Ɛzɩ Bibl haɣ nesi ɖɔkɩyaa nʋmɔʋ se pekizi ɖama?

Bibl tɔm cosuu

Ɛɛɛ, Bibl haɣ nesi ɖɔkɩyaa nʋmɔʋ se pekizi ɖama. Ɛlɛ Yesu yɔɔdɩ mbʋ pɩpɩzɩɣ piyele nɛ halʋ nɛ ɛ-walʋ pekizi ɖama yɔ pɩ-tɔm. Ɛtɔm se: “Weyi ɛɖɔɔnɩ ɛ-halʋ yɔ, ye pɩtɩkɛ halʋ kɩlɛlʋʋ [yaa acɛyɛ] kɔyɔ, nɛ ɛkpaɣ kɩfalʋ yɔ, ɛlakɩ hatiye.”—Maatiyee 19:9.

Yehowa tɩsɔɔlɩ se nesi ɖɔkɩyaa ikizi ɖama paa tɔm ndʋ lɛ tɩ-yɔɔ, mbʋ pʋyɔɔ yɔ pɩkɛ agutaaku lakasɩ. Nɛ Ɛsɔ kaɣ pɔzʋʋ mba pekiziɣ pɛ-tɛŋga yɔ akɔnta, kɔzɩ kɔzɩ ye halʋ yaa abalʋ ekizi ɛ-tɛŋga se pɩsa nɛ ɛ nɛ nɔɔyʋ pɔɖɔkɩ nesi yɔ.—Malakiya 2:13-16; Maarkɩ 10:9.