɩ pa-ñʋʋdʋ ɖooo lɛ, Kɩbaɣlʋ ɛɛwɛ ɛ-cɔlɔ!» (3 Aw. 9:20) Tɛtɛ nɛ Yehowa sɩnɩ mba peɖiyiɣ ɛ-samaɣ sɔnɔ yɔ, nɛ Krɩstʋ mba tɩŋa mba pɛsɛɣ-ɩ nɛ siɣsiɣ wɛtʋ yɔ.
Fezuu taa ñɩm
w10 15/12 21 § 6
Tee hendu Yehowa!
6 Toovenim Yehowa kaatɩŋnɩ ɛ-nayaa yɔɔ nɛ eseɣti ɛ-sɛyaa se petee hendu nɛ pasamnɩ-ɩ. Halɩ hendu teyaa mba pɛkɛ cɔjɔnaa cejewiye taa mba yɔ, halɩ pataatasɩɣ labʋ tʋma lɛɛna wena Leevi mba lakaɣ yɔ. Palabɩ ɖʋtʋ ndʋ se pɩsa nɛ pehiɣ alɩwaatʋ nɛ polu hendu, pɔñɔɔzɩ-tʋ camɩyɛ nɛ pahayɩsɩ pa-tɩ nɛ papɩzɩ nɛ petee-tʋ.—3 Aw. 9:33.
6-12 FEVRIER
ÑƖM MBƲ PƖWƐ ƐSƆTƆM TAA YƆ | 3 AWIYA 10-12
«Kpazɩ ɖoŋ sɔɔlɩm mbʋ ŋwɛna se ŋla Ɛsɔ sɔɔlɩm yɔ»
w12 15/11 6 § 12-13
«Kpɛlɩkɩ-m ñɔ-sɔɔlɩm labʋ»
12 Paɣtʋ kila wena aawɛ Moyizi Paɣtʋ taa yɔ, Daviid kaasɔɔlɩ a-tɔm nɛ ɛñɩnaɣ se ɛlabɩnɩ-yɛ tʋmɩyɛ. Na mbʋ pɩɩlaba alɩwaatʋ ndʋ Daviid kaasɔɔlaa se ɛñɔɔ «Bɛtɩlɛhɛm lɩm kpou ŋgʋ kɩwɛ nɔnɔɔ taa yɔ, kɩ-taa lɩm yɔ.» Daviid sɔɔjanaa naadozo sʋnɩ ɖoŋ Filistii mba tɛtʋ taa nɛ pɔkɔnɩ-ɩ lɩm se ɛñɔɔ. Ɛlɛ Daviid kizi se ɛɛñɔʋ-pʋ, ‘elizi-pʋ Kɩbaɣlʋ na’. Ɛbɛ yɔɔ? Daviid lɩzɩ pɩ-taa se: «Mɛ-Ɛsɔ ɛɖaŋɩ-m nɛ mantaala mbʋ nɛ mɔñɔɔ ɛyaa panɛ yɔ pa-calɩm, mbʋ pʋyɔɔ yɔ peleɣzi pe-wezuu sɩm se pɔkɔnɩ-m lɩm.»—3 Aw. 11:15-19.
13 Daviid nawa se paɣtʋ taa lɛ pɩtɩpɔzɩ se pɔtɔɔ calɩm ɛlɛ pɩwɛɛ se pelizi-pʋ Yehowa. Ɛɛnɩ ɖɔɖɔ mbʋ pʋyɔɔ pɩwɛɛ se pala mbʋ yɔ pɩ-taa. Daviid nawa se tomnaɣ «wezuu wɛ calɩm taa.» Ɛlɛ lɩm paha-ɩ se ɛñɔɔ pɩtɩkɛ calɩm. Ɛbɛ yɔɔ Daviid kizaa se ɛɛñɔʋ-pʋ? Paɣtʋ ndʋ paaɖʋwa pɩlɩɩnɩ calɩm yɔɔ yɔ, ɛnɩ paɣtʋ kiɖe nɖɩ ɖɩwɛ paɣtʋ ndʋ tɩ-taa yɔ ɖɩ-taa camɩyɛ. Daviid ɛsɩndaa lɛ, lɩm mbʋ pɩɩmʋ ñɩm siŋŋ ɛzɩ ɛ-sɔɔjanaa naadozo mba pa-calɩm yɔ. Pʋyɔɔ ɛtaapɩzɩɣ se ɛñɔɔ lɩm mbʋ. Ɛkɔ tɔm ñʋʋ se pɩpɔzʋʋ se ɛpɩyɩ lɩm mbʋ tataa.—Lev. 17:11; Wp. 12:23, 24.
Kpaɣ Ɛsɔ paɣtʋ nɛ ɛ-paɣtʋ kila nɛ ŋfalɩsɩnɩ ñɛ-ɛhʋyɛ
5 Pɩsa nɛ Ɛsɔ paɣtʋ wazɩ-ɖʋ lɛ, tɩ-kalʋʋ yem yaa tɩ-tɩlʋʋ tɩmaɣ. Ɛlɛ pɩwɛɛ se ɖiyele nɛ sɔɔlɩm nɛ ñamtʋ ndʋ ɖɩwɛnɩ paɣtʋ ndʋ tɩ-yɔɔ yɔ, pɩpaɣlɩ. Bibl yɔɔdaa se: «Ɩpaɖɩ kɩdɛkɛdɩm nɛ ɩsɔɔlɩ kɩbandʋ.» (Am. 5:15) Ɛlɛ ɛzɩma ɖɩpɩzɩɣ nɛ ɖɩla mbʋ? Pɩwɛɛ se ɖiyele nɛ ɖa-lɩmaɣza la nɔɔ kʋɖʋmaɣ nɛ Yehowa ñɩna. Ðɩkpaɣ kɩɖaʋ kʋnɛ: Kpaɣ se pɩwɛ-ŋ kaɖɛ se ŋɖoo camɩyɛ. Nɛ ɖɔkɔtɔ nɔɔyʋ heyi-ŋ se pɩsa nɛ ŋɖoo camɩyɛ lɛ, paɣtʋ ndʋ ɛɖʋʋ-ŋ tɔɔnaɣ tɔɔʋ, hola aleɣya labʋ nɛ wezuu caɣʋ hɔɔlɩŋ lɛɛŋ taa yɔ, pɩwɛɛ se ŋɖɔ tɩ-yɔɔ. Ŋɖɔm paɣtʋ ndʋ tɩ-yɔɔ lɛ, ŋna se ŋpaɣzɩ ɖou camɩyɛ! Pɩtʋʋ fɛyɩ se ŋkaɣ wɩlʋʋ ñɛ-ɛsɩmɩyɛ ɖɔkɔtɔ ɛnʋ mbʋ pʋyɔɔ yɔ, ɛsɩnɩ-ŋ nɛ ŋnɩɩ wezuu leleŋ nɛ pɩkɩlɩ.
6 Mbʋ ɖɔɖɔ ɖa-Lɩzɩyʋ ɖʋ-ɖʋ paɣtʋ se pɩkandɩyɩ ɖɔ-yɔɔ nɛ ɖɩtaasʋʋ kʋñɔmɩŋ weyi kɩdɛkɛdɩm kɔŋna yɔ ɩ-taa, nɛ paɣtʋ ndʋ tɩsɩɣnɩ-ɖʋ ɖɔɖɔ se ɖɩnɩɩ wezuu caɣʋ leleŋ. Maɣzɩ wazasɩ nzɩ ɖihikiɣ alɩwaatʋ ndʋ ɖɩɖɔŋ Bibl paɣtʋ ndʋ tɩtɔŋ se ɖikizi cɛtɩm, tɩgbayɩtʋ maɣzɩm, mɩlɩm, kʋzʋʋ kɩdɛkɛdʋʋ, ñam ñam lakasɩ nɛ feziŋ kɩdɛkɛdɩŋ yaʋ yɔ, sɩ-yɔɔ nɛ ŋna. (Kalɩ Aduwa 6:16-19; Natʋ 21:8) Alɩwaatʋ ndʋ ɖɩlakɩ mbʋ pɩkɛdɩnɩ Yehowa nɛ ɖɩnaɣ se pɩkɔŋnɩ-ɖʋ wazasɩ sakɩyɛ yɔ, piyeki nɛ sɔɔlɩm mbʋ ɖɩwɛnɩ Yehowa nɛ ɛ-paɣtʋ yɔɔ yɔ pɩwɛɛ nɛ pɩpaɣlɩɣ.
Fezuu taa ñɩm
it-1 492 § 2-3
Laŋɩyɛ
Sɛɛ Ɛsɔ «nɛ laŋɩyɛ pilim.» Pɩpɔzʋʋ se tomnaɣ yɔɔ laŋɩyɛ ɛwɛɛ pilim pʋcɔ nɛ ɖɩla tʋmɩyɛ camɩyɛ. Ɛlɛ fezuu taa laŋɩyɛ pɩzɩɣ nɛ ɖɩtayɩ. Daviid labɩ adɩma se: «Ha-m laŋɩyɛ kʋɖʋmɖɩyɛ nɛ maña ña-hɩɖɛ» nɛ pɩwɩlɩɣ se sɔɔlɩm yaa sɔɔndʋ ndʋ pɩwɛɛ se ɛyʋ ɛwɛɛna yɔ pɩ-hɔɔlʋʋ taa lɛ, ɛyʋ laŋɩyɛ taa pɩzɩɣ nɛ pɩtayɩ. (Keɣa 85:11) Weyi ɛ-laŋɩyɛ taa tayaa yɔ, ɛwɛ tɛlɛmɛɛ pʋ-tɔbʋʋ se ɛɛsɛɣ Ɛsɔ nɛ kpekpeka. (Keɣa 119:113; Nat 3:16) Ɛyʋ pɩzɩɣ ɖɔɖɔ nɛ ɛwɛɛnɩ laŋɩyɛ nɖɩ ɖɩfɛyɩ pilim yɔ, pʋ-tɔbʋʋ lɛ se ɛñakɩ pana se ɛsɛɛ caanaa naalɛ yaa ɛkɛ nɔsɩ naalɛ tʋ nɛ ɛyɔɔdʋʋ tɔm ndʋ tɩɩlɩɣnɩ ɛ-laŋɩyɛ taa yɔ. (3Aw 12:33; Keɣa 11:3) Ɛyaa mba pɛkɛ pɩ-tɛɛ nɛ pɩ-yɔɔ tɩnaa yɔ, Yesu kʋ pɔ-tɔm se pɛ-wɛtʋ fɛyɩ ɖeu paa ññɩɩ.—Mt 15:7, 8.
Weyi ɛsɔɔlaa se ɛ-tɔm ɛkɛdɩnɩ Ɛsɔ yɔ, pɩfɛyɩ se ɛwɛnɩ laŋɩyɛ nɖɩ ɖɩ-taa tayaa yɔ yaa nɖɩ ɖɩfɛyɩ pilim yɔ, ɛlɛ pɩwɛɛ se ɛwɛnɩ laŋɩyɛ nɖɩ ɖɩwɛ pilim yɔ. (3Aw 28:9) Pɩpɔzʋʋ pana ñaɣʋ siŋŋ mbʋ pʋyɔɔ yɔ laŋɩyɛ kɛ cɛtɩyʋ nɛ ɖituyuu ɛyaa se pala kɩdɛkɛdɩm. (Yer 17:9, 10; Kiɖe 8:21) Pɩsa nɛ ɖiwolo pɩ-yɔɔ nɛ ɖɩwɛɛnɩ laŋɩyɛ nɖɩ ɖɩwɛ pilim yɔ lɛ, pɩpɔzʋʋ se ɖɩtɩmɩɣ nɛ ɖiheyiɣ Ɛsɔ tɔm ndʋ tɩwɛ ɖa-laŋɩyɛ taa yɔ (Keɣa 118:145; Witu 3:41), ɖɩkpɛlɩkɩɣ Ɛsɔtɔm ɖoŋ ɖoŋ (Ɛsd 7:10; Adu 15:28), ɖisusuu tɔm kɩbandʋ nɛ kpekpeka (kpaɣ-tʋ nɛ ŋmaɣzɩnɩ Yer 20:9), nɛ ɖa nɛ ɛyaa lalaa mba pɛwɛnɩ laŋa pilim Yehowa ɛsɩndaa yɔ, ɖikpeɣliɣ nɛ ɖɩkpazɩɣ ɖama ɖoŋ.—Kpaɣ-tʋ nɛ ŋmaɣzɩnɩ 2Aw 10:15, 16.
13-19 FEVRIER
ÑƖM MBƲ PƖWƐ ƐSƆTƆM TAA YƆ | 3 AWIYA 13-16
«Ye ɖɩɖɔŋ paɣtʋ yɔɔ yɔ piɖeɣni-ɖʋ»
w03 1/5 10-11
‘Ŋpɔzʋʋ ña-tɩ se Yehowa wɛ le?’
12 Papɩsɩnɩ ɛgbɛyɛ aɖakaɣ Izrayɛɛlɩ mba lɛ, pasɩɩ-kɛ Kiriyatɩ Yeyarim pɩnzɩ sakɩyɛ. Ɛlɛ pʋwayɩ lɛ, Daviid kpaɣ lɩmaɣzɩyɛ se ewokini-kɛ Yeruzalɛm. Ekpeɣli samaɣ ñʋndɩnaa nɛ eheyi-wɛ se ɛkɛzɩɣ aɖakaɣ lone, ‘ye pɩkɛdɩnɩ-wɛ nɛ ye tɔm ndʋ ɛyɔɔdʋʋ yɔ tɩlɩɣnɩ Yehowa cɔlɔ yɔ.’ Ɛlɛ ɛtɩkpaɣ alɩwaatʋ nɛ ɛtazɩ camɩyɛ se ɛtɩlɩ lɩmaɣza wena Yehowa wɛnɩ tɔm ndʋ tɩ-yɔɔ yɔ. Ye ɩɩlabɩ mbʋ yɔ pataatɩnɩ aɖakaɣ kɛɛkɛɛ nakʋyʋ yɔɔ. Leevi ñɩma mba palɩnɩ Kehaatɩ hɔʋ taa yɔ mba kaakpaɣnɩ-kɛ pa-hazasɩ yɔɔ ɛzɩ Yehowa pɔzʋʋ se pala yɔ. Daviid pɩsaɣnɩ Yehowa yɔɔ ɖoŋ ɖoŋ nɛ ɛpɔzʋʋ-ɩ mbʋ ɛsɔɔlaa se ɛla yɔ, ɛlɛ hɔɔlʋʋ kʋnɛ kɩ-taa lɛ ɛtɩla mbʋ. Piyeba nɛ pɩkɔnɩ kaɖɛ sɔsɔɖɛ kpem. Daviid kɔm nɛ ɛyɔɔdɩ pʋwayɩ se: «Kɩbaɣlʋ Izrayɛɛlɩ tɛ Ɛsɔ mabɩ-ɖʋ; mbʋ pʋyɔɔ yɔ ɖɩtɩñamɩ-ɩ, ɛzɩ pɩpɔzʋʋ yɔ.»—3 Awiya 13:1-3; 15:11-13; Kɩgalʋʋ 4:4-6, 15; 7:1-9.
w03 1/5 11 § 13
‘Ŋpɔzʋʋ ña-tɩ se Yehowa wɛ le?’
13 Pʋwayɩ Leevi mba kɔm nɛ pakpaɣ aɖakaɣ Obɛɛdɩ Edom ɖɩɣa taa nɛ pɔkɔnɩ Yeruzalɛm lɛ, Daviid lu hendu natʋyʋ nɛ samaɣ tee-tʋ. Hendu ndʋ tɩ-taa pɔtɔzɩ tɔm kɩcɛyɩtʋ tʋnɛ tɩ-yɔɔ: ‘Ɩñɩnɩ Kɩbaɣlʋ nɛ e-ɖoŋ, Ɩñɩnɩ ɛ-ɛsɩndaa naʋ tam. Ɩtɔzɩ ɛ-tʋma kɩbana wena ɛlaba yɔ a-yɔɔ, e-piti lakasɩ yɔɔ nɛ ɛ-nɔɔ tɔm hʋʋ yɔɔ.’—3 Awiya 16:11, 12.
Fezuu taa ñɩm
w14 15/1 10 § 14
Sɛɛ tam tam wiyaʋ Yehowa
14 Daviid kɔnɩ ɛgbɛyɛ ɖʋʋ aɖakaɣ kiɖeɖeɣa Yeruzalɛm. Pɩɩkɛ taa leleŋ alɩwaatʋ, nɛ Leevi mba tee samtʋ hendu natʋyʋ alɩwaatʋ ndʋ tɩ-taa. Pama hendu ndʋ tɩ-taa tɔm kɩcɛyɩtʋ natʋyʋ 3 Awiya 16:31 taa. Pamawa se: «Posusi ajɛɛ taa se: ‘Kɩbaɣlʋ tɔkɩ kewiyaɣ’ [Yehowa pɩsɩ Wiyaʋ. nwt<u202F>]» Nɔɔyʋ pɩzɩɣ nɛ ɛpɔzɩ ɛ-tɩ se: ‘Ye Yehowa ɛkɛnɩ tamtam Wiyaʋ yɔ, ɛbɛ yɔɔ pɔtɔŋ se ɛpɩsɩ Wiyaʋ alɩwaatʋ ndʋ tɩ-taa?’ Pɔtɔm se Yehowa pɩsɩ Wiyaʋ alɩwaatʋ natʋyʋ yɔ, pʋ-tɔbʋʋ lɛ se ɛwɩlɩ e-kewiyitu ɖoŋ yaa ɛlɩzɩ nɔɔyʋ se ɛlɛɣzɩ e-lone taa alɩwaatʋ ndʋ tɩ-taa. Ye mbʋ, pɩcɛyɩ siŋŋ se ɖɩtɩlɩ ɛzɩma Yehowa pɩsɩɣ Wiyaʋ yɔ. Pʋcɔ nɛ Daviid sɩkɩ lɛ, Yehowa ta-ɩ liu se e-kewiyitu tɔɔʋ kaɣ wɛʋ tam. Ɛyɔɔdaa se: «Mankaɣ lɩzʋʋ ñe-liɖe ña-wayɩ, nɖɩ ɖɩkaɣ lɩʋ nɛ ña-taa yɔ; nɛ mankaɣ ɖi-kewiyaɣ ɖoŋ kpazʋʋ.» (2 Sam. 7:12, 13) Pɩlabɩ ɛzɩ pɩnzɩ 1<u202F>000 mbʋ yɔ pʋwayɩ lɛ, Daviid «liɖe» taa tʋ ɛnʋ, ɛlɩɩ. Anɩ pɩɩkɛnaa? Nɛ ɛzɩmtaa ɛkɔm nɛ ɛpɩsɩ Wiyaʋ?
20-26 FEVRIER
ÑƖM MBƲ PƖWƐ ƐSƆTƆM TAA YƆ | 3 AWIYA 17-19
«Wolo pɩ-yɔɔ nɛ ŋwɛɛ taa leleŋ taa paa pitibi-ŋ yɔɔɔ yɔ»
w06 15/7 19 § 1
Ka ña-lɩmaɣza tʋma kɩbana wena Yehowa ɛgbɛyɛ lakɩ yɔ a-yɔɔ
CAANAƲ taa ɛyaa kɩbama mba pɔ-tɔm pɔyɔɔdɩ Ebree Masɩ taa yɔ, pa-taa lɛlʋ lɛ Daviid. Ɛɛkɛ ninɖiɣyu, cɩmʋʋ maɖʋ, nayʋ nɛ wiyaʋ weyi ɛtaɣaɣ Yehowa liu yɔ. Daviid kaañɔnɩ Yehowa kpam, pʋyɔɔ ɛkpaɣ lɩmaɣzɩyɛ se ɛmaɣ ɖɩɣa nakɛyɛ Ɛsɔ. Ðɩɣa ŋga, ŋga kaɣnɩ kɛʋ templo ŋgʋ kɩ-taa Izrayɛɛlɩ mba kpeekpe kaɣ labʋ kele kele sɛtʋ yɔ. Daviid kaanawa se ɖʋtʋ ndʋ payɩ pɛwɛɛ nɛ palakɩ pɩlɩɩnɩ templo yɔɔ yɔ, tɩkaɣ kɔnʋʋ taa leleŋ nɛ wazasɩ samaɣ. Pʋyɔɔ ete hendu se: «Koboyaɣ tʋ lɛ weyi ŋlɩzɩ-ɩ nɛ ŋyaa-ɩ yɔ, ɛwɛɣ ña-sakaɣ tɛɛ tam. Ðɩtɔɔ Kɩbaɣlʋ ɖɩɣa taa ñɩm nɛ pɩtalɩ-ɖʋ camɩyɛ, e-templo taa haɖɛ kiɖeɖeye ɛhaɣzɩ-ɖʋ.»—Keɣa 64:5.
Ña-taa ɛla leleŋ nɛ wala wena ŋwɛna yɔ
11 Ða ɖɔɖɔ, ye ɖɩkaŋ ñʋʋ nɛ tʋma wena paɖʋʋ-ɖʋ Yehowa sɛtʋ taa yɔ, ɖɩpɩzɩɣ nɛ ɖihiɣ taa leleŋ nɛ pɩkɩlɩ. ‘Ñɛ-ɛsɩyɛ ɛsɛɛnɩ’ tɔm susuu tʋmɩyɛ, nɛ ŋɖʋ nesi ɛgbɛyɛ taa tʋma kiya. (Tʋma 18:5; Ebr. 10:24, 25) Woki kediɣzisi, ñɔɔzɩ-sɩ camɩyɛ nɛ ŋpɩzɩ nɛ ŋcosi tɔm ndʋ tɩkpazɩɣ koobiya ɖoŋ yɔ. Kpɩtaʋ hɛkʋ taa kediɣzaɣ taa sukulibiya tʋma wena payɩ paɖʋʋ-ŋ yɔ, kpaɣ-yɛ se a-tɔm cɛyaa. Ye pɔpɔzɩ-ŋ se ŋsɩna nɛ pala tʋmɩyɛ naɖɩyɛ ɛgbɛyɛ taa yɔ, labɩ-ɖɩ alɩwaatʋ yɔɔ nɛ ŋwɩlɩ se papɩzɩɣ nɛ pata-ŋ liu. Paa pɩtɩɩkɛ tʋmɩyɛ nɖɩ paɖʋ-ŋ yɔ, taamaɣzɩ se ɖɩ-tɔm tɩcɛyɩ nɛ ɖɩtɩmʋna se ŋkpaɣ ña-alɩwaatʋ nɛ ŋlabɩ-ɖɩ. Ñaɣ pana nɛ ŋwɛɛ niye nɛ pɩkɩlɩ. (Adu. 22:29) Alɩwaatʋ ndʋ ŋkaŋ ñʋʋ nɛ fezuu taa tʋma nɛ tʋma wena paɖʋʋ-ŋ yɔ a-labʋ nɛ pɩkɩlɩ yɔ, ŋkaɣ wobinuu ɛsɩndaa lɛɛ lɛɛ nɛ pɩkɩlɩ; nɛ ŋkaɣ hiɣu taa leleŋ nɛ pɩkɩlɩ. (Gal. 6:4) Pɩtasɩ lɛ, pɩkaɣ-ŋ wɛʋ kɛlɛʋ se ña-taa ɛla leleŋ nɛ ɛyaa lalaa alɩwaatʋ ndʋ pahaɣ-wɛ waɖɛ naɖɩyɛ, paa ŋŋsɔɔlaa se paha-ŋ ɖɩ yɔ.—Roma 12:15; Gal. 5:26.
Fezuu taa ñɩm
w20.02 12, aɖakaɣ
Ðɩsɔɔlɩ ɖa-Caa Yehowa siŋŋ
Ɛzɩ Yehowa maɣzɩɣ mɔ-yɔɔ?
Wiɖiyi ŋtɛm ña-tɩ pɔzʋʋ se: ‘Ɛyaa miiliyaarɩwaa sakɩyɛ wɛnɩ tɛtʋ yɔɔ; ye mbʋ, ɛbɛ yɔɔ Yehowa maɣzɩɣ mɔ-yɔɔ?’ Ɛyaa kɩbama sakɩyɛ tɛm pa-tɩ pɔzʋʋ tɔm ndʋ. Wiyaʋ Daviid mawa se: “[Yehowa], ɛyʋ kɛ we pɩŋŋ nɛ ŋsɩŋɩ-ɩ, yaa ɛyʋ sɩkʋʋ kɛ we nɛ ŋmaɣzɩɣ ɛ-yɔɔ?” (Keɣa 143:3) Daviid taa kaatɛma se Yehowa sɩmɩ-ɩ camɩyɛ. (3 Aw. 17:16-18) Yehowa tɩŋɩɣnɩ ɛ-Tɔm nɛ ɛ-ɛgbɛyɛ pɔ-yɔɔ nɛ eyeki se ña-taa ɛtɛ se ɛnaɣ sɔɔlɩm mbʋ ŋwɛnɩ ɛ-yɔɔ yɔ. Yele nɛ ɖɩna Bibl taa tɔm ndʋ tɩpɩzɩɣ tɩsɩnɩ-ŋ nɛ ña-taa tɛmnɩ tɔm ndʋ yɔ tɩ-taa natʋyʋ.
• Halɩ pʋcɔ nɛ palʋlʋʋ-ŋ lɛ, Yehowa kaatɛmɩ-ŋ sɩm.—Keɣa 138:16.
• Yehowa sɩm mbʋ pɩwɛ ña-laŋɩyɛ taa yɔ, nɛ ɛsɩm ndʋ ŋmaɣzɩɣ yɔ.—3 Aw. 28:9.
• Yehowa welisiɣ adɩma wena ŋlakɩ yɔ a-tɩŋa.—Keɣa 65:19.
• Mbʋ ŋlakɩ yɔ, pɩpɩzɩɣ nɛ pɩɖʋ Yehowa ɖɩwɩzɩyɛ yaa pɩha-ɩ taa leleŋ.—Adu. 27:11.
• Yehowa maɣmaɣ hɔmnɩ-ŋ nɛ ɛkɔnɩ ɛ-cɔlɔ.—Yoh. 6:44.
• Ye ŋsɩba yɔ, Yehowa sɩmɩ-ŋ camɩyɛ nɛ ɛwɛnɩ ɖoŋ se ɛkaɣ-ŋ fezuu. Ɛkaɣ-ŋ haʋ tomnaɣ kɩfalaɣ nɛ maɣzɩm kɩfam mbʋ pɩwɛɛ ɖeyi ɖeyi ɛzɩ mbʋ ŋwɛnɩ lɛɛlɛɛyɔ yɔ. Ŋkaɣ tɔzʋʋ mbʋ payɩ pɩ-yɔɔ ŋmaɣzaɣ yɔ pɩ-yɔɔ, nɛ ŋwɛɛnɩ ɛyʋtʋ ndʋ ŋŋwɛna yɔ.—Yoh. 11:21-26, 39-44; Tʋma 24:15.
27 FEVRIER–5 MARS
Ñɩm mbʋ pɩwɛ Ɛsɔtɔm taa yɔ | 3 AWIYA 20-22
«Sɩnɩ piya evelisi nɛ piɖeni-sɩ sɩ-wezuu caɣʋ taa»
‘Ndʋ ŋnɩ mɔn-cɔlɔ yɔ, wɩlɩ-tʋ ɛyaa siɣsiɣ tɩnaa’
8 Kalɩ 3 Awiya 22:5. Pɩtɩla yɔ, Daviid maɣzaa se Salomɔɔ ɛɛpɩzɩɣ nɛ ɛcɔnɩ tʋmɩyɛ sɔsɔɖɛ nɖɩ ɖɩ-yɔɔ; mbʋ pʋyɔɔ yɔ pɩɩwɛɛ se templo ŋgʋ, kɩpaɣlɩ siŋŋ nɛ kɩwɛɛ kajʋka. Ŋgʋ, alɩwaatʋ ndʋ tɩ-taa lɛ, Salomɔɔ kaakɛ «pɩɣa ɛjam yem» nɛ ɛtaawɛɛnɩ lɛɣtʋ sakɩyɛ. Paa mbʋ yɔ, Daviid kaanawa se Yehowa pɩzɩɣ nɛ ɛsɩnɩ Salomɔɔ nɛ ɛla tʋmɩyɛ nɖɩ ɛɖʋ-ɩ yɔ. Pʋyɔɔ ɛñaɣ pana nɛ ɛñɔɔzɩ wondu sakɩyɛ se pɩsɩnɩ Salomɔɔ.
‘Ndʋ ŋnɩ mɔn-cɔlɔ yɔ, wɩlɩ-tʋ ɛyaa siɣsiɣ tɩnaa’
7 Paa paaheyi Daviid se pɩtɩkɛ ɛnʋ kaɣnɩ maʋ templo yɔ, pitibi-i yɔɔɔ nɛ ekizi se ɛɛsɩɣna nɛ pama-kʋ. Pɔkɔm nɛ pama templo ŋgʋ lɛ, patɩyaa-kʋ se Daviid tɛ templo, ɛlɛ paya-kʋ se Salomɔɔ tɛ templo. Daviid tɩkɔ pana se pʋyɔɔ patɩha-ɩ waɖɛ se ɛma templo, ɛlɛ ɛɖʋ nesi nɛ pama-kʋ. Ɛñɔɔzɩ tʋmlaɖaa tindima ndɩ ndɩ nɛ ekpeɣli ñɩɣtʋ, liidiye, sika nɛ hɛɛmʋʋ kpoŋgbolonaa. Pʋwayɩ lɛ, eseɣti Salomɔɔ nɛ eheyi-i se: «Mbʋ lɛ lɛɛlɛɛyɔ, man-pɩyalʋ, [Yehowa] ɛwɛɛ ñɔ-cɔlɔ; nɛ ɛla nɛ ŋwɛɛnɩ ñɩm nɛ ŋpɩzɩ ŋma camɩyɛ ɖeu [Yehowa] ɖɩɣa ɛzɩ ɛyɔɔdʋʋ ñɔ-tɔm yɔ.»—3 Aw. 22:11, 14-16.
Lʋlɩyaa, iɖiɣni mi-piya sɩnʋʋ se sɩɖɛɛnɩ ɛsɩndaa nɛ pamɩyɩsɩ-sɩ lɩm na?
14 Ɛzʋtʋyaa kɛnɩ fezuu taa ninɖiɣyaa, pʋyɔɔ lɛ papɩzɩɣ nɛ paɖʋ nesi lʋlɩyaa pɩtɩŋnɩ ɛzɩma peseɣtiɣ piya se sɩwɛɛnɩ fezuu taa kaɖʋsɩ yɔ. Koobu halɩñɩnʋ, ɛlabɩ nʋmɔʋ lɩzʋʋ tʋmɩyɛ nɛ pɩcɛzɩ pɩnzɩ 70; ɛyɔɔdaa se alɩwaatʋ ndʋ ɛɛwɛnɩ pɩnzɩ 6 yɔ, ɛ nɛ koobu Charles Russell paalabɩ faawɩyɛ nakʋyʋ nɛ pɩsɩnɩ-ɩ pɩdɩɩfɛyɩ. Ɛkɛdaa se: «Ɛɛkpaɣ cɛcɛsɩ 15 nɛ ma nɛ ɩ ɖɩyɔɔdɩ fezuu taa kaɖʋsɩ nzɩ mɛwɛna yɔ sɩ-tɔm.» Toovenim, ye ɖɩtɩŋɩɣnɩ tɔm pee kɩbana nɛ lɩmaɣza kɩbana yɔɔ nɛ ɖɩkpazɩɣ lalaa ɖoŋ yɔ, pɩpɩzɩɣ nɛ pɩwazɩ-wɛ pɩnzɩ nɛ pɩnzɩ. (Adu. 25:11) Ɛzʋtʋyaa pɩzɩɣ nɛ pala ɖʋtʋ ɖɔɖɔ nɛ lʋlɩyaa nɛ pe-piya paɖʋʋ nesi Kewiyaɣ Kpaaŋ taa tʋma. Ɛzʋtʋyaa pɩzɩɣ nɛ paɖʋ piya tʋma wena amaɣnɩ si-ɖoŋ ɖeɖe yɔ.
15 Ɛzɩma ɛgbɛyɛ taa koobiya lalaa pɩzɩɣ nɛ pasɩnɩ piya nɛ piya evelisi? Pɩwɛɛ se pa sɩ paɖʋ taabalɩyɛ. Ñaɣ pana nɛ ŋyʋsɩ mbʋ sɩlakɩ nɛ pɩwɩlɩɣ se siwokini ɛsɩndaa fezuu taa yɔ. Ɛzɩ pɩɣa nakɛyɛ cosi tɔm yɔɔ camɩyɛ yaa kalabɩ tʋmɩyɛ nɖɩ paha-kɛ kpɩtaʋ hɛkʋ taa kediɣzaɣ taa yɔ camɩyɛ na? Yaa kɔɖɔkɩ ka-tɩ camɩyɛ takɩm nabʋyʋ taa? Yaa katɩŋnɩ nʋmɔʋ nakʋyʋ yɔɔ nɛ kosusi tɔm sukuli taa? Pɩcɛyaa se ŋsam-kɛ. Pɩwɛɣ ɖeu se ŋñɩnɩ alɩwaatʋ nɛ ña nɛ kɛ ɩla faawɩyɛ pazɩ pʋcɔ nɛ kediɣzaɣ paɣzɩ yaa kediɣzaɣ tɛŋ lɛ, nɛ kana se ŋsɔɔlɩ kɔ-tɔm. Ye ŋtɩŋɩɣnɩ nʋmɔŋ ɛnɩ ɩ-yɔɔ nɛ lɛɛŋ ɖɔɖɔ yɔɔ yɔ, piyeki nɛ piya nɛ piya evelisi na se nzɩ ɖɔɖɔ sɩwɛ Ɛsɔ «samaɣ sɔsɔɔ» hɛkʋ taa.—Keɣa 34:18.
Fezuu taa ñɩm
w05 1/10 11 § 6
Awiya takayaɣ naadozo ñɩŋga taa lɩmaɣza sɔsɔna
21:13-15. Yehowa nɩɣ ɛ-samaɣ siziŋ, pʋyɔɔ eheyi Ɛsɔ tiyiyu se eyele nɛ kɩjɩkpʋʋ ŋgʋ kɩsɩɩ tɩnaɣ. Toovenim taa lɛ, «ɛ-pʋtɔdɩyɛ naʋ ɖɔwa.»