Toovenim tɔm ndʋ ɖɩsɔɔlɩ wɩlʋʋ yɔ

Yesu yɔɔdaa se mba pɛkɛ laŋa kɩbana tɩnaa yɔ pakaɣ ɖiɣzinuu toovenim tɔm alɩwaatʋ ndʋ panɩɣ-tʋ yɔ. (Yoh. 10:​4, 27) Pʋyɔɔ lɛ, alɩwaatʋ ndʋ payɩ ɖa nɛ ɛyaa ɖɩlakɩ kɛdaɣ yɔ, ɖɩsɔɔlaa se ɖiheyi-wɛ Bibl taa toovenim tɔm kɛlɛʋ ñɩndʋ natʋyʋ. Tɩŋnɩ tɔm pɔzʋʋ kɛlɛʋ ñɩmbʋ nabʋyʋ yɔɔ ɛzɩ: «Ŋnawa se . . . ?» yaa «Wiɖiyi ŋtɛm nɩʋ se . . . ?» nɛ ŋyɔɔdɩ Bibl taa toovenim tɔm natʋyʋ. Pʋwayɩ lɛ, ŋtɩŋnɩ mayaɣ yaa masɩ nzɩ sɩlakɩ nɔɔ kʋɖʋmaɣ nɛ tɔm ndʋ yɔ sɩ-yɔɔ nɛ ŋlɩzɩ toovenim tɔm ndʋ tɩ-taa. Toovenim tɔm ndʋ ɖisusuu nɔɔyʋ yɔ, tɩpɩzɩɣ nɛ tɩñɔ ɛ-laŋɩyɛ taa, nɛ Ɛsɔ pɩzɩɣ ɛla nɛ tɩpaɣlɩ.—1 Kɔr. 3:​6, 7.

• Cee wayɩ

• Hɔʋ

• Ɛsɔ

• Adɩma

• Yesu

• Ɛsɔ Kewiyaɣ

• Kʋñɔmɩŋ

• Sɩm

• Ɛsɔ sɛtʋ

CEE WAYƖ

1. 1. Mbʋ mbʋ pɩwɛɛ nɛ pɩlakɩ ɛjaɖɛ yɔɔ yɔ nɛ ɛyaa lakasɩ wɩlɩɣ se pɩkazɩ pazɩ lɛ lɛɣzɩtʋ kɔŋ.—Mat. 24:​3, 7, 8; Luka 21:​10, 11; 2 Tim. 3:​1-5.

2. 2. Paakaɣ ɖɩzʋʋ tɛtʋ wiɖiyi kpa.—Keɣ. 104:5; Ekl. 1:4.

3. 3. Pakaɣ ɖaɣnʋʋ ñɔɔzʋʋ tɛtʋ. —Iza. 35:​1, 2; Natʋ 11:18.

4. 4. Paa weyi ɛkaɣ wɛnʋʋ tomnaɣ taa alaafɩya kiya.—Iza. 33:24; 35:​5, 6.

5. 5. Ŋpɩzɩɣ nɛ ŋcaɣ wezuu tɛtʋ yɔɔ tam.—Keɣ. 37:29; Mat. 5:5.

HƆƲ

1. 6. Pɩwɛɛ se abalʋ «ɛsɔɔlɩ ɛ-halʋ ɛzɩ ɛsɔɔlʋʋ ɛ-maɣmaɣ ɛ-tɩ yɔ.»—Efɛz. 5:33; Kol. 3:19.

2. 7. Pɩwɛɛ se halʋ ɛña ɛ-walʋ siŋŋ.—Efɛz. 5:33; Kol. 3:18.

3. 8. Pɩwɛɛ se halʋ nɛ ɛ-walʋ peheyiɣ ɖama toovenim.—Mal. 2:16; Mat. 19:​4-6, 9; Ebr. 13:4.

4. 9. Piya nzɩ sɩñaŋ sɩ-lʋlɩyaa nɛ siwelisiɣni-wɛ yɔ, pɩkaɣ-sɩ ɖenuu.—Adu. 1:​8, 9; Efɛz. 6:​1-3.

NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

ƐSƆ

1. 10. Ɛsɔ wɛnɩ hɩɖɛ.—Keɣ. 83:18; Yer. 10:10.

2. 11. Ɛsɔ yɔɔdʋʋnɩ-ɖʋ.—2 Tim. 3:​16, 17; 2 Pɩy. 1:​20, 21.

3. 12. Ɛsɔ wɛ siɣsiɣ nɛ ɛɛtʋkʋʋ ɛyaa taa.—Wp. 10:17; Tʋma 10:​34, 35.

4. 13. Ɛsɔ sɔɔlaa se ɛsɩnɩ-ɖʋ.—Keɣ. 46:1; 145:​18, 19.

ADƖMA

1. 14. Ɛsɔ sɔɔlaa se ɖɩtɩmnɩ-ɩ. —Keɣ. 62:8; 65:2; 1 Pɩy. 5:7.

2. 15. Bibl wɩlɩɣ-ɖʋ ɛzɩma ɖɩpɩzɩɣ nɛ ɖɩtɩmɩ yɔ.—Mat. 6:​7-13; Luka 11:​1-4.

3. 16. Pɩwɛɛ se ɖɩtɩmɩɣ ɖoŋ ɖoŋ.—Mat. 7:​7, 8; 1 Tes. 5:17.

YESU

1. 17. Yesu kaakɛ wɩlɩyʋ sɔsɔ nɛ ɛ-lɔŋ tasʋʋ wazɩɣ halɩ nɛ sɔnɔ.—Mat. 6:​14, 15, 34; 7:12.

2. 18. Yesu kaayɔɔdɩ mbʋ mbʋ pɩwɛɛ nɛ pɩlakɩ sɔnɔ yɔ pɩ-tɔm.—Mat. 24:​3, 7, 8, 14; Luka 21:​10, 11.

3. 19. Yesu kɛ Ɛsɔ Pɩyalʋ.—Mat. 16:16; Yoh. 3:16; 1 Yoh. 4:15.

4. 20. Yesu tɩkɛ Ɛsɔ Ðoŋ Tɩŋa Tʋ.—Yoh. 14:28; 1 Kɔr. 11:3.

Based on NASA/Visible Earth imagery

ƐSƆ KEWIYAƔ

1. 21. Ɛsɔ Kewiyaɣ kɛ komina ŋgʋ kɩwɛ ɛsɔdaa yɔ.—Dan. 2:44; 7:​13, 14; Mat. 6:​9, 10; Natʋ 11:15.

2. 22. Ɛsɔ Kewiyaɣ kaɣ lɛɣzʋʋ ɛyaa kominawaa lone taa.—Keɣ. 2:​7-9; Dan. 2:44.

3. 23. Ɛsɔ Kewiyaɣ ɖeke pɩzɩɣna nɛ kɔcɔnɩ ɛyaa kɩcɛyɩm ɖeɖe.—Keɣ. 37:​10, 11; 46:9; Iza. 65:​21-23.

KƲÑƆMƖŊ

1. 24. Pɩtɩkɛ Ɛsɔ cɔlɔ ɖa-kʋñɔmɩŋ lɩɣna.—Wp. 32:4; Yak. 1:13.

2. 25. Sataŋ ɖiyiɣni ɛjaɖɛ.—Luka 4:​5, 6; 1 Yoh. 5:19.

3. 26. Ɛsɔ sɩm kʋñɔmɩŋ weyi ɩ-taa ŋwɛɛ yɔ nɛ ɛsɔɔlaa se ɛsɩnɩ-ŋ. —Keɣ. 34:​17-19; Iza. 41:​10, 13.

4. 27. Pɩkazɩ pazɩ Ɛsɔ hɩzɩɣ kʋñɔmɩŋ.—Iza. 65:17; Natʋ 21:​3, 4.

SƖM

1. 28. Sɩɖaa ɩɩsɩŋ natʋyʋ; paalakɩ kʋñɔŋ nakʋyʋ.—Ekl. 9:5; Yoh. 11:​11-14.

2. 29. Sɩɖaa ɩɩpɩzɩɣ nɛ pasɩnɩ-ɖʋ yaa pɔkɔnɩ ɖɔ-yɔɔ kaɖɛ naɖɩyɛ.—Keɣ. 146:4; Ekl. 9:​6, 10.

3. 30. Pakaɣ fezuu ɖɛ-ɛyaa kʋsɔɔlaa mba pasɩba yɔ.—Yɔɔb 14:​13-15; Yoh. 5:​28, 29; Tʋma 24:15.

4. 31. «Sɩm ɛɛkaɣ tasʋʋ wɛʋ.»—Natʋ 21:​3, 4; Iza. 25:8.

ƐSƆ SƐTƲ

1. 32. Pɩtɩkɛ Ɛsɔ sɛtʋ tɩŋa kɛdɩnɩnɩ Ɛsɔ.—Yer. 7:11; Mat. 7:​13, 14, 21-23.

2. 33. Ɛsɔ paɖɩɣ pɩ-tɛɛ nɛ pɩ-yɔɔ lakasɩ.—Iza. 29:13; Mik. 3:11; Mark. 7:​6-8.

3. 34. Sɔɔlɩm siŋŋ kɛnɩ Ɛsɔ sɛtʋ toovenim ñɩndʋ yʋsaɣ.—Mik. 4:3; Yoh. 13:​34, 35.