TƆM PƆZƲƲ 1
Anɩ Ɛsɔ kɛnaa?
«Ɛyaa ɩtɩlɩ se ña weyi ña-hɩɖɛ lɛ Yehowa yɔ, ñe-ɖeke ñɛkɛnɩ Kɩlɩm tɛtʋ kpeekpe yɔɔ.»
«Ɩtɩlɩ se Yehowa kɛnɩ Ɛsɔ. Ɛnʋ manɩ-ɖʋ, nɛ ɛnʋ tɩnɩ-ɖʋ.»
Ma lɛ Yehowa. Ma-hɩɖɛ lɛ; maacɛlɩɣ mon-ɖoŋ nɔɔyʋ, nɛ maacɛlɩɣ ɖɔɖɔ man-samtʋ sɩʋ kpelisi.»
«Weyi ɛyaɣ Yehowa hɩɖɛ yɔ, pakaɣ ɛ-ñʋʋ yabʋ.»
«Toovenim taa lɛ, paa ɖɩɣa ŋga lɛ nɔɔyʋ manɩ-kɛ, ɛlɛ weyi ɛma pɩtɩŋa payɩ yɔ, ɛnʋ lɛ Ɛsɔ.»
«Ɩkpazɩ mɩ-ɛsa ɛsɔdaa nɛ ɩna. Alɩzɩ pɩtɩŋa payɩ mbʋ yɔ? Ɛnʋ lɛ Weyi eɖiyiɣ-wɛ nɛ ɛlɩɣna ɛzɩ yoyaa yɔ, ɛkalɩɣ-wɛ kʋɖʋm kʋɖʋm; ɛyaɣ pa-tɩŋa nɛ pa-hɩla. E-ɖoŋ sɔsɔŋ weyi ɩpaɣlɩ pɩdɩɩfɛyɩ yɔ nɛ e-hoɖe nɖɩ ɖɩcaɣ sɔɔndʋ yɔ pɔ-yɔɔ lɛ, pɩtɩkazɩ pa-taa nɔɔyʋ se ɛfɛyɩ.»